Search form

Login - Register | FOLLOW US ON

Logo of Phnom Penh Post newspaper Phnom Penh Post - ការ​ផ្គត់ផ្គង់​បុរី​ច្រើន​ហួស​កំណត់ ​អាច​ជំនះ​ឧបសគ្គ​បាន​ច្រើន​ជាង​ ខុនដូ ​លើស​កំណត់

Content image - Phnom Penh Post
គំរូ​ប្លង់​មេ​នៃ​បណ្តុំ​លំនៅឋាន​តាម​លំនាំ​បុរី​ខុនដូ ដែល​ត្រូវ​បាន​គេ​រចនា​ឡើង​ដើម្បី​ផ្សព្វ​ផ្សាយ​ពី​គម្រោង​របស់​ក្រុមហ៊ុន​វិនិយោគ​មួយ។ ហុង មិនា

ការ​ផ្គត់ផ្គង់​បុរី​ច្រើន​ហួស​កំណត់ ​អាច​ជំនះ​ឧបសគ្គ​បាន​ច្រើន​ជាង​ ខុនដូ ​លើស​កំណត់

ដំណឹង​នៃ​ការ​ផ្គត់ផ្គង់​ខុន​ដូ​លើស​តម្រូវ​ការ បាន​គ្រប​ដណ្តប់​វិស័យ​ឧស្សាហកម្ម​អចលនទ្រព្យ​នៅ​ក្នុង​រាជធានី​ភ្នំពេញ ប៉ុន្តែ​ការ​ផ្គត់ផ្គង់​ហួស​ចំណុះ​នេះ បាន​ជះ​ឥទ្ធិពល​ទៅ​លើ​ប្រភេទ​លំនៅឋាន​ដទៃ​ទៀត​នៅ​ក្នុង​រាជធានី​។

អ្នក​ជំនាញ​ទីផ្សារ និង​អ្នក​អង្កេត​ទីផ្សារ​បាន​តាម​ដាន​យ៉ាង​ដិត​ដល់​ទៅ​លើ​និន្នាការ​ឡើង​ចុះ​នៃ​អត្រា​ស្រូប​យក​នៃ​អចលនទ្រព្យ និង​បាន​បរិយាយ​សង្ខេប​ពី​ភាព​ខុស​គ្នា​រវាង​ការ​ផ្គត់ផ្គង់​លើស​តម្រូវការ​នៃ​ខុនដូ ហើយ​ឥឡូវ​នេះ គឺ​ក៏មាន​ការ​ផ្គត់ផ្គង់​លើស​តម្រូវការ​ពី​បុរី​ផង​ដែរ​។

របាយ​ការណ៍​ដែល​បាន​ចេញ​ផ្សាយ​ដោយ​ក្រុមហ៊ុន​វាយ​តម្លៃ​អចលនទ្រព្យ VTrust Appraisal កាលពី​ខែ​មុន​បាន​បញ្ជាក់​អំពី​ស្ថានភាព​នៃ​ការ​ផ្គត់ផ្គង់​លើស​តម្រូវការ​នៃ​បុរី ដែល​មាន​យូនីត​ដែល​មិនបាន​លក់​ចេញ​ប្រហែល​ជា​ ៣៣,០០០ ​យូនីត​នៅ​ចុង​ឆ្នាំ​ ២០១៦​។

ទោះជា​យ៉ាងណា​លក្ខខណ្ឌ​នេះ​កំពុង​ធ្វើ​ឲ្យ​រាំងស្ទះ​ដល់​ការអភិវឌ្ឍ​ដែល​នៅមាន ​២៨,០០០ ​យូ​នី​ត​ទៀត ដែល​នឹង​ត្រូវដាក់​បន្ថែម​ទៅលើ​បន្ទុក​ដែល​មាន​ស្រាប់​នៅក្នុង​ឆ្នាំនេះ​។ នេះ​បើ​យោងតាម​លោក Hoem Seiha ប្រធាន​ផ្នែក​ស្រាវជ្រាវ​នៅ​ក្រុមហ៊ុន VTrust Appraisal​។​

