Search form

Login - Register | FOLLOW US ON

Logo of Phnom Penh Post newspaper Phnom Penh Post - គម្រោង The Peak បង្ហាញ​ពី​សក្តានុពល​របស់​ខ្លួន និង​ក្តី​សង្ឃឹម​ពី​ជោគជ័យ

លោក​ឧកញ៉ា សៀ រិទ្ធី ប្រធាន WorldBridge។
លោក​ឧកញ៉ា សៀ រិទ្ធី ប្រធាន WorldBridge។ រូបថត សហការី

គម្រោង The Peak បង្ហាញ​ពី​សក្តានុពល​របស់​ខ្លួន និង​ក្តី​សង្ឃឹម​ពី​ជោគជ័យ

បន្ទាប់ពី​មាន​ការ​ពេញ​ចិត្ត​អំពី​ការ​រៀបចំ​ព្រឹត្តិការណ៍​មួយ​យ៉ាង​អឹកធឹក​នៅ​សណ្ឋាគារ​សូហ្វីថែល​កាលពី​ដើម​ខែ​នេះ​ដែល​ព្រឹត្តិការណ៍​នោះ​រៀបចំ​ឡើង​ដើម្បី​ប្រមូល​ការ​គាំទ្រ​នៅក្នុង​ស្រុក​ចំពោះ​លំនៅឋាន​ដ៏ល្អ​ប្រណីត​របស់ The Peak ជា​លំនៅឋាន​បែប​ខុនដូ​ទាំង​នោះ​មាន​តម្លៃ​ថ្លៃ​បំផុត​ដែល​មក​ដល់​ពេល​នេះ​ការ​វិនិយោគ​នៅក្នុង​គម្រោង​នោះ​អាច​មាន​តម្លៃ​រហូត​ដល់ ៥៨០ ​លាន​ដុល្លារ​។ គួរ​បញ្ជាក់​ជូន​ថា​គម្រោង​នោះ​ជា​គម្រោង​ទទួល​បាន​ជោគជ័យ​ដំបូង​បំផុត​ផង​ដែរ​។ ទាំង​នេះ​បើ​យោង​ប្រសាសន៍​របស់​លោក​ឧកញ៉ា សៀ រិទ្ធី ប្រធាន WorldBridge​។

លោក​ឧកញ៉ា រិទ្ធី បាន​ថ្លែង​ថា៖ «​ការ​ទទួល​ស្វាគមន៍​របស់ The Peak នេះ​គឺ​បាន​ជួប​ប្រជុំ​គ្នា​ជាមួយ​នឹង​ភាព​សប្បាយ​រីករាយ​»​។

លោក​បន្ថែម​ទៀត​ថា ​ក្នុង​អំឡុង​ពេល​ដំណាក់កាល​មួយ​នៃ​ការ​ចាប់ផ្តើម​ធ្វើការ​បង្ហាញ​ដែល​មាន​ចំនួន ៥០៧ ​លំនៅឋាន​នៃ​អគារ​មួយ​នៅក្នុង​គម្រោង​អភិវឌ្ឍន៍​ចំនួន​ពីរ​ដែល​នៅ​​ទីបំផុត​នឹង​បន្ថែម​រហូត​ដល់​ចំនួន ១០១៥ ​លំនៅឋាន​ខុនដូ​ទៀត​ដើម្បី​ឆ្លើយតប​នឹង​ការ​កើនឡើង​នៃ​តម្រូវការ​លំនៅឋាន​នៅ​ រាជធានី ​ភ្នំពេញ​។ ជា​ការ​កត់សម្គាល់​គិត​មក​ទល់​ពេល​នេះ​ក្រុមហ៊ុន​បាន​លក់​អស់ ៣០ ​ភាគរយ​ហើយ​ដល់​វិនិយោគិន​ក្នុង​ស្រុក​។

ថ្លែង​នៅក្នុង​សន្និសីទ​កាសែត​មួយ​​កាលពី​សប្តាហ៍​មុន​ឧកញ៉ា រិទ្ធី បាន​និយាយ​ថា៖ «​យើង​ទទួល​បាន​ទីផ្សារ​គម្រោង​វិនិយោគ​ក្នុង​ស្រុក​ហើយ​ដូច្នេះ​ពួក​វិនិយោគិន​ទាំងនោះ​នឹង​មាន​ជម្រើស​ដំបូង​គេ​បង្អស់​សម្រាប់​ជ្រើស​យក​បរិក្ខារ​ល្អៗ​ទាំងនោះ»។ «​ហើយ​យើង​ក៏​រំពឹង​ថា​ការ​លក់​យូនីត​លំនៅឋាន​មាន​ការ​កើន​ឡើង​ជា​លំដាប់​»​។

