នៅ​ពេល​មាន​ការ​ប្រមូល​ផ្តុំ​តស៊ូ​មតិ ឬ​យុទ្ធនាការ​នានា​ដើម្បី​ទាមទារ​ផលប្រយោជន៍ និង​សិទ្ធិ​សេរីភាព​សម្រាប់​កម្មករ​និយោជិក​លើ​វិស័យ​វាយនភណ្ឌ​គេ​តែង​សង្កេត​ឃើញ​មាន​វត្តមាន​ថ្នាក់ដឹកនាំ​សហជីព​ជាច្រើន​បាន​ចូលរួម​ក្នុង​នោះ​ក៏​មាន​ថ្នាក់​ដឹកនាំ​សហជីព​ជា​ស្ត្រី​មួយ​រូប​ដែល​លេចធ្លោ​ខ្លាំង​ផង​ដែរ​នោះ​គឺ​អ្នកស្រី យ៉ាង សុភ័ណ្ឌ ប្រធាន​សម្ព័ន្ធ​សហជីព​កម្មករ (CATU) ព្រោះ​នៅ​ថ្ងៃ​ដែល​រដ្ឋសភា​ប្រជុំ​អនុម័ត​ច្បាប់​ស្តី​ពី​សហជីព​កាលពី​ដើម​ខែ​មេសា​ស្រ្តី​រូប​នោះ​ត្រូវ​បាន​ក្រុម​កងសន្តិសុខ​រុញ​ឲ្យ​ដួល​ពេញ​ទំហឹង​ទៅ​លើ​ថ្នល់​នៅ​ក្បែរ​វិមាន​រដ្ឋសភា​ខណៈ​ដែល​ក្រុម​សហជីព​ប្រមូល​ផ្តុំ។