បន្ទាប់​ពី​មាន​ការ​ប្រកាស​ថា​កោះតាង​អាច​នឹង​ក្លាយ​ទៅ​ជា​រមណីយដ្ឋាន​កោះ​ទំនើប​ប្រណីត​ទី​មួយ​នៅ​ប្រទេស​កម្ពុជា​តាមរយៈ​ការវិនិយោគ​បរទេស​ក្រោយពី​ការ​ចុះ MOU រវាង​ក្រុមហ៊ុន​ពីរ​គឺ Worldbridge Land របស់​ប្រទេស​កម្ពុជា និង​ក្រុមហ៊ុន Nanshan Group របស់​ប្រទេស​ចិន​ដើម្បី​អភិវឌ្ឍ​គម្រោង​នេះ​អាច​នឹង​មាន​តម្លៃ​ជិត​ ១ ​កោដិ​ដុល្លារ​។ លោក​ឧកញ៉ា សៀ រិទ្ធី ប្រធាន Worldbridge Land បាន​បញ្ជាក់​ថា​ការ​វិនិយោគ​នេះ​នឹង​ប្រព្រឹត្ត​ឡើង​បើ​ទោះ​ជា​នៅ​មាន​បញ្ហា​ក្នុង​ការ​ប្រតិបត្តិ​ក៏ដោយ​។