Search form

Login - Register | FOLLOW US ON

Logo of Phnom Penh Post newspaper Phnom Penh Post - វិមាន​កែវ​កោះ​ ជេជូ លម្អ​ផ្កាផ្លែឈើ វត្ថុ​គ្រប់យ៉ាង​ធ្វើ​ពីកែវ

Content image - Phnom Penh Post
ភ្ញៀវ​ដើរ​គយគន់​បុប្ផា​ធ្វើពី​កែវ​ចម្រុះ​ពណ៌​រីកស្គុះ​ស្គាយ​គ្រប់រដូវ។

វិមាន​កែវ​កោះ​ ជេជូ លម្អ​ផ្កាផ្លែឈើ វត្ថុ​គ្រប់យ៉ាង​ធ្វើ​ពីកែវ

កោះជេជូ: ឧទ្យាន​កម្សាន្ដ​មួយ​ដែល​ផលិត​ពីកែវ​សុទ្ធ ចាប់ពី​សៀវភៅ​ដ៏ភ្លឺរលោង​លើធ្នើ រហូតដល់​ចម្លាក់​ផ្កា ស្លឹក និង​រុក្ខជាតិ​ធ្វើ​ពីកែវ​ស្ល តាំង​លម្អ​ក្នុងបឹង។

ស្វាគមន៍​មកកាន់​ឧទ្យាន​កម្សាន្ដ​វិមាន​កែវ​កោះ​ជេជូ ហាក់បី​ដូចជា​សារមន្ទីរ​មួយ​ដែលអ្វីៗ​គ្រប់យ៉ាង​សុទ្ធតែ​ផលិតឡើង​ពីកែវ។

ភ្ញៀវទេសចរ​ទៅកាន់ «ឧទ្យាន​វិមាន​កែវជេជូ» នឹង​ទទួលបាន​នូវ​បរិយាកាស​បែប​វេទមន្ដ​ដ៏អស្ចារ្យ។ វិមាន​កែវ​ជេជូ​គឺជា​ឧទ្យាន​កម្សាន្ដ​កែវបែប​សិល្បៈ​មានសាល​ពិព័រណ៍​មួយ សួនច្បារ និង​វត្ថុផ្សេងៗ​ផលិត​ពីកែវ​សុទ្ធសាធ។

មានឧទ្យាន​កម្សាន្ដ​គំរូប្លែកៗ​ចំនួន ៦ កន្លែង​ដែលមាន​ការបង្ហាញ​វត្ថុផ្សេងៗ​ចំនួន ២៥០ ប្រភេទ រួមទាំង ល្បែង​ផ្លូវ​វង្វេង​ធ្វើ​ពីកែវ​សុទ្ធ​ដំបូង​បំផុត​ក្នុងលោក បាល់​កែវធំ​បំផុត​ក្នុងលោក ចិញ្ចៀន​ត្បូង​ពេជ្រកែវ​ធំបំផុត​ក្នុង​លោក ជញ្ជាំង​កែវ បឹងកែវ និងស្ពាន​កែវមួយ​ផងដែរ។

Content image - Phnom Penh Post
ផ្លែឈើ​ និង​ស្លឹក​ធ្វើពី​ចម្លាក់​កែវ​ ដ៏ភ្លឺ​រលោង​នៅក្នុង​ឧទ្យាន​វិមាន​កែវ។

នៅមាន​សិល្បៈ​ធ្វើពី​ចម្លាក់​កែវជា​ច្រើន​ទៀត​ដែល​រចនា​ឡើង​ពីក្រុម​សិល្បករ​ល្បីល្បាញ​មកពី​អ៊ីតាលី សាធារណរដ្ឋ​ឆែក ជប៉ុន និង​បណ្ដា​ប្រទេស​ជាច្រើន​ទៀត។

វត្ថុ​កែវប្លែកៗ​ទាំងនេះ​ត្រូវបាន​ចែកជា​ប្រភេទ​វត្ថុក្នុង និង​ក្រៅអគារ ដែល​សុទ្ធតែ​រចនា​ឡើងពី​កែវដ៏​ស្រស់ស្អាត។

សួនច្បារ​ក្រៅ​អគារ​រំលេច​នូវទស្សនីយភាព​បែប​ធម្មជាតិ​ដ៏អស្ចារ្យ ដូចជា ទឹកជ្រោះ​កែវ សួនផ្កា​កែវ និង​បឹងកែវ​ជាមួយ​ត្រី​ផលិតឡើង​ពីដប​កែវចាស់ៗ​ដែល​ធ្លាប់បាន​ប្រើលើ​ដែនកោះ​ទេសចរណ៍​ជេជូ​ដ៏ពេញនិយម​មួយនេះ។

ទស្សនីយភាព​ក្នុង​អគារ រួមមាន ទង​សណ្ដែក​កែវ​ដ៏ខ្ពស់​នៅ​ចំកណ្ដាល​សាល​ពិព័រណ៍ បន្ទប់​ពោរពេញ​ដោយ​កែវ​ដែល​ភ្ញៀវអាច​វង្វេង​ចំពោះ​របាំង​កែវ ទីក្រុង​ខ្នាតតូច​ពោរពេញ​ដោយផ្ទះ​ធ្វើកែវ និង​ធ្នើរ​ដាក់​សៀវភៅ​កែវ​ដែលផ្ទុក​សៀវភៅ​កែវពេញ។

Content image - Phnom Penh Post
ទិដ្ឋភាព​រុក្ខជាតិ​កែវ​លម្អ​អគារ​ឧទ្យាន​កោះជេជូ ប្រទេស​កូរ៉េខាងត្បូង​។

ការ​ចំណាយពេល​កម្សាន្ដ​នៅលើ​វិមានកែវ​កោះ​ជេជូ​អាច​ទទួលបាន​បទពិសោធ​ប្លែកពី​ស្នាដៃ​សិល្បៈ​កែវ។

ប្រសិនបើ​ភ្ញៀវទេសចរ​ហ៊ាន​ចំណាយ​ប្រាក់​បន្ថែម​លើថ្លៃ​សំបុត្រ ពួកគេ​នឹងទទួលបាន​នូវ​បទពិសោធ​អំពី​ការរៀន​ផលិត​វត្ថុកែវ​នានា​ដោយខ្លួនឯង។ នៅក្នុង​សាលធំ​នៃ​ឧទ្យាន​វិមាន​កែវនេះ ភ្ញៀវទេសចរ​អាច​សាកល្បង​ច្នៃ​ផលិត​វត្ថុកែវ​នានា រួមទាំង បាល់​កែវ និង​ដបកែវ ដោយមាន​ការណែនាំ​ពី​សិល្បករ​ចម្លាក់​កែវ។

យ៉ាងណាមិញ ពណ៌​កែវឆ្លុះ​ពន្លឺផ្លេកៗ​នៃវត្ថុ​ជាង ២០០ ប្រភេទ​នៅ​វិមានកែវ​នេះមិន​សម្រាប់​ភ្ញៀវ​ស្ទាប​កាន់​ទេ ព្រោះ​វាអាច​បង្កឲ្យ​បាក់បែក។ ប៉ុន្ដែ​នៅមាន​វត្ថុ​មួយ​ចំនួនទៀត​សម្រាប់​ភ្ញៀវ​ចិត្ដសឿង​ហ៊ានខាំ ឬ​សំពង។ តម្លៃ​សំបុត្រ​ចូល​ប្រមាណ​ពី ៥ ទៅ ៩ ដុល្លារ៕HR

0

Comments

Please, login or register to post a comment