ភ្នំពេញ: ជីវិត​គ្រួសារ​ស្វាមី​ភរិយា​មាន​ខ្លះ​ក៏​បាន​សមប្រកប​នឹង​គ្នា​ដឹក​ដៃ​គ្នា​ធ្វើ​ដំណើរ​លើ​វិថី​ស្នេហ៍​យ៉ាង​មាន​សុភមង្គល​ និង​ពោរពេញ​ដោយ​អត្ថន័យ​នៃ​ក្តី​ស្រឡាញ់​ជ្រាលជ្រៅ បើ​ទោះបី​ជា​ជីវិត​ប្តី​ប្រពន្ធ​ប្រៀប​បាន​នឹង​ចាន​ក្នុង​រាវ​ក៏ដោយ ប៉ុន្តែ​ពួកគេ​បាន​ដាក់​ចិត្ត​ដាក់​កាយ​រួម​ខ្នើយ​នឹង​គ្នា​លុះ​គ្រា​អវសាន្ត ឯ​គូជីវិត​ខ្លះ​ទៀត​សេចក្តី​ស្នេហា​របស់​ពួកគេ​មិន​បាន​ដើរ​ដល់​ចុង​បញ្ចប់​ឡើយ គូ​ខ្លះ​បាន​មក​ដល់​ផ្លូវ​បំបែក​ដោយ​បញ្ហា​ណា​មួយ​ផ្សេងៗ​គ្នា ឬ ស្រដៀងៗ​គ្នា​ចៀស​មិន​រួច ដែល​នេះ​គេ​ចាត់​ទុក​ថា​ជា​រឿង​ធម្មតា​នៃ​ការ​ជួប​ព្រាត់​។