Search form

Login - Register | FOLLOW US ON

Logo of Phnom Penh Post newspaper Phnom Penh Post - អារាម​ ក្រុង​ឡាំផាង ​ចំទើត​លើ​ភ្នំថ្ម ​គន់​ទេសភាព ៣៦០ ដឺក្រេ​​

Content image - Phnom Penh Post
​សំណង់​ចេតិយ​ចំទើត​ច្រូង​ច្រាង​លើ​កំពូល​ភ្នំថ្ម​ទីឋាន​សក្ការៈ​។

អារាម​ ក្រុង​ឡាំផាង ​ចំទើត​លើ​ភ្នំថ្ម ​គន់​ទេសភាព ៣៦០ ដឺក្រេ​​

ក្រុងបាងកក: បើអ្នក​ត្រូវ​ជ្រើស​យក​គោលដៅ​ទេសចរណ៍​មួយ​នៅ​ទីក្រុង​ឡាំផាង អ៊ីចឹង​វត្ដ​ឆាឡឺម ប្រាគៀត ប្រាឆុំ​ក្លៅ រ៉ាឆានុសុន ប្រាកដ​ជាអាច​ទាក់ចិត្ដ​អ្នកបាន។

នៅភាគ​ខាងជើង​ប្រទេស​ថៃ ចម្ងាយ​ ១១២ គីឡូម៉ែត្រ​ពីខេត្ដ​ឈៀងម៉ៃ ក្រុង​ឡាំផាង គឺជា​ទីប្រជុំជន​មួយ​ដែល​នៅ​រក្សា​ប្រពៃណី​បុរាណ និង​សម្បូរ​ទៅ​ដោយ​ប្រាសាទ និង​អារាម​ចំណាស់​ៗ​ជាច្រើន។

ចម្ងាយ ៥៤ គីឡូម៉ែត្រ​ពី​ទីក្រុង គឺជា​អារាម​ព្រះពុទ្ធ​សាសនា​ដ៏គួរ​ឲ្យទាក់​ទាញ​បំផុត​មួយ​នៅ​ទូទាំង​ប្រទេស​ថៃ។ ប៉ុន្ដែ​ភ្ញៀវ​ទេសចរ​តិចតួច​បំផុត​មាន​ឱកាស​ឃើញ​​ទីឋាន​សក្ការៈ​ដ៏ត្រកាល​នេះ។

ឡាំផាង ស្គាល់​ជា «​មឿងរ៉ុតម៉ា» ឬ «​ទីក្រុង​រទេះ​សេះ» និង​ត្រូវ​បាន​អ្នក​ស្រុក​ចាត់ទុក​ជា​ឋានសួគ៌​ចុង​ក្រោយ​នៅថៃ​។ ទីក្រុង​តូចនេះ​មាន​ផ្លូវ​គមនាគមន៍​ភ្ជាប់​ដោយ​ផ្លូវ​រថភ្លើង និង​វិថី​ហាយវ៉េ ៤ គន្លង​ទៅ​កាន់​ទីក្រុង​បាង​កក និង​ឈៀងម៉ៃ ដែល​អ្នកនឹង​ប្រទះ​ឃើញ​រទេះ​សេះ​ប្រើប្រាស់​ប្រចាំ​ថ្ងៃ​។

Content image - Phnom Penh Post
វត្ដ​ឆាឡឺម ប្រាគៀត ប្រាឆុំក្លី រ៉ាឆានុសុន កម្ពស់ ១ ពាន់​ម៉ែត្រ​លើនីវ៉ូ​សមុទ្រ។

បរិវេណ​វត្ដ​ឆាឡឺម ប្រាគៀត ប្រាឆុំក្លៅ រ៉ាឆានុសុន ស្ថិត​នៅ​លើ​ទីទួល​ខ្ពស់​នៃ​កំពូល​ភ្នំថ្ម​ឯជនបទ​ កម្ពស់ ១ ពាន់​ម៉ែត្រ​លើ​នីវ៉ូ​ទឹក​សមុទ្រ​ រំលេច​សំណង់​ចេតិយ​ព្រះពុទ្ធ​ដ៏ល្អ​ឯក។ ក្រៅ​ពីស្ថិត​តាំង​ចំទើត​លើ​កំពូលភ្នំ​ដ៏ចម្លែក ​ទេសចរ​ក៏អាច​ទស្សនា​ទេសភាព​ប៉ាណូរ៉ា ៣៦០ ដឺក្រេ នៃ​ជ្រលង​ធុងធុង។

