នៅ​ក្នុង​វ័យ ៤៥​ឆ្នាំ លោក រ៉ុង ឈុន បាន​ចំណាយ​ពេល​ជិត ២០​ឆ្នាំ ហើយ ដើម្បី​ធ្វើ​ការ​តស៊ូ​មតិ​យ៉ាង​សកម្ម​ក្នុង​ការ​ធ្វើ​ឲ្យ​ប្រសើរ​ឡើង​និង​ឲ្យ​មាន​ការ​គោរព​លក្ខខណ្ឌ​ការងារ​និង​ផ្តល់​ប្រាក់​ខែ​សមរម្យ​ដល់​គ្រូ​បង្រៀន និង​កម្មករ​រោងចក្រ​កាត់ដេរ។ ដោយ​សារ​តែ​ការងារ​តស៊ូ​មតិ​នៅ​ក្នុង​ប្រទេស​ដែល​ការ​អនុវត្ត​ច្បាប់​នៅ​មាន​ភាព​ទន់​ខ្សោយ ហើយ​អាច​ប្រឈម​នឹង​គ្រោះ​ថ្នាក់​គ្រប់​ពេល​នោះ លោក រ៉ុង ឈុន បាន​សម្រេច​ចិត្ត​មិន​ទាន់​រៀបការ​ទេ ប៉ុន្តែ​ថា លោក​នឹង​រៀបការ នៅ​ពេល​ណា​ដែល​មាន​ការ​ផ្លាស់​ប្តូរ​របប​ដឹក​នាំ​ផ្តាច់​ការ។