ស្ទឹងត្រែងៈ ជាមួយ​នឹង​ចរន្តទឹក​ហូររឹមៗ​ក្នុង​សភាព​ថ្លា​ឈ្វេង ដែល​អាច​មើល​ឃើញ​បាត​ទន្លេ លាយ​ឡំ​ទៅ​ដោយ​ល្បាយ​ក្រួស​ខ្សាច់ និង​ដុំថ្ម​រដិបរដុប​ក្នុង​ជម្រៅ​រាក់ៗ ត្រជាក់​ស្រេង​ពេល​ចុះងូត​លេង​នារដូវ​ប្រាំង ម្លប់​ក្យូស​ប្រក់​ស្បូវ សាងសង់​តម្រៀប​ជាជួរ​នៅចំ​កណ្តាល​ទន្លេ​សេសាន ជាមន្ត​ស្នេហ៍​ទាក់ទាញ​ក្រុម​ភ្ញៀវទេសចរ​ទាំង​នៅ​ទីជិត និង​ទីឆ្ងាយ​មក​លម្ហែកាយ​នៅ​រមណីយដ្ឋាន​បុប្ផា​កោះភ្លុក ដែល​ស្ថិត​នៅ​ប៉ែក​ឧត្តរ​នៃតំបន់​ជាយដែន​ប្រទេស​កម្ពុជា និងឡាវ​មួយ​នេះ​គឺមាន​រយៈពេល ៧-៨ ឆ្នាំ​មក​ហើយ។