បើ​និយាយ​ពី​ចំនួន​ការ​លក់​ដែល​​បាន​រំពឹង​ទុក​ជា​មុន​អ្នកស្រី ណប់ ម៉ាឡេ ប្រធាន​ផ្នែក​លក់ និង​ជួល​លំនៅថាន​របស់​ក្រុមហ៊ុន CBRE Cambodia បាន​មាន​ប្រសាសន៍​ថា​៖ «​សម្រាប់ The Peak ផលប្រយោជន៍​ដ៏ធំ​មួយ​គឺ​ពួកគេ​មាន​អតិថិជន​គោលដៅ និង​អតិថិជន​ដែល​ជា​ម៉ូយ​​រួច​ទៅ​ហើយ​ដែល​អតិថិជន​ទាំង​នោះ​ភាគច្រើន​ជា​ជនជាតិ​ខ្មែរ​ក៏​ដូចជា​អ្នក​វិនិយោគ​បរទេស​សកម្ម​»​។

បើ​មើល​រំលង​ទន្លេ​មេគ្គង​យើង​​នឹង​ឃើញ​មាន​ការ​អភិវឌ្ឍ​ដែល​​គួរ​ឲ្យ​កត់សម្គាល់​ជាមួយ​នឹង​រូបភាព​នៃ​អគារ​កម្ពស់ ៥៥ ​ជាន់​ចំនួន​បី​ខ្នង​។ នោះ​គឺជា​អគារ​ពាណិជ្ជកម្ម​ទី​បី​ដែល​មាន​ផ្ទុក​រហូត​ដល់​ទៅ ២០ ​ជាន់​ក្នុង​សាខា​នៃ​សណ្ឋាគារ​មួយ​របស់​ទីក្រុង​ហុងកុង​ដែល​មាន​ភាព​ល្បីល្បាញ​នោះ​គឺ​សណ្ឋាគា រសាំងគ្រីឡា (Shangri-La)។ នៅ​​ខាង​ក្រោម​នេះ​នឹង​បង្រួម​បញ្ចូល​គ្នា​រហូត​ដល់ ៣៥ ​ជាន់​នៃ​​អគារ​ការិយាល័យ​លំដាប់​លេខ​មួយ​ (A)​។

ភ្ញៀវ​កិត្តិយស​ដែល​អញ្ជើញ​ចូលរួម​នៅក្នុង​ពិធី​បង្ហាញ​អំពី​គម្រោង The Peak កាលពី​សប្តាហ៍​មុន។
ភ្ញៀវ​កិត្តិយស​ដែល​អញ្ជើញ​ចូលរួម​នៅក្នុង​ពិធី​បង្ហាញ​អំពី​គម្រោង The Peak កាលពី​សប្តាហ៍​មុន។ រូបថត សហការី

ខណៈ​ពេល​ដែល​ការិយាល័យ​លំដាប់​លេខ​មួយ​ (A) មាន​ភាព​យឺតយ៉ាវ​ក្នុង​ការ​ផ្គត់ផ្គង់​ការ​នាំ​ចូល ឬ​ការ​រង់ចាំ​។ ឧកញ៉ា រិទ្ធី បាន​ពន្យល់​ថា​ជាមួយ​នឹង​សហគម​សេដ្ឋកិច្ច​អាស៊ាន​នា​ពេល​ខាង​មុខ​លោក​រំពឹង​ថា​រាល់​គ្រឿង​បរិក្ខារ​ការិយាល័យ​ដើម្បី​ដាក់​​ធ្វើការ​ប្រកួត​ជា​លក្ខណៈ​ក្រុមហ៊ុន​ជាតិ និង អន្ដរជាតិ​នោះ​ត្រូវ​បាន​បង្កើត​ហាង​ឡើង​ហើយ។