​លោក​បន្ត​ថា ៖ «​ការ​ផ្គត់ផ្គង់​លើស​តម្រូវការ​នេះ នឹង​មាន​ការ​បន្ធូរបន្ថយ​នៅ​ប៉ុន្មាន​ឆ្នាំ​ខាងមុខ​ទៀត ហើយ​ដោយ​សារ​តែ​ការ​មាន​តម្រូវការ​ខ្ពស់​នៅ​ក្នុង​ចំណោម​ប្រជាជន​ថ្នាក់​មធ្យម និង​ថ្នាក់​មធ្យម​ខាង​លើ​។ យូ​នី​ត​ដែល​នៅ​សេសសល់​នឹងត្រូវ​បាន​យក​ចេញពី​ទីផ្សារ​ក្នុងពេល​ពីរ​បី​ឆ្នាំ​ខាងមុខ​ទៀត​នេះ ហើយ​បើ​ផ្អែក​ទៅ​លើ​អត្រា​ស្រូប​យក​នៃ​ទីផ្សារ​នាពេល​បច្ចុប្បន្ន​»​។

ខណៈ​ពេល​នៅ​តែ​មិន​មាន​ទិន្នន័យ​ជា​ផ្លូវការ​លើ​ការចាត់​ថ្នាក់​ប្រជាជន​តាម​កម្រិត​ប្រាក់​ចំណូល ផ្សេងៗ​គ្នា​នៅ​ក្នុង​ប្រទេស​នេះ លោក សីហា បាន​និយាយ​ថា​ ការ​ធ្វើ​ជំរឿន​ក្រៅ​ផ្លូវ​ការ​ថ្មី​បំផុត​នៅក្នុង​ឆ្នាំ ​២០១៤ បាន​បង្ហាញ​ថា ប្រាក់​នៅសល់​ពី​ការ​បង់ពន្ធ​ប្រាក់ចំណូល​ហើយ​ជា​មធ្យម​គឺ​៥៨០​ដុល្លារ​ក្នុង​មួយ​គ្រួសារ​។

ទោះជា​យ៉ាងណា ​ទិន្នន័យ​ដែល​បាន​ទទួល​បាន​នេះ​គឺ​មិនគួរ​ឲ្យ​ទុកចិត្ត​ទេ​ដោយ​សារ​តែ «​កម្រិត​នៃ​ប្រាក់ចំណូល​នៅក្នុង​ប្រទេស​កម្ពុជា គឺ​មិនមាន​ភាពស្មើគ្នា​ដោយសារ​តែមាន​គម្លាត​ប្រាក់ចំណូល​ដ៏​គួរ​ឲ្យ​កត់សម្គាល់​»​។​

Content image - Phnom Penh Post
លំ​នៅ​ឋាន​ជា​ផ្ទះ​ល្វែង​រាប់​សិប​ខ្នង​នៅ​ក្នុង​គម្រោង​បុរី​មួយ​កន្លែង​នៅ​ជាយ​ទីក្រុង​ភ្នំពេញ។ ហុង មិនា

​ផ្អែកលើ​ការអង្កេត​ខ្នាតតូច​ទៅលើ​អ្នក​ប្រើ​ប្រាស់ ដែល​បាន​ធ្វើឡើង​ដោយ​ក្រុមហ៊ុន VTrust នៅ​ឆ្នាំ​ដដែល​នោះ ត្រូវបាន​គេ​រក​ឃើញ​ថា ភាគរយ​ខ្ពស់​បំផុត​របស់​កម្មករ​មិន​ប្រើ​កម្លាំង​បាយ​ដែល​មាន​ប្រាំមួយ​ភាគរយ នោះ​រកប្រាក់​ចំណូល​បាន​ចន្លោះ​ពី ១,០០០ និង​ ២,០០០​ដុល្លារ​ក្នុង​មួយខែ ខណៈ​ពេល​ដែល​ប្រមាណ​៩៣​ភាគរយ​ទៀត​បាន​នាំយកមក​ផ្ទះ​វិញ​នូវ​ប្រាក់​ចំណូល​ប្រចាំខែ​តិច ជាង ១,០០០​ ដុល្លារ​។​

លោក សីហា បកស្រាយ​បន្ត​ថា ៖ «​ជា​មធ្យម​លទ្ធភាព​ទិញ​ផ្ទះ​ត្រឡប់​មក​វិញ​របស់​ពួក​គេ​គឺមាន​៤៥​ភាគរយ មាន​ន័យ​ថា ពួកគេ​នឹង​ចំណាយ ​៤៥​ ភាគរយ នៃ​ប្រាក់​ចំណូល​ប្រចាំខែ​សរុប​របស់​ពួក​គេ​សម្រាប់​ផ្ទះ​ជា​មធ្យម​ដែលមាន​ថ្លៃ​ប្រមាណ​ ៤៥,០០០​ ដុល្លារ​ដែល​ត្រូវ​ផ្តល់ជូន​ដោយ​លក្ខខណ្ឌ​កម្ចី​ទិញ​ផ្ទះ​ពី​ ២០​ ឆ្នាំ​ចុះ ដោយ​មាន​លុយ​កក់​អស់​ ៥,០០០ ជាមួយនឹង​អត្រា​ការប្រាក់​៨,៥​ភាគរយ​ក្នុង​មួយ​ឆ្នាំ​និង ៤០,០០០​ ដុល្លារ​នៃ​ប្រាក់​អ៊ី​ប៉ូ​តែ​ក​សរុប​»​។

