ក្រុងតូក្យូ: ឧទ្យានព្រៃដ៏ស្រស់ស្អាតរចនាប័ទ្មជប៉ុន មានវិថីប្របរុក្ខជាតិ ស្ពានថ្ម និងគួបផ្សំនឹងរឿងរ៉ាវប្រវត្ដិសាស្ដ្រ ដែលមិនអាចបំភ្លេចបាន រំលេចរូបរាងនៅក្រុងសេនអេនតូនីញ៉ូ រដ្ឋតិចសាស សហរដ្ឋអាមេរិក។
វិថីថ្មខ្វាត់ខ្វែងនាំអ្នកដំណើរថ្មើរជើងទៅកាន់ស្ពានថ្មបុរាណដែលឆ្លងកាត់ផ្ទៃទឹកព្រែកពណ៌បៃតងខៀវដ៏ស្រស់ត្រកាល។
កាលពីអតីត ឧទ្យានតែជប៉ុន រណ្ដៅថ្មដែលបង្កើតបានជាឈ្មោះទីក្រុងសាន់ អង់តូនីញ៉ូ។ ពេលមន្ដ្រីទីក្រុងបានសម្រេចចិត្ដប្រែក្លាយជាត្រពាំងព្រលឹត និងឧទ្យាននៅដើមសតវត្សរ៍ទី ២០ ពួកវាបានឲ្យក្រុមគ្រួសារជប៉ុនយល់ដឹងពីប្រធានបទនេះ។
ពេលក្រុមគ្រួសារជប៉ុនក្លាយជាអ្នកថែទាំ ពួកគេធ្វើការងារជាមួយក្រុងដើម្បីអភិវឌ្ឍរណ្ដៅចំណាស់ជាឋានសួគ៌សម្រាប់ថតរូបដ៏ស្រស់ស្អាតដោយបន្ថែមផ្លូវថ្មើរជើង ស្ពានថ្ម និងអារាមធំមួយ។ ពួកគេក៏បានបម្រើអាហារថ្ងៃត្រង់ និងពិធីជួបជុំក្រេបទឹកតែថែមទៀត។
ជាអកុសល ក្រុមគ្រួសារជប៉ុនត្រូវបានរើចេញក្រោយពីការវាយប្រហារ Pearl Harbor ពីកងនាវាចក្រពត្តិ ហើយឧទ្យាននេះត្រូវបានប្ដូរឈ្មោះជាឧទ្យានតែចិនទៅវិញ។
ក្រុមគ្រួសារស្ថិតក្នុងចំណោមពលរដ្ឋជាច្រើនដែលត្រូវបានកៀរគរ និងទុកដាក់ក្នុងជំរំពេលមានការប្រយុទ្ធរវាងជប៉ុន អាមេរិកបានកើតឡើងទូទាំងប្រទេស។ ពេលសង្គ្រាមបានបញ្ចប់ ឈ្មោះឧទ្យាននេះត្រូវបានប្ដូរមកជាឧទ្យានតែជប៉ុនរហូតដល់សព្វថ្ងៃវិញ។
ក្រុងសាន់ អង់តូនីញ៉ូ គ្រប់គ្រងឧទ្យាននេះទាំងស្រុងនៅដើមទសវត្សរ៍ឆ្នាំ ២០០០ ក្រោយពីវាត្រូវបានបោះបង់ចោល និងបំផ្លិចបំផ្លាញមួយរយៈ។
ទីក្រុងនេះបានបោះទុនជាងមួយលានដុល្លារក្នុងការជួសជុល និងកែលម្អវាឡើងវិញ។
បច្ចុប្បន្ន ឧទ្យានរំលេចនូវទស្សនីយភាពស្ថាបត្យកម្ម និងការរចនាម៉ូដឧទ្យានបែបអាស៊ីស្ទើរតែទាំងស្រុង។ វិថីថ្ម និងស្ពានថ្ម ស្រះត្រីកូយ អារាម និងទឹកធ្លាក់ជាច្រើនកន្លែង បានបន្ថែមសម្រស់ឧទ្យានតែទាក់ទាញ។
ដើរលើវិថីថ្មថ្មើរជើង ភ្ញៀវនឹងមានឃើញស្រះត្រីកូយ អណ្ដើក ខណៈមេអំបៅ និងបក្សីហេមមីងប៊ឺត ចោះស៊ីសត្វល្អិតក្នុងផ្កា និងរុក្ខជាតិ។ កុំភ្លេចថតរូប និងដើរគយគន់វិថីព្រៃឫស្សី ដែលធ្វើឲ្យអ្នកមានអារម្មណ៍នៅជប៉ុនពិតៗ។
ឧទ្យានទឹកតែ ពិតជាដំណើរកម្សាន្ដដ៏សែនរីករាយសម្រាប់ឱកាសថ្ងៃស្រឡះល្អ ដែលត្រូវបានបើកស្វាគមន៍ភ្ញៀវគ្រប់រដូវ និងឥតគិតថ្លៃ៕ HR