ជាមួយ​ហាង​ទាំង​នោះ​គឺ​វា​មាន ៥ ​ជាន់​ដែល​មាន​លក់​រាយ​នូវ​គ្រឿង​បរិក្ខារ​ជាច្រើន​លោក រិទ្ធី រំពឹង​ទុក​ថា​តំបន់​នោះ​នឹង​មាន​​ការ​អភិវឌ្ឍ​លឿន​តាម​ដែល​អាច​ធ្វើ​ទៅ​បាន​គឺ​ដើម្បី​មាន​ការ​ផ្តល់​នូវ​សេវា​សម្រាប់​ឆ្លើយតប​ទៅ​នឹង​ការ​ធ្វើ​នគរូបនីយកម្ម​ដែល​កំពុង​ងើប​ឡើង​នៃ​រដ្ឋធានី និង​ទីប្រជុំជន​ទាំងអស់​។

គួរ​ជម្រាប​ជូន​ផង​ដែរ​ថា​ការ​សាងសង់​របស់​អាគារ The Peak នេះ​ត្រូវ​បាន​គេ​រំពឹង​ថា​នឹង​ចាប់ផ្តើម​នៅ​ដើម​ឆ្នាំ ២០១៦ និង​បញ្ចប់​នៅ​ឆ្នាំ​ ២០២០ ​។

ក្រុមហ៊ុន Oxley - WorldBridge ប្រចាំ​នៅ​ប្រទេស​កម្ពុជា​បាន​ភ្ជាប់​ទំនាក់ទំនង​រួម​គ្នា​ជាមួយ​ក្រុមហ៊ុន​មួយ​ទៀត​ដែល​មាន​ទីតាំង​នៅ​ប្រទេស​សិង្ហបុរី និង​មាន​ឈ្មោះ​ថា Oxley Holdings និង WorldBridge កម្ពុជា​ដែល​បាន​បង្កើត​ឡើង​ដំបូង​នៅក្នុង​ឆ្នាំ​ ២០១៣ ​។

សម្ព័ន្ធ​មេត្រីភាព​នេះ​គឺជា​លើក​ដំបូង​ហើយ​ក្នុង​ការ​ចូល​វាយលុក​ទៅ​ក្នុង​ទីផ្សារ​អចលនទ្រព្យ​របស់​កម្ពុជា​ដែល​បាន​ធ្លាក់​ចុះ​ក្នុង​ចំណោម​វិនិយោគិន​ទាំងនោះ​ផង​ដែរ​។ បើ​តាម​របាយការណ៍​ហិរញ្ញវត្ថុ​ថ្មី​បំផុត​របស់ Oxley បាន​បង្ហាញ​ថា​ដោយសារ​ទំនាក់ទំនង​នេះ​ហើយ​បាន​ធ្វើឲ្យ​មាន​ការ​លក់ដាច់​រហូត​ដល់​​ទៅ ៩៦ ​ភាគរយ​នៃ​គម្រោង ៧៦២ ផ្ទះល្វែង និង ៧១ ​ភាគរយ​នៃ​លំនៅឋាន ៩៦៣ SOHO (​ការិយាល័យ​ខ្នាត​តូច​ការិយាល័យ​ផ្ទះ-Small Office, home office) ហើយ​វា​នឹង​ត្រូវ​បាន​បញ្ចប់​នៅ​ឆ្នាំ​ ២០១៨ ​។

ស្រប​ពេល​ដែល​ការ​កើនឡើង​នៃ​ការ​ផ្គត់ផ្គង់​ខុនដូ​នោះ​វា​ក៏​បាន​​ក្លាយ​ជា​ការ​ព្រួយបារម្ភ​មួយ​ដែរ​ដោយ​ហេតុ​ថា​កាសែត​ភ្នំពេញ​ប៉ុស្តិ៍​កាលពី​លេខ​មុន​បាន​រាយការណ៍​ថា​មាន​អចលនទ្រព្យ​ខុនដូ​ថយ​ចុះ​ការ​លក់​ពី ៧៥ ទៅ ៧០ ​ភាគរយ​នៅក្នុង​ឆមាស​ទី​ ១ នៃ​ឆ្នាំ​នេះ​។ នេះ​បើ​យោង​តាម​ការ​អង្កេត​ដោយ​ក្រុមហ៊ុន​ ប៊ុណ្ណា រៀលធី គ្រុប​។ មិន​តែ​ប៉ុណ្ណោះ​លោក រិទ្ធី និយាយ​ថា​លក្ខណៈ​នៃ​ការ​ផ្គត់ផ្គង់​បាន​ការ​កើនឡើង​ដូច​នេះ​ដំណើរការ​ប្រកួត​ប្រជែង​នេះ​នឹង​មិន​រំខាន​ដល់​សក្តានុពល​វិនិយោគ​ទេ​។

