Search form

Login - Register | FOLLOW US ON

Logo of Phnom Penh Post newspaper Phnom Penh Post - បឹង​អ៊ីនឡេ​ ទាក់ទាញ​ទេសចរ​ មក​មើលការ​នេសាទ​ដ៏​ចម្លែក

Content image - Phnom Penh Post
ប្រជានេសាទ​មាន​ជំនាញ​ពិសេស​ជើង​ម្ខាង​ជាន់ទូក និង​ជើង​ម្ខាង​ទៀត​កេវ​ច្រវារក្សា​លំនឹង​ខ្លួន​​​។

បឹង​អ៊ីនឡេ​ ទាក់ទាញ​ទេសចរ​ មក​មើលការ​នេសាទ​ដ៏​ចម្លែក

ក្រុងណៃពិដោ: បឹង អ៊ីនឡេ (Inle Lake) ទំនង​ជា​ទីកន្លែង​ដ៏អស្ចារ្យ​បំផុត​នៅ​ប្រទេស​មីយ៉ាន់ម៉ា។

បឹង​ដ៏ធំ​ល្វឹងល្វើយ​ស្ថិត​នៅ​ចំកណ្ដាល​រដ្ឋ​សាន (Shan State) ដែល​ជាប់​ព្រំប្រទល់​ប្រទេស​ថៃ និង​ឡាវ។ វា​គឺជា​បឹង​ខ្ពស់​បំផុត​មួយ​នៅ​មីយ៉ាន់ម៉ា មាន​កម្ពស់ ៩០០ ម៉ែត្រ​លើ​នីវ៉ូទឹក​សមុទ្រ។

បច្ចុប្បន្ន កុលសម្ព័ន្ធ​ភ្នំ​ប្រមាណ ៣០ ប្រភេទ​កំពុង​រស់​នៅ​តាម​ជួរភ្នំ​ទាំង​នេះ។

នៅ​ទីនោះ​ល្បី​ភូមិ​បណ្ដែត​ទឹក ផ្សារ​បណ្ដែត​ទឹក​រំលេច​ពណ៌​ចម្រុះ និង រីសត ស្ប៉ាអ៊ីនឡេ (Inle Spa) ជាទី​ឋាន​ភ្ញៀវទេសចរ​មិនគួរ​រំលង។

ទាំង​ស្រស់​ស្អាត​បែប​ធម្មជាតិ និង​មិន​ត្រូវបាន​បំពុល​បរិស្ថាន គឺជា​ភាព​ទាក់ទាញ ជាពិសេស សកម្មភាព​អង្រុត​ត្រី ដែល​អ្នកនេសាទ​ឈរ​ជើង​ម្ខាង​ជាន់ទូក ដ៏ប្លែក​របស់ ដែល​មាន​ដើម​កំណើត​នៅលើ​ផ្ទៃ​បឹង​នេះ​តែម្ដង។

បឹង​អ៊ីនឡេ គឺជា​បឹងធំ​បំផុត​លំដាប់​ទីពីរ នៅ​មីយ៉ាន់ម៉ា ហើយ​ប្រជា​នេសាទ​គឺជា​ភាព​ទាក់ទាញ​មួយ​សម្រាប់​ភ្ញៀវទេសចរ។ អ្នក​រស់នៅ​បរិវេណ​បឹង​នេះ ជា​អម្បូរ​អ៊ីន​ថា រស់នៅ​ក្នុង​ទីក្រុង ៤ និង​នៅតាម​ភូមិឋាន​តូចៗ​ជាច្រើន​ស្ថិតនៅ​រាយប៉ាយ​លើ​ច្រាំង​មាត់​បឹង។

ប្រជា​នេសាទ​មីយ៉ាន់ម៉ា​ទាំង​នេះ​ចេះ​ជំនាញ​ប្រមាញ់​ត្រី​ដ៏ចម្លែក​ខុសគេ​ដោយ​ការ​ជិះទូក​អង្រុត​ត្រី ឈរ​តែជើង​មួយ។ ការរក្សា​លំនឹង​តុល្យភាព​ដោយ​ប្រើ​ជើង​ម្ខាង​ជាន់​ទៀត ខណៈ​ជើង​ម្ខាង​ទៀត​កេវដង​ច្រវាចែវ​តម្រង់​ទិសដៅ។

Content image - Phnom Penh Post
ចេតិយ​ជាច្រើន​នៅ​បឹង​អ៊ីនឡេ ជាបឹង​ធំ​ទីពីរ​នៅ​ប្រទេស​មីយ៉ាន់ម៉ា​។

ទិចនិក​នេសាទ​ត្រី​ជំនាញ​នេះ​បាន​បង្ហាញ​ថា អ្នកនេសាទ​អាច​ឈរ និង​សម្លឹង​រក​គោលដៅ​អង្រុត​ត្រី ដោយ​ទុក​ឲ្យដៃ​ទាំងគូ​នៅ​ទំនេរ​ដើម្បី​បោះ​អង្រុត​ឲ្យចំ​ចំណុច។

ជាង​ថតរូប ដា​វីដ ឡាហ្សារ បាន​ធ្វើ​ដំណើរ​ទៅកាន់​បឹង​អ៊ីនឡេ ក្នុង​ស្រុក​ថូងហ្គី នៃ​រដ្ឋសាន ប្រទេស​មីយ៉ាន់ម៉ា ក៏ស្គាល់​ច្បាស់​ជា​ប្រទេស​ភូមា។ បុរស​មកពី​ក្រុង​ប្រ៊ីសបាន ប្រទេស​អូស្ដ្រាលី អាយុ ៣២ ឆ្នាំ​រូបនេះ បាន​និយាយ​ថា៖ «ការធ្វើ​តុល្យភាព​លំនឹង​របស់​ពួកគេ​នៅលើ​ទូកនេះ​គឺជា​ការហ្វឹកហាត់​តាំងពី​កុមារ​ភាព»។

បុរសៗ​ក្នុង​តំបន់​នេះ​ចាប់ផ្ដើម​នេសាទ​តាំងពី​អាយុ ១៣ ឆ្នាំ និង​បន្ដ​អនុវត្ដ​រហូតដល់​អាយុ ៧៥ ឆ្នាំ។

ជាអកុសល មធ្យោបាយ​ចិញ្ចឹមជីវិត​បែប​ប្រពៃណី​របស់​ប្រជា​នេសាទ​កំពុង​ស្ថិត​ក្រោម​ការគំរាម​កំហែង ខណៈ​បឹង​យក្ស​នេះ​កំពុង​តែរួម​តូច​ទៅៗ​ដោយសារតែ​កសិកម្ម​បណ្ដែត​ទឹក កំណក​ភក់ និង​ការដុត​ព្រៃ​ក្នុង​តំបន់ភ្នំ​ជុំវិញ ដែល​បន្ថយ​បឹង​ជម្រៅ ៣ ម៉ែត្រ៕HR

Content image - Phnom Penh Post
ជំនាញ​នេសាទ​ពិសេស​​នេះ​ទាមទារ​ការហ្វឹកហាត់​តាំងពី​កុមារភាព​​។

0

Comments

Please, login or register to post a comment