បាងកកៈ ក្នុង​វ័យ​ ៥៧ ឆ្នាំ​លោក​ គឹមសួរ ភិរិទ្ធ នៅ​តែ​មាន​ថាមពល​ខ្លាំងក្លា​ប្រឡូក​​ក្នុង​ឆាក​នយោបាយ​នៅ​កម្ពុជា​បើ​ទោះ​ជា​ជីវិត​នយោបាយ​របស់​លោក​ពោរពេញ​ទៅ​ដោយ​ការ​គំរាមកំហែង​បំភិតបំភ័យ​នូវ​រាល់​ពេល​មុន និង​ក្រោយ​ការ​បោះឆ្នោត​ជាតិ​ម្ដងៗ​ក៏ដោយ។ អ្នក​​តំណាង​រាស្ដ្រ​បក្សសង្គ្រោះ​ជាតិ​រូប​នេះ​បាន​សម្ដែង​ក្ដីបារម្ភ​ថា​កម្ពុជា​អាច​នឹង​រអិល​ធ្លាក់​ចូល​ក្នុង​អំពើ​​ហិង្សា​ឃោរឃៅ​បើ​គ្មាន​ការ​ផ្លាស់ប្ដូរ​មេដឹកនាំ​តាមរយៈ​ការ​បោះឆ្នោត​ដោយ​សេរី និង​យុត្តិធម៌​។ អំពើ​ហិង្សា​នយោបាយ​នៅ​កម្ពុជា​អាច​ជា​ផ្កា​ភ្លើង​ឆាប​ឆេះ និង​ឈាន​ដល់​អំពើ​ឃោរឃៅ​ក្នុង​សង្គម​ប្រសិន​បើ​មេដឹកនាំ​ភ្លេច​គិត​ដល់​ចំណុច​នេះ​។