គាត់​បាន​បន្ថែម​ថា​៖ «​វា​អាច​មាន​​ការ​ផ្គត់ផ្គង់​លើស​តម្រូវការ​នៅក្នុង​ប៉ុន្មាន​ឆ្នាំ​ខាង​មុខ​នេះ​ប៉ុន្តែ​ខ្ញុំ​មិន​បាន​មើល​ឃើញ​ថា​មាន​ផលប៉ះពាល់​អ្វី​ខ្លាំងក្លា​នោះ​ទេ​។ ជាមួយ​នឹង​ការ​ប្រកួត​ប្រជែង​កាន់តែ​ច្រើន​វិនិយោគិន​នឹង​មាន​ការ​រក្សា​គម្រោង​យ៉ាង​ល្អ​ដើម្បី​ទទួល​បាន​ជោគជ័យ​លើស​គេ​»​។

អ្នកស្រី ម៉ាឡេ បាន​បញ្ជាក់​ថា​ទោះ​ជា​ការ​ប្រកួត​ប្រជែង​របស់​អ្នក​វិនិយោគ​ក្នុង និង​ក្រៅ​ស្រុក​នៅក្នុង​ទីផ្សារ​អចលនទ្រព្យ​បាន​កើនឡើង​នៅក្នុង​កំឡុង ២ ​ឆ្នាំ​ចុង​ក្រោយ​នេះ​ក៏ដោយ​ប៉ុន្តែ​ចំណុច​សំខាន់​ដែល​ត្រូវ​កត់ចំណាំ​ទុក​គឺ​ថា​តើ​មូលដ្ឋាន​ទាប​របស់​ការ​អភិវឌ្ឍ​នៅ​ប្រទេស​កម្ពុជា​បាន​មកពី​ទីណា​?

អ្នកស្រី​បាន​បន្ត​ថា​៖ «​ប្រទេស​កម្ពុជា​ជា​ប្រទេស​មួយ​ដែល​អ្នក​វិនិយោគ​គួរតែ​មក​ធ្វើការ​វិនិយោគ​បើ​និយាយ​ពី​រចនា​សម្ព័ន្ធ​នៃ​កម្មសិទ្ធិ និង​ពន្ធនានា»​។ អ្នកស្រី​បន្ថែម​ថា​ចំណុច​ទាំងនេះ​ហើយ​​ដែល​ធ្វើឲ្យ​ប្រទេស​កម្ពុជា​មាន​ការ​លេចធ្លោ​ជាង​បណ្តា​ប្រទេស​ដទៃ​នៅក្នុង​តំបន់​។

លោក Stephen Higgins ដែល​ជា​ដៃគូ​គ្រប់គ្រង​ក្រុមហ៊ុន​ប្រឹក្សា​វិនិយោគ និង​ជា​ដៃគូ​យុទ្ធសាស្ត្រ​ទន្លេមេគង្គ​បាន​និយាយ​ថា​៖ «​ការ​ទទួល​បាន Shangri-La នៅ​លើ​ក្តារ​នេះ​គឺជា​ការ​ជំរុញ​យ៉ាង​ធំ​ចំពោះ​គម្រោង​នេះ (​វា​) ​ច្បាស់​ហើយ​នឹង​​​ត្រូវ​បាន​លើស​ពី​ការ​ស្វាគមន៍​មក​រាជធានី​ភ្នំពេញ​»​។

ទោះ​ជា​យ៉ាង​ណា​លោក​បាន​កត់សម្គាល់​ឃើញ​ថា​ទំហំ​នៃ​គម្រោង​នេះ​អាច​ប្រឈម​មុខ​នឹង​ការ​លំបាក​ខ្លះៗ «​ជាពិសេស​ជាមួយ​នឹង​ចំនួន​លំហូរ និង​អត្រា​​នៃ​ផ្ទះ​ល្វែង​នា​ពេល​បច្ចុប្បន្ន​នេះ»​។

