Search form

Login - Register | FOLLOW US ON

Logo of Phnom Penh Post newspaper Phnom Penh Post - CAA និង​ការ​ប្រឈម​ក្នុង​ទីផ្សារ​អាកាសចរណ៍

CAA និង​ការ​ប្រឈម​ក្នុង​ទីផ្សារ​អាកាសចរណ៍

20140418_13
លោក Trinh Hong Quang អគ្គនាយកក្រុមហ៊ុនអាកាសចរណ៍កម្ពុជាអង្គរអ៊ែរ ពេលកំពុងផ្តល់បទសម្ភាសជាមួយភ្នំពេញប៉ុស្តិ៍ ម៉ៃ វីរៈ

ភ្នំពេញៈ ទីផ្សារ​អាកាសចរណ៍​របស់ កម្ពុជា គឺ​តូច ប៉ុន្តែ​កំពុង​កើន​ឡើង​នៅ​ក្នុង​ល្បឿន​ដ៏​លឿន​ក្នុង​ចំណោម​ប្រទេស​អាស៊ាន។ ខណៈ​មាន​ក្រុមហ៊ុន​ជាច្រើន​ដែល​បាន​សាកល្បង និង​បាន​បរាជ័យ​កាល​ពី​អតីតកាល​ក្នុង​ការ​បង្កើត​ក្រុមហ៊ុន​អាកាសចរណ៍​ជាតិ​មួយ​សម្រាប់​រយៈ​ពេល​យូរ​អង្វែង គឺ​មាន​តែ​ក្រុមហ៊ុន​អាកាសចរណ៍ កម្ពុជា​អង្គរ​អ៊ែរ (CAA) ប៉ុណ្ណោះ ដែល​មាន​លទ្ធភាព​អាច​ឈរ​ជើង​ដ៏​រឹងមាំ​នៅ​ក្នុង​ទីផ្សារ​តូច​នេះ។

ភ្នំពេញ ប៉ុស្តិ៍ បាន​ជួប​ជាមួយ​លោក Trinh Hong Quang អគ្គ​នាយក​ក្រុមហ៊ុន កម្ពុជា​អង្គរ​អ៊ែរ អំពី​ភាព​ផ្ដាច់​មុខ​របស់​ក្រុមហ៊ុន​នេះ​នៅ​ក្នុង​ទីផ្សារ​អាកាសចរណ៍​របស់ កម្ពុជា និង​ពី​របៀប​ដែល​ក្រុមហ៊ុន​បាន​ជម្នះ​ក្នុង​រយៈ​ពេល​ជាច្រើន​ឆ្នាំ​ចាប់​តាំង​ពី​ការ​បង្កើត​ឡើង​ក៏​ដូចជា​អ្វី​ដែល​នឹង​បន្ត​កើត​ឡើង​ក្នុង ឆ្នាំ​២០១៤ ការ​កើន​ឡើង​ដៃគូ​ប្រកួត​ប្រជែង​ក្នុង​ស្រុក​ក្នុង​ការ​នាំ​ទៅ​កាន់​ការ​ធ្វើ​សេរីកម្ម​ទាំង​ស្រុង​នៃ​ការ​បើក​ចំហ​ជើង​មេឃ​នៅ​ក្នុង​តំបន់​អាស៊ាន​នា ឆ្នាំ​២០១៥ ខាង​មុខ​នេះ។

តើ​ចំនួន​អ្នក​ដំណើរ​របស់ CAA មាន​ដំណើរការ​ដូចម្ដេច​ដែរ?

