ស្ទឹងត្រែងៈ ស្របពេល​ដែល​មេឃ​នារដូវ​ប្រាំង​បញ្ចេញ​កម្តៅ​ថ្ងៃ​ក្តៅ​ហែង ប្រសិន​បើមាន​ទីកន្លែង​លម្ហែ​កាយ​ណាមាន​ម្លប់​ក្យូស​ប្រក់​ស្បូវ អាច​អង្គុយ​ទទួល​អាហារ​បាន​ក្រោម​ជំនោរ​ខ្យល់​បរិសុទ្ធ​ស្រូប​ដង្ហើម​ចូល មានទឹក​ហូរ​រឹមៗ​ថ្លា​ឆ្វង់​ដ៏ត្រជាក់​ស្រេប​គួរឲ្យ​ចង់ចុះ​ទៅងូត លាយឡំ​ដោយ​សម្រស់​ធម្មជាតិ មាន​ព្រៃឈើ​បៃតង​ខ្ចីដុះ​នៅអម​ទាំង​សងខាង​ត្រើយ​ទន្លេ​នោះ ភ្ញៀវ​ទេសចរ​នឹង​ទទួល​អារម្មណ៍​ល្ហែល្ហើយ​កាយា បើមាន​ទោង​ជិះលេង​លើទឹក និង​ស្ពាន​យោល​ដើរឆ្លង​លេង​ទៀត​រឹតតែ​សប្បាយ​អនេក។