យ៉ាង​ណា​មិញ ប្រជាជន​កម្ពុជា​មាន​ភាព​ស៊ាំ​ជាមួយ​គំនិត​នៃ​ផ្ទះ​សង់​លើដី​ជាង​ការ​សំដៅ​ទៅ​លើ​ខុន​ដូ​។

នៅ​ពេល​ដែល​បាន​ប្រៀបធៀប​ទៅនឹង​ផ្ទះ​ខុន​ដូ បុរី​មាន​ទស្សន​វិស័យ​អំណោយ​ផល​ជាង​។

លោក សីហា បាន​ឲ្យ​ដឹងថា បើ​គិតពី​រយៈពេល​ខ្លី ខុន​ដូ​នឹង​បង្ក​ហានិភ័យ លើ​វិស័យ​សេដ្ឋកិច្ច​ច្រើនជាង​នៅក្នុង​ចំណោម​អ្នកទិញ​ប្រថុយ​ប្រថាន ដែល​រំពឹង​បាន​ផល​ត្រឡប់​មក​វិញ​ច្រើន​។

លោក​បន្តថា ៖ «​អត្រា​នៃ​ការ​ទិញយក​មាន​សភាព​យឺតយ៉ាវ តម្រូវការ​ទីផ្សារ​បន្ទាប់បន្សំ​មានការ​ខ្វះខាត រួមទាំង​ការជួល​មាន​ភ្ញៀវ​តិច​។ ទាំង​អស់​នេះ​បង្ក​ឲ្យ​មាន​ហានិភ័យ​ក្នុង​រយៈពេល​ខ្លី​»​។

លោក James Hodge អ្នក​ស្ទង់​មតិ​សម្រាប់​ក្រុមហ៊ុន CBRE កម្ពុជា​ជឿជាក់ថា រចនាសម្ព័ន្ធ​នៃ​បុរី បានអនុញ្ញាត​ឲ្យ​អ្នក​អភិវឌ្ឍន៍​មាន​ទំនាក់​ទំនង​ផ្ទាល់​ជាមួយ​នឹង​ការ​ផ្លាស់​ប្តូរ​នៃ​ការ​ផ្គត់ផ្គង់ និង​តម្រូវការ​ច្រើនជាង​ជា​ករណី​នៅក្នុង​ទីផ្សារ​ផ្សេងៗ​ទៀត​រួមទាំង​វិស័យ​ខុន​ដូ​នេះ​ផង​ដែរ ដោយ​បញ្ជាក់​ថា​ទីផ្សារ​បុរី ពឹងផ្អែក​យ៉ាងខ្លាំង​ទៅលើ​តម្រូវការ​ក្នុងស្រុក​។

Content image - Phnom Penh Post
គម្រោង​សំណង់​លំនៅ​ឋាន​ជា​ផ្ទះ​វីឡា​កូន​កាត់ ដែល​សាង​សង់​បន្ត​ភ្ជាប់​គ្នា​នៅ​តាម​គម្រោង​បុរី​នានា បាន​ក្លាយ​ជា​ជម្រើស​សម្រាប់​ប្រជាជន​រស់​នៅ​ក្នុង​ទីក្រុង​ភ្នំពេញ។ ហុង មិនា

លោក​បាន​ថ្លែងថា ៖ «​អ្នក​អភិវឌ្ឍន៍​គម្រោង​បុរី បាន​បង្កើន​កម្ម​វីធី​សាងសង់​អគារ​ដែលជា​លទ្ធផល​នៃ​លក្ខខណ្ឌ​អនុគ្រោះ​ទាំង​នេះ​ហើយ​វា​នឹង​ត្រូវការ​ពេលវេលា​សម្រាប់​ឲ្យ​តម្រូវការ​ក្នុងការ​ពង្រីក​ឲ្យ​ស្រប​ទៅ​នឹង​កម្រិត​មាឌ​នៃ​បំពង់​បង្ហូរ​ការ​ផ្គត់ផ្គង់​»​។