ពេល​បច្ចុប្បន្ន​វា​មាន​សុវត្ថិភាព​ក្នុង​ការ​និយាយ​ថា យើង​បាន​បង្កើន​ចំនួន​អ្នក​ដំណើរ​របស់​យើង​កាល​ពី ឆ្នាំ​២០១៣ ធៀប​នឹង ឆ្នាំ​២០១២។ ប៉ុន្តែ​អ្នក​ដឹង​ទេ​ថា នៅ​ពេល​យើង​បាន​វិនិយោគ​ជា​លើក​ដំបូង និង​បាន​ចាប់​ផ្ដើម​ដំណើរការ​ក្រុមហ៊ុន​អាកាសចរណ៍ CAA កាល​ពី ឆ្នាំ​២០០៩ មក​វា​មិន​ងាយ​ស្រួល​នោះ​ទេ ជា​ពិសេស​នៅ​ក្នុង​រយៈ​ពេល ៥ ឆ្នាំ​ដំបូង។ ខ្ញុំ​អាច​និយាយ​ថា CAA កំពុង​ស្ថិត​នៅ​លើ​ផ្លូវ​ដ៏​ត្រឹម​ត្រូវ​ផ្នែក​ហិរញ្ញវត្ថុ ហើយ​យើង​កំពុង​សង្ឃឹម​ថា អ្នក​ដំណើរ​មាន​ភាព​វិជ្ជមាន​ព្រម​ទាំង​កំណើន​ហិរញ្ញវត្ថុ​បន្ថែម​ទៀត​នៅ​ឆ្នាំ​នេះ។

តើ​អ្វី​ជា​បញ្ហា​ប្រឈម​ដែល​អ្នក​បាន​ជួប​ប្រទះ​ក្នុង​អំឡុង​ពេល​ពីរ​បី​ឆ្នាំ​ដំបូង?

បាទ ពិត​ណាស់! នៅ​ក្នុង​រយៈ​ពេល ៥​ឆ្នាំ ដំបូង​គឺជា​បញ្ហា​ប្រឈម។ បញ្ហា​ដែល​ធំ​ជាង​គេ​នោះ​គឺ​ធ្វើ​ឲ្យ​ប្រជាជន​ទទួល​ស្គាល់​ក្រុមហ៊ុន CAA ថា ជា​ក្រុមហ៊ុន​អាកាសចរណ៍​មួយ​នៅ​កន្លែង​នេះ​ជា​លើក​ដំបូង។ វា​មិន​សូវ​មាន​ការ​ពិបាក​ក្នុង​ការ​រក​យន្តហោះ​និង​ការ​ហោះហើរ​ទៀង​ទាត់​នោះ​ទេ ប៉ុន្តែ​គ្មាន​នរណា​ម្នាក់​ដឹង​ពី​យីហោ ឬ​ការ​ឈរ​ជើង​របស់​យើង​នៅ​ក្នុង​ទី​ផ្សារ​អាកាសចរណ៍​ក្នុង​ស្រុក តើ​វា​ល្អ​សម្រាប់​អ្វី? ដូច្នេះ នោះ​គឺ​ជា​បញ្ហា​ប្រឈម​ដ៏​ធំ​បំផុត ប៉ុន្តែ​នៅ​ពេល​នេះ​យើង​អាច​និយាយ​ថា បន្ទាប់​ពី​រយៈ​ពេល ៥​ឆ្នាំ នោះ​ប្រជាជន​ជាច្រើន​ទូទាំង​តំបន់​នៅ​ពេល​នេះ​ដឹង​ពី​ក្រុមហ៊ុន​អាកាសចរណ៍​របស់​យើង។

ក្រុមហ៊ុន​អាកាសចរណ៍​ធំៗ​ជាច្រើន​គឺ​ដឹង​ពី​ផលិតផល​របស់​យើង ហើយ​នេះ​គឺ​ល្អ វា​មាន​ន័យ​ថា​ឈ្មោះ​របស់​យើង​ត្រូវ​បាន​គេ​ស្គាល់ ហើយ​ថា​យើង​ក្លាយ​ជា​ដៃគូ​ប្រកួត​ប្រជែង។

CAA បាន​ប្រកាស​ក្នុង​រយៈ​ពេល​ប៉ុន្មាន​ខែ​ថ្មីៗ​ពី​ទិសដៅ​បន្ថែម។ តើ​នេះ​នឹង​ត្រូវ​បាន​បន្ត​ក្នុង​រយៈ​ពេល ១២ ខែ​ក្រោយ និង​លើស​ពី​នេះ​ទេ?

