ការ​កាន់​តំណែង​មួយៗ​អស់​រយៈ​ពេល​ពី ២០ ទៅ ៣០ ឆ្នាំ ហើយ​មាន​អ្នក​ខ្លះ​ដើរ​លែង​រួច ជិះ​រទេះ​រុញ​ទៅ​ហើយ ក៏​នៅ​តែ​បន្ត​ក្រាញ​អំណាច​មិន​ព្រម​ចូល​និវត្តន៍​ត្រូវ​បាន​លោក កែម ឡី ចាត់​ទុក​ថា គឺជា​ជំងឺ​ញៀន​អំណាច ដែល​ជា​ជំងឺ​សង្គម​មួយ​ក្នុង​ចំណោម​ជំងឺ​សង្គម​ចំនួន ៤ ផ្សេង​ទៀត​ដែល​កំពុង​បន្ត​ញាំ​ញី​សង្គម​ខ្មែរ ដែល​ត្រូវ​ការ​ការ​ព្យាបាល​ជា​បន្ទាន់​ទើប​អាច​ធ្វើ​ឲ្យ​ប្រទេស​ដែល​ស្ទើរ​តែ​រលុប​ឈ្មោះ​បាត់​ពី​ផែនទី​ពិភពលោក​មួយ​នេះ ស្គាល់​នូវ​ភាព​រុងរឿង ដូច​បណ្តា​ប្រទេស​ជឿន​លឿន នៅ​លើ​ពិភពលោក​បាន។