លោក​បាន​បន្ថែម​ថា ៖ «​នេះ​គឺ​ដោយ​សារ​តម្រូវ​ការ​ត្រូវ​បាន​ជំរុញ​ជា​ចម្បង​ដោយ​អ្នកទិញ​នៅក្នុង​ស្រុក និង​ដោយ​បែប​នេះ​ហើយ​ទើប វា​គួរតែមាន​ការ​កើន​ឡើង​នៅក្នុង​លក្ខណៈ​ធម្មជាតិ​មួយ​ដែល​ស្រប​ទៅ​នឹង ការ​កើន​ឡើង​ប្រាក់​ឈ្នួល និង​ជីវភាព​រស់នៅ​»​។​

​លោក Hodge បាន​ថ្លែងថា រឿង​សំខាន់​មួយ​ដែល​គួរ​ឲ្យ​កត់​សម្គាល់​គឺ​នៅ​ពេល​ដែល​ធ្វើការ​ត្រួតពិនិត្យ​ខុន​ដូ និង​បុរី គឺថា បុរី​អាច​មាន​ការឆ្លើយតប​ទៅនឹង​ការ​ផ្លាស់​ប្តូរ​ទីផ្សារ​បាន​ច្រើនជាង ព្រោះ​អ្នក​អភិវឌ្ឍន៍​អាច​ផ្អាក​ការ​សាងសង់​បាន​យ៉ាង​ងាយ​ស្រួល ដែលជា​លទ្ធផល​នៃ​យូ​នី​ត​នៅក្នុង​បុរី​បាន​បង្កើត​ឡើង​នៅ​លើ​មូលដ្ឋាន​តែឯងៗ​»​។

ផ្ទុយទៅវិញ​ប្លុក​អគារ​មួយ [​នៅក្នុង​ខុន​ដូ​] ត្រូវតែ​បាន​បញ្ចប់​យ៉ាង​ពេញ​លេញ​មុន​ពេលដែល​គម្រោង​នេះ​អាចដាក់​ឲ្យ​ដំណើរ​ការ​បាន​ត្រឹមត្រូវ​»​។

លោក Hodge បាន​និយាយ​ថា ខណៈ​ពេល​ដែល​ទីផ្សារ​ខុន​ដូ​ត្រូវ​បាន​ជំរុញ​យ៉ាងខ្លាំង​ក្លា​ដោយ​តម្រូវការ​របស់​វិនិយោគិន វា​ត្រូវ​បាន​បើកចំហ​ច្រើនជាង​ទៅរក​ហានិភ័យ​សេដ្ឋកិច្ច​អន្តរជាតិ​ប៉ុន្តែ​នេះ​ក៏​មាន​ន័យ​ថា វា​មាន​សក្តានុពល​កាន់​តែ​ច្រើន​ដើម្បី​ជម្នះ​បញ្ហា​ក្នុងស្រុក បើ​សិន​ជា​សេដ្ឋកិច្ច​ពិភពលោក​នឹង​បន្ត​បង្ហាញ​ពី​កំណើន​សេដ្ឋកិច្ច​ប្រកប​ដោយ​និរន្តរភាព​។

​លោក​បាន​បញ្ជាក់ថា បច្ចុប្បន្ន​អ្នក​អភិវឌ្ឍន៍​នៅក្នុង​ទីផ្សារ​ខុន​ដូ និង​បុរី កំពុងតែ​ធ្វើ​ឲ្យ​ការផ្លាស់ប្តូរ​ដោយ​ចេតនា ក្នុងការ​តម្រូវ​ទិសដៅ​ផលិតផល​របស់គេ​ពី​ប្រភេទ​ផលិតផល​តម្លៃ​ថ្លៃ​ឆ្ពោះ​ទៅ​រក​ផលិតផល​ដែលមាន​តម្លៃ​សមរម្យ​។ «​ទោះ​បីជា​ម៉ូ​ដែល​ដែលមាន​តម្លៃ​សមរម្យ​ជាធម្មតា​ផ្តល់​នូវ​ប្រាក់​ចំណេញ​ទាប​ជាង មូលដ្ឋាន​អតិថិជន​ដ៏​ទូលំ​ទូលាយ​គឺមាន​ភាព​ទាក់ទាញ​នៅ​ពេល​ដែល​ចាំបាច់​ត្រូវ​លក់​ចេញ​យូនីត​មួយ​ចំនួន​ធំ​»​។