យើង​បាន​ហោះហើរ​ពី ទីក្រុង​ភ្នំពេញ ទៅ​កាន់ ទីក្រុង​បាងកក និង សៀមរាប ទៅ​កាន់ ទីក្រុង​សំខាន់ៗ​ទាំង​អស់​នៅ​ក្នុង ប្រទេស​វៀតណាម រួច​ទៅ​ហើយ​ដូច​ជា ទៅ ទីក្រុង Guangzhou ទីក្រុង​ស៊ាងហៃ និង​ទៅ​កាន់ ទីក្រុង​ចិន ជាច្រើន​ទៀត។ អ្នក​ទាំង​អស់​គ្នា​បាន​និយាយ​ថា ទិស​ដៅ​ហោះ​ហើរ យើង​មាន​សុទិដ្ឋិ​និយម​បំផុត​គឺ ប្រទេស​ចិន។ វា​មិន​មាន​អាថ៌កំបាំង​ថា ប្រទេស​ចិន គឺជា​ទីផ្សារ​ដ៏​ធំ​បំផុត​មួយ​សម្រាប់​ឧស្សាហកម្ម​ទេសចរណ៍​របស់ កម្ពុជា ទេ ពិត​ហើយ ជា​ពិសេស​ភ្ញៀវ​ទេសចរ ចិន កំពុង​មក​ទស្សនា ប្រាសាទ​អង្គរវត្ត។ ប្រជាជន​ចិន ត្រូវ​បាន​ទាក់​ទាញ​មក​ទស្សនា អង្គរ​វត្ត ហើយ​ខ្ញុំ​ជឿជាក់​ថា ទីផ្សារ​នេះ​នឹង​អភិវឌ្ឍ បន្ថែម​ទៀត​នៅ​ក្នុង​រយៈ​ពេល ១០ ឆ្នាំ​ក្រោយ​នេះ។ នេះ​ជា​ទីផ្សារ​ដ៏​ធំ​មួយ​សម្រាប់​ពួក​យើង។

តើ​មាន​អ្វី​ផ្សេង​ទៀត​នឹង​បន្ត​សម្រាប់ ឆ្នាំ​២០១៤?

ឆ្នាំ​២០១៤ នេះ​ជា​ឆ្នាំ​នៃ​ក្តី​សង្ឃឹម​ធំ​ជាង​គេ​បំផុត​នៅ​លើ​កំណត់​ត្រា​របស់ CAA។ យើង​មាន​ទំនុក​ចិត្ត​ថា យើង​នឹង​ដឹក​ជញ្ជូន​អ្នក​ដំណើរ​ជាង ១ លាន​នាក់​ក្នុង​រយៈ​ពេល​ដំបូង។ តាម​ពិត យើង​កំពុង​ប៉ាន់​ប្រមាណ​ថា យើង​នឹង​ដឹក​ជញ្ជូន​អ្នក​ដំណើរ ១,២ លាន​នាក់​ក្នុង ឆ្នាំ​២០១៤ ដែល​លើស​ពី​ទិសដៅ​កំណត់។ នៅ​ឆ្នាំ​នេះ​ផង​ដែរ យើង​នឹង​ចាប់​ផ្ដើម​ទិសដៅ​ហោះ​ហើរ​ថ្មី​នៅ​ក្នុង ប្រទេស​ជប៉ុន និង ប្រទេស​សិង្ហបុរី ដែល​ប្រទេស​ទាំង​ពីរ​នេះ​បាន​ផ្ដោត​លើ​ការ​ទទួល​បាន​ភ្ញៀវ​ទេសចរ​ទៅ​កាន់ ប្រាសាទ​អង្គរ។ យើង​បាន​លើក​ឡើង​អំពី​ទិសដៅ​ថ្មី​ទាំង​នេះ​ហើយ​ទិសដៅ​ទាំង​នេះ​ស្ថិត​នៅ​ក្នុង​ផែនការ ឆ្នាំ​២០១៤ របស់​យើង។

CAA នឹង​ផ្ដល់​ជូន​នូវ Business Class។ តើ​តម្លៃ​នោះ​មាន​ដំណើរការ​ដូចម្ដេច?

