.jpg)
ស្ថិតនៅរយៈកម្ពស់ ១៥២០ ម៉ែត្រ ល្អាងធានមិន ជាខ្លោងទ្វារធម្មជាតិ រហស្សនាមខ្លោងទ្វារឋានសួគ៌។
ក្រុងហ្សាងជាជី: ពីកណ្ដាលក្រុង ហ្សាងជាជី ក្នុងខេត្ដហ៊ូណាន ប្រទេសចិន ភ្ញៀវទេសចរបានសម្រុកទៅកម្សាន្ដនៅខ្សែរ៉តភ្នំធៀនមិន។ រយៈពេលជិតកន្លះម៉ោង ទូខ្សែរ៉តអគ្គិសនី នឹងអូសឡើងកម្ពស់ ៧៤៦០ ម៉ែត្រទៅកាន់ភ្នំធៀនមិន។ នៅចុងបញ្ចប់ ទេសចរបានដើរឡើងទៅកាន់ «ច្រកទ្វារឋានសួគ៌»។
ស្ថិតនៅរយៈកម្ពស់ ១៥២០ ម៉ែត្រលើនីវ៉ូទឹកសមុទ្រ ល្អាងធៀនមិន គឺជាខ្លោងទ្វារធម្មជាតិដ៏ខ្ពស់បំផុត ក្នុងលោក ដែលរំលេចនូវទស្សនីយភាពបីដូចជាខ្លោងទ្វារឋានសួគ៌។
ទេសភាពដ៏ស្រស់ត្រកាល និងទម្រង់ភ្នំថ្មល្អផ្ដាច់គេ គឺជាមូលហេតុ ដែលទេសចរភាគច្រើនចូលចិត្ដដើរឡើងភ្នំ។
ដើម្បីសម្រេចបំណងទៅដល់ទីឋានស្រស់ត្រកាល ភ្ញៀវត្រូវដើរឡើងជណ្ដើរ ៩៩៩ កាំលើ «ជណ្ដើរទៅកាន់សួគា»។
លេខ ៩ គឺជាលេខនាំហុងស៊ុយក្នុងលេខវិទ្យាចិន ដែលតំណាងសំណាងល្អ និងអនាគតជាតិ។ អ្នកដែលមិនចង់ជិះទូអគ្គិសនី អាចជ្រើសរើសជិះរថយន្ដក្រុងបរឡើងតាមផ្លូវតូចចង្អៀតបត់បែនដូចអន្ទង់អាំងចំនួន ៩៩ កាច់។
ល្អាងយក្សនេះមានកម្ពស់ ១៣១ ម៉ែត្រ និងមុខកាត់ទំហំ ៥៧ ម៉ែត្រ។ វាធ្លាប់ជាល្អាងភ្នំធម្មតាមួយប៉ុណ្ណោះរហូតដល់ឆ្នាំ ២៦៣ ពេលច្រាំងភ្នំម្ខាងបានបាក់រលំ និងបង្កើតបានជាច្រកទ្វារឋានសួគ៌នេះឯង។
អ្នកខ្លះជឿថា ប្រវត្ដិកកើតឡើងល្អាងនេះមានលក្ខណៈទេវកថាដ៏អាថ៌កំបាំង ដែលជាការបង្កើនអានុភាពភ្នំធៀនមិនជាភ្នំពិសិដ្ឋ។
ការជិះខ្សែរ៉តពីទីក្រុងទៅកាន់ភ្នំខ្ពស់ត្រូវប្រើពេល ១៥ ទៅ ២០ នាទី។
ភ្ញៀវទេសចរដែលចង់ធ្វើដំណើរទៅទីឋានធម្មជាតិដ៏ពិសិដ្ឋនេះអាចទស្សនាអារាមធៀនមិន ដែលត្រូវបានកសាងឡើងក្នុងឆ្នាំ ៨៧០។ វាជាមជ្ឈមណ្ឌលពុទ្ធសាសនានៅហ៊ូណានខាងលិច។
វាក៏ជាទីឋានដើរកម្សាន្ដតាមឧទ្យានជុំវិញភ្នំគន់ទេសភាពរំជើបរំជួលអារម្មណ៍ជាច្រើនទៀត។ នៅមានស្ពានយោលលើជ្រលងភ្នំប៉ុន្មានកន្លែងទៀត រួមទាំង ស្ពានកញ្ចក់ចំនួន ៣ ដែលភ្ញៀវអាចគន់បាតជ្រលងកាន់តែច្បាស់។
បើអស់កម្លាំងពេលឡើងចុះភ្នំខ្ពស់នេះ ទូខ្សែរ៉តអគ្គិសនីអាចជាជម្រើសដ៏ល្អ។ ផ្លូវរត់របស់ខ្សែរ៉តពីទីក្រុងឆ្ពោះទៅកាន់ភ្នំធៀនមិន ត្រូវបានចាត់ទុកជាខ្សែរ៉តវែងបំផុតក្នុងលោក ប្រវែង ៧៤៥៥ ម៉ែត្រ និងកម្ពស់ ១២៧៩ ម៉ែត្រ។
ការជិះខ្សែរ៉តពីទីក្រុងទៅកាន់ភ្នំខ្ពស់ត្រូវចំណាយពេលពី ១៥ ទៅ ២០ នាទី ខណៈអ្នកដំណើរអាចគយគន់ទេសភាពតំបន់ភ្នំដ៏ស្រស់ស្អាត៕HR
នៅលើភ្នំមានផ្លូវដើររំជើបរំជួល ស្ពានយោលកញ្ចក់ឆ្លុះបាតជ្រលង។