ដូច​លោក សីហា ដែរ លោក Hodge គិតថា ហានិភ័យ​ខ្ពស់​បំផុត​លើ​ទំនុក​ចិត្ត​ទីផ្សារ គឺ​ចំនួន​អគារ​ខុន​ដូ ដែល​កាន់កាប់​ដែល​មាន​ឥទ្ធិពល​អាក្រក់​ទៅលើ​ការជួល និង​តម្លៃ​ទីផ្សារ​បន្ទាប់​បន្សំ​។

«​គំរូ​នៃ​ការ​លក់​ខុន​ដូ​ទៅ​ឲ្យ​វិនិយោគិន​ខាង​ក្រៅ និង​អ្នកទិញ​ក្នុង​ស្រុក ដែលមាន​ទ្រព្យសម្បត្តិ​ច្រើន​ហាក់​ដូច​ជា​ត្រូវបាន​ជំរុញ​ច្រើន​ជាង​ដោយ​សមភាព​ជា​ជាង​បំណុល ចំណែក​អត្រា​ការលក់​នៃ​បុរី​បានបង្ហាញ​ពី ទំនាក់ទំនង​ច្រើនជាង​ជាមួយនឹង​ការផ្តល់​ប្រាក់កម្ចី ពី​ធនាគារ​ក្នុងស្រុក​»​។ លោក​បាន​បន្ថែមថា អ្នក​អភិវឌ្ឍន៍​បុរី ជាច្រើន​នាក់​មាន​ឆន្ទៈ​ក្នុងការ​ជម្នះ​ភាព​រអាក់​រអួល​ទាំងអស់​នៅក្នុង​ទីផ្សារ​នេះ​។

​មតិ​ក្នុង​ចំណោម​ប្រជាជន​ថ្នាក់​កណ្តាល​គឺ​សុទ្ធតែ​ខុសៗ​គ្នា​។ លោក So Phea អ្នករស់នៅ​រាជធានី​ភ្នំពេញ​ម្នាក់​ដែល​មាន​អាយុ​២៧ ឆ្នាំ​រូបនេះ​ចូលចិត្ត​រស់នៅក្នុង​ខុន​ដូ ដោយសារតែ​លក្ខណៈពិសេស​នៃ​សោភ័ណភាព​របស់​វា​និង​សុវត្ថិភាព​។

ដោយឡែក លោក Pou Neang ដែលមាន​អាយុ ៣១​ឆ្នាំ បាន​និយាយថា​លោក​នឹង​ជ្រើស​រើសយក​ការរស់នៅ​ក្នុង shophouse ឬ​យូ​នី​ត​ក្នុង​បុរី​ដែល​នៅ​ផ្ទាល់​ដី​។ លោក​បន្តថា​៖ «​ការរស់នៅ​ក្នុង​ខុន​ដូ​មិនទាន់មាន​ភាព​ពេញនិយម​នៅឡើយ​ទេ​»​។​

លោក​សីហា​នៃ​ក្រុមហ៊ុន VTrust បាន​បន្ថែម​ទៀត​ថា ៖«​គឺ​នៅ​ត្រូវការ​រយៈពេល​ប្រាំ​ឆ្នាំ​ទៀត​សម្រាប់​ឲ្យ​ប្រជាជន​វ័យក្មេង​មួយចំនួន​រៀន​អនុម័ត​តាម​របៀប​រស់នៅ​ខុន​ដូ​ហើយ​វា​ត្រូវការ​ប្រហែល 10 ឆ្នាំ​សម្រាប់​ឲ្យ​ប្រជាជន​នៅ​រាជធានី​ភ្នំពេញ​ទទួលយក​យ៉ាង​របៀប​រស់នៅ​បែប​ខុន​ដូ​នេះ​យ៉ាង​ទូលំ​ទូលាយ​»​។

លោក Hodge សន្និដ្ឋាន​ថា ៖ «​ភាព​ខុសគ្នា​ដ៏​សំខាន់​មួយ​រវាង​ទីរ​ផ្សារ​ទាំងពីរ​គឺជា​តម្រូវការ​នៃ​ការរស់នៅ​ផ្ទាល់​ដែល​បុរី​បាន​កាន់កាប់​មួយ​ផ្នែក​ធំ ដោយ​សារ​តែ​ភាព​ពេញនិយម​ក្នុងការ​រស់នៅ​បុរី​ជា​លក្ខណៈ​គ្រួសារ​ពី​យូរ​ណាស់​មក​ហើយ​»​។

រាយការណ៍​បន្ថែម​ដោយ មួង វណ្ណឌី

0

Comments

Please, login or register to post a comment