ពេល​នេះ​ខ្ញុំ​គិត​ថា មិន​មែន​ជា​ពេល​វេលា​ដ៏​ត្រឹម​ត្រូវ​ក្នុង​ការ​ផ្ដោត​លើ​សេវា Business Class នោះ​ទេ ពីព្រោះ​ពេល​នេះ​ទីផ្សារ កម្ពុជា គឺ​ភាគ​ច្រើន​ជា​ទីផ្សារ​ភ្ញៀវ​ទេសចរ និង​ដូច​ជា​បណ្ដា​ប្រទេស​កំពុង​អភិវឌ្ឍន៍​ផ្សេង​ទៀត​ដែរ ដូចជា ប្រទេស​វៀតណាម និង ឡាវ កម្ពុជា នៅ​តែ​មិន​មាន​ក្រុម​អ្នក​ដំណើរ​ផ្នែក​ពាណិជ្ជកម្ម​ធំៗ កំពុង​ធ្វើ​ដំណើរ​លើ​មូលដ្ឋាន​គ្រប់​គ្រាន់​ជា​ទៀង​ទាត់​នោះ​ទេ។ ដូច្នេះ​ពេល​នេះ​យើង​កំពុង​ផ្ដោត​លើ​ទីផ្សារ​ទេសចរណ៍​របស់​យើង ហើយ​ប្រហែល​ជា​រយៈ​ពេល ៥​ឆ្នាំ ទៀត យើង​នឹង​សម្លឹង​មើល​កាន់​តែ​យក​ចិត្ត​ទុក​ដាក់​លើ​អតិថិជន លំដាប់​ខ្ពស់ (Biz Class)។

អ្នក​គឺជា​ក្រុមហ៊ុន​ដឹក​ជញ្ជូន​ក្នុង​ស្រុក និង​អន្តរជាតិ​តែ​មួយ​គត់ តើ​អ្វី​គឺជា​ទស្សនៈ​របស់​អ្នក​ស្ដី​អំពី​វិស័យ​អាកាសចរណ៍​របស់ កម្ពុជា? តើ​អ្វី​ចាំបាច់​ដែល​ត្រូវ​ផ្លាស់​ប្តូរ?

ខ្ញុំ​គិត​ថា អាទិភាព​តែ​មួយ​គត់​សម្រាប់​ឧស្សាហកម្ម​អាកាសចរណ៍​គឺ​ត្រូវ​តែ​បង្កើន​សេដ្ឋកិច្ច​របស់ កម្ពុជា តាម​រយៈ​ទេសចរណ៍។ វិស័យ​នោះ​នឹង​ជំរុញ​ដល់​វិស័យ​អាកាសចរណ៍។ អង្គរ​វត្ត គឺជា​ទីផ្សារ​ដ៏​ធំ​មួយ​សម្រាប់​អាកាសចរណ៍​កម្ពុជា ដូច្នេះ​ការ​ធ្វើ​ឲ្យ​ក្រុមហ៊ុន​នេះ​ត្រូវ​គេ​ស្គាល់​ទូទាំង​ពិភពលោក​និង​ការ​ធ្វើ​ឲ្យ​វា​មាន​ភាព​ងាយ​ស្រួល​ក្នុង​ធ្វើ​ដំណើរ​មាន​សារៈ​សំខាន់​ណាស់។ ប្រសិន​បើ កម្ពុជា អាច​កែលម្អ​ហេដ្ឋា​រចនា​សម្ព័ន្ធ​ផ្នែក​ដឹក​ជញ្ជូន​នៅ​ក្នុង​ប្រទេស​បាន​ខ្ញុំ​គិត​ថា​បញ្ហា​នេះ​នឹង​ពិត​ជា​ទទួល​បាន​ផល​ប្រយោជន៍​ពី​ចំនួន​ទេសចរ។ ឧទាហរណ៍ ព្រលាន​យន្តហោះ​មាន​ការ​កម្រិត ដូច្នេះ​ការ​អភិវឌ្ឍ​វិស័យ​អាកាសចរណ៍​របស់​យើង​ទាំង​មូល​ត្រូវ​បាន​កម្រិត។ ព្រលាន​យន្តហោះ​កំពុង​ធ្វើ​ការ​ជួសជុល​ឡើង​វិញ ហើយ​យើង​មាន​ការ​រំភើប​នៅ​ពេល​ការ​ជួស​ជុល​ត្រូវ​បាន​បញ្ចប់។ នៅ​ពេល​ព្រលាន​យន្តហោះ​ត្រូវ​បាន​ធ្វើ​រួច​ហើយ យើង​អាច​ពង្រីក​ការ​ហោះ​ហើរ​ទៀង​ទាត់​ទៅ ខេត្ត​សៀមរាប ភ្នំពេញ និង​ក្រុង​ព្រះសីហនុ។

