ក្រុងប៉េកាំង: ឧទ្យានជាតិវាលស្រែឆកសាន់យ៉ា ហៃតាង រចនាប័ទ្មវាលស្រែ បានបើកសម្ពោធកាលពីប៉ុន្មានសប្ដាហ៍មុនដើម្បីស្វាគមន៍ទេសចរ។
ក្នុងដំណាក់កាលទីមួយ ឧទ្យានលើផ្ទៃដី ២៥៣ ហិកតាក្រោមទឹកប្រាក់វិនិយោគ ២,៣ ពាន់លានយ៉េន (៣៦២,៧ លានដុល្លារ) នឹងមានមុខងារជារមណីយដ្ឋានកែច្នៃដ៏សំខាន់មួយដែលបញ្ចូលគ្នារវាងការអប់រំវិទ្យាសាស្ដ្រ ការអភិរក្សបរិស្ថាន និងទស្សនីយភាព។
ឧទ្យានជាតិនេះ បង្ហាញជាសាធារណៈ នូវចម្លាក់ដាយណូស័រផ្ដោតលើការអប់រំបែបវិទ្យាសាស្ដ្រ តំបន់វប្បធម៌វាលស្រែ អគារកញ្ចក់អេកូឡូស៊ី និងឧទ្យានវាលស្រែដ៏ប្លែកភ្នែក។
នៅឧទ្យានជាតិវាលស្រែក្រុងសាន់យ៉ា ដាយណូស័រ ៦៦ ក្បាលមកពីខេត្ដហៃឡុងជៀង ស៊ីជៀង ស៊ីឈួន យុនណាន់ និងបណ្ដាខេត្ដ ២០ ទៀត រួមទាំងតំបន់សម្បូរដាយណូស័រ តាំងពីរាប់រយលានឆ្នាំមុន។
ភ្ញៀវទេសចរអាចរីករាយក្នុងការគយគន់ចម្លាក់ដាយណូស័រនៅឧទ្យានជាតិវាលស្រែ សាន់យ៉ា ហៃតាង ដែលមានចំនួនរហូតដល់ ៣២៣ ក្បាល។
អ្នកជំនាញជាច្រើនបានចូលរួមឌីហ្សាញទស្សនីយភាពឧទ្យាន និងបានដំឡើងចម្លាក់ដាយណូស័រដែលផលិតឡើងពីឆ្អឹងដែក ស្រោបស្បែកស៊ីលីកូន ដែលអាចបង្ហាញពីកាយវិការ និងបំពងសំឡេងលាន់កងរំពង។
ដាយណូស័រវែងបំផុតប្រចាំឧទ្យានប្រវែង ៣៦ ម៉ែត្រ ក៏ត្រូវបានដំឡើងរួចរាល់ហើយដែរ។
ដាយណូស័រគឺជាអម្បូរសត្វវ័យចំណាស់បំផុតលើផែនដី ដែលពួកវាមានរាប់ពាន់ប្រភេទ ត្រូវបានប្រទះឃើញលើផែនដី ហើយចិនក៏បានរកឃើញជាង ២៧០ ប្រភេទជាពូជដាយណូស័រធំបំផុតក្នុងលោក ជាពិសេស ថ្មីៗនេះ ជាមួយការរកឃើញ និងលទ្ធផលនៃការស្រាវជ្រាវអំពីពពួកសត្វផុតពូជទាំងនេះ ចិនក្លាយជាមជ្ឈមណ្ឌលស្រាវជ្រាវដាយណូស័រពិភពលោក។
វេជ្ជបណ្ឌិត យ៉ាង គុន បាននិយាយថា៖ «ស្របពេលដែលយើងបានបោះជំហានទៅមុខយ៉ាងលឿនចំពោះការស្រាវជ្រាវវិទ្យាសាស្ដ្រ យើងក៏ត្រូវធ្វើកិច្ចការល្អៗ ស្ដីពីវិទ្យាសាស្ដ្រផងដែរ ដោយការទាក់ទាញក្មេងៗ យុវវ័យដែលចង់ស្វែងយល់ពីការសិក្សាហ្វូស៊ីល»។
លោកថា ទីក្រុងឆ្នេរទេសចរណ៍ដ៏ស្រស់ស្អាត សាន់យ៉ា នេះ ពិតជាស័ក្ដិសមក្នុងការកសាងឧទ្យានដាយណូស័រ បែបវិទ្យាសាស្ដ្រ និងទីកម្សាន្ដដ៏សម្បូរបែប។ នេះជាការងារច្នៃប្រឌិតបែបវិទ្យាសាស្ដ្រ និងបច្ចេកវិទ្យា៕HR