វត្ដ​ ឆាឡឺម ប្រាគៀត ប្រាឆុំក្លៅ រ៉ាឆានុសុន តំណាង​ទីឋាន​សក្ការៈ​ប្រណិប័តន៍​ជំនឿ​ខ្ជាប់​ខ្ជួន​ដែល​ឆ្លុះ​បញ្ចាំង​នៅ​ក្នុងភាព​អស្ចារ្យ​នៃ​ស្ថាបត្យកម្ម​ដ៏​មហិមា​នេះ។

វាគឺជា​ទីឋាន​ព្យុហយាត្រា​ព្រះពុទ្ធ​សាសនា​តាំង​ពី​យូរយារ​ដោយ​សំអាង​លើ​ព្រះបាទ​ជាន់​ទុក​របស់​ព្រះពុទ្ធ​ជាម្ចាស់​ដែល​ត្រូវបាន​ជឿ​ថា មាន​ប្រវត្ដិ​តាំង​ពីជាង ២ ពាន់​ឆ្នាំ​មុន។ ទីសក្ការៈ​បច្ចុប្បន្ន​ត្រូវបាន​កែកុន​ក្នុង​ឆ្នាំ ២០០៤ ដើម្បី​ឧទ្ទិស​ថ្វាយ​ដល់​អតីត​ស្ដេច​រាមាទី ៧ កាល​ខួប​ ២០០ ឆ្នាំ​។

ទីឋាន​សម្បូរ​សំណង់​ចេតិយ​នេះ​ស្ថិត​នៅលើ​ទីតាំង ៣ កន្លែង​ដាច់​ដោយ​ឡែក និង​ទាមទារ​នូវការ​ធ្វើ​ដំណើរ​ ៣ សណ្ឋាន​ខុសៗគ្នា។

សាល​អារាម​ធំ​ស្ថិត​នៅ​លើ​ដំណាក់​ទីមួយ ដែល​អ្នកអាច​ទៅ​ដល់​ដោយ​ងាយ​ស្រួល​ តែ​ដំណាក់​ទីពីរ ដែល​មាន​ព្រះបាទ​ជាន់​ទុក អ្នក​ត្រូវជិះ​តាក់ស៊ី​សុងតែវ។ បច្ចុប្បន្ន អ្នក​អាចរក​តាក់ស៊ី​សុងតែវ​ជិះ​ត្រឹម ៦០០ បាត (៧០០០០) រៀល​សម្រាប់​​ដំណើរ​ទៅ​មក ឬសុំ​អ្នកស្រុក​ជិះ​ដោយសារ​ដោយ​ចំណាយ ៦០ បាត (​៧០០០​ រៀល​)។ ដើម្បី​ទៅដល់​ដំណាក់​កំពូល អ្នកត្រូវ​ដើរ​ថ្មើរ​ជើង​។

ដំណាក់​កំពូល​ដែល​ស្គាល់​ជា​ ដូយ ប្រាបាត ហើយ​ទីនេះ​ អ្នកនឹង​បាន​ឃើញ​អារាម​ពណ៌​មាស​ និង​កណ្ដឹង​តូច​បន្ដុប​នៅ​ជ្រុង​ម្ខាង ហើយ​ជ្រុង​ម្ខាង​ទៀត​ គឺជា​សាល​ថ្វាយបង្គំ៕HR

Content image - Phnom Penh Post
​ភ្ញៀវទេសចរ​តិចតួច​មាន​ឱកាស​បាន​គយ​គន់ទេសភាព​លើ​កំពូលភ្នំ។

0

Comments

Please, login or register to post a comment

ព័ត៌មានពាក់ព័ន្ធ