ក្រុមហ៊ុន​អាកាសចរណ៍​ក្នុង​ស្រុក​ថ្មី​គ្រោង​នឹង​បើក​ដំណើរការ​នៅ កម្ពុជា រួម​មាន ក្រុមហ៊ុន​អាកាសចរណ៍ កម្ពុជា​អ៊ែរឡាញ ដែល​ជា​ការ​វិនិយោគ​រួម​របស់​ក្រុមហ៊ុន Royal Group និង​ក្រុមហ៊ុន​អាកាសចរណ៍ ហ្វីលីពីន អ៊ែរឡាញ (PAL)។ ទន្ទឹម​នឹង​នេះ គោល​នយោបាយ​បើក​ចំហ​ជើង​មេឃ​របស់​អាស៊ាន​ត្រូវ​បាន​កំណត់​ចូល​ជា​ធរមាន​ក្នុង ឆ្នាំ​២០១៥។ តើ CAA នឹង​ទទួល​រង​ផល​ប៉ះពាល់​ពី​បញ្ហា​នេះ​ដូចម្ដេច?

នេះ​គឺជា​ការ​ពិត។ ក្រុមហ៊ុន Royal Group និង PAL មាន​ផែនការ​របស់​ខ្លួន​ដើម្បី​ចាប់​ផ្ដើម​ដំណើរការ​ក្រុមហ៊ុន​អាកាសចរណ៍​ជាតិ​ផ្សេង​ទៀត​គឺ​ក្រុមហ៊ុន កម្ពុជា អ៊ែរឡាញ។ ខ្ញុំ​គិត​ថា សព្វ​ថ្ងៃ​នេះ​ពិភពលោក​គឺជា​ទី​កន្លែង​តូច​បំផុត​ហើយ​វា​គឺ​ជា​ការ​ឆ្កួតៗ​ក្នុង​ការ​គិត​ថា យើង​អាច​គេច​ចេញ​ពី​ការ​ប្រកួត​ប្រជែង​នោះ។ នោះ​និយាយ​បាន​ថា យើង​មិន​អាច​រស់​នៅ​ជាមួយ​នឹង​ភាព​ផ្តាច់​មុខ​នោះ​ទេ ជា​អ្វី​ដែល​មាន​តែ​ក្រុមហ៊ុន​អាកាសចរណ៍​អន្តរជាតិ​មួយ​ចំនួន​តូច កំពុង​បម្រើ​សេវា​នៅ​ទីផ្សារ​របស់ កម្ពុជា។ ខ្ញុំ​គិត​ថា ការ​ប្រកួត​ប្រជែង​គ្នា​គឺ​ជា​រឿង​ដ៏​ល្អ​ខ្លាំង​ណាស់។ សូម្បី​តែ​នៅ​ក្នុង​ការ​ប្រឈម​ក្នុង​ចំណោម​ការ​ប្រកួត​ប្រជែង​គ្នា​ដ៏​ខ្លាំង​ក្លា​ក៏​ដោយ ក៏ CAA ត្រៀម​ខ្លូន​ជា​ស្រេច​ក្នុង​ការ​ចាប់​ផ្ដើម​ការ​ប្រកួត​ប្រជែង​គ្នា​ទាំង​ក្នុង​ស្រុក និង​អន្តរជាតិ។ គោល​នយោបាយ​បើក​ចំហ​ជើង​មេឃ​របស់​អាស៊ាន​នឹង​បន្ធូរ​បន្ថយ​ការ​ត្រួត​ពិនិត្យ​ដល់​លំហ​អាកាស​ក្នុង​តំបន់​សម្រាប់​ក្រុមហ៊ុន​អាកាសចរណ៍​ក្នុង​ស្រុក​ទាំង​អស់​ក្នុង​ការ​ហោះ​ហើរ​ឆ្លង​កាត់​ព្រំដែន។ យើង​ត្រៀម​ខ្លួន​ជាស្រេច​ដើម្បី​ប្រឈម​បញ្ហា​នេះ​យើង​នឹង​ខិតខំ​ឲ្យ​អស់​ពី​សមត្ថភាព៕ PB

0

Comments

Please, login or register to post a comment