ខណៈ​អ្នក​ជំនាញ​អចលនទ្រព្យ​ជាច្រើន​បាន​ស្តែង​នូវ​ការ​ព្រួយបារម្ភ​ពី​ទីផ្សារ​បន្ទាប់​បន្សំ​ដោយ​គម្រោង​ភាគច្រើន​កំពុង​តែ​ស្ថិត​ក្នុង​ដំណាក់កាល​សាងសង់​នៅ​ឡើយ​អ្នកស្រី ម៉ាឡេ បាន​ពន្យល់​ថា​បច្ចុប្បន្ន​នេះ​គឺ​មាន​ការ​ដាក់​លក់​ក្រៅ​គម្រោង​ដោយ​អ្នក​ដែល​មក​ទិញ​មុន​នឹង​ទទួល​បាន​ការ​បញ្ចុះ​តម្លៃ​ហើយ​ការ​ដាក់​លក់​ទាំង​នេះ​គឺ​កំពុង​តែ​ជួយ​ដល់​ទីផ្សារ​អចលនទ្រព្យ​។

យ៉ាង​ណាមិញ​ នៅពេល​ដែល​មាន​ការ​បញ្ចប់​គម្រោង​កាន់​តែ​ច្រើន​ឡើង «ទីផ្សារ​នៃ​ការ​លក់​ឡើង​វិញ​នឹង​កាន់តែ​រីកចម្រើន​ដោយ​អតិថិជន​អាច​​ឃើញ​ផ្ទាល់ និង​ស្វែងយល់​ពី​យូនីត​នីមួយៗ​មុន​នឹង​ពួកគេ​ធ្វើការ​សម្រេច​ចិត្ត​ទិញ»។

អ្នកស្រី​បាន​បន្ថែម​ជា​ចុងក្រោយ​ថា​ការ​រីកចម្រើន​នេះ​នឹង​ត្រូវ​​បាន​ជួយ​ដោយ​ការ​គ្រប់គ្រង​អចលនទ្រព្យ​អាជីព​ហើយ​វា​ក៏​នឹង​ជួយ​ឲ្យ​មាន​ការ​ប្រសើរ​ឡើង​នៃ​​តម្លៃ​របស់​អចលនទ្រព្យ​ផង​ដែរ​។

យោង​ទៅ​តាម​សេចក្តី​ថ្លែងការណ៍​ហិរញ្ញវត្ថុ​សម្រាប់​ត្រីមាស​ទី​ ៤ កាលពី​ឆ្នាំ​មុន​របស់​ក្រុមហ៊ុន​សិង្ហបុរី Oxley Holdings ប្រាក់​ចំណូល​របស់​ក្រុមហ៊ុន​នេះ​បាន​កើន ៧០ ​ភាគរយ​ដោយ​ចំណូល​ផលទុន​បាន​កើនឡើង​ដល់​ទៅ​ជាង​ទ្វេដង​។ ប្រាក់​ចំណេញ​គឺ​ទទួល​បាន ១១.៦ ​លាន​ដុល្លារ​បើ​​ធៀប​នឹង ៦.៨ ​លាន​ដុល្លារ​កាលពី​ ២ ​ឆ្នាំ​មុន និង​ប្រាក់​ចំណូល​បើ​គិត​ត្រឹម​ចុង​ខែ​មិថុនា​គឺ​បាន​កើនឡើង ១៣៤ ​ភាគរយ​គឺ​ស្មើ ១៣៦ ​លាន​ដុល្លារ​។

ទោះ​ជា​យ៉ាង​ណា​ក៏ដោយ​លទ្ធផល​មួយ​ឆ្នាំ​ពេញ​ក៏​បាន​បង្ហាញ​ពី​ការ​ធ្លាក់​ចុះ​នៃ​ប្រាក់​ចំណូល​ចំនួន ៣៥ ភាគរយ គឺ ៤៩២ ​លាន​ដុល្លារ និង ការ​ធ្លាក់​ចុះ ៧៩ ​ភាគរយ​នៃ​ប្រាក់​ចំណេញ​គឺ ៤២ ​លាន​ដុល្លារ​។

ក្រុមហ៊ុន​នេះ​មាន​គម្រោង​បើក​សម្ភោធ​ការ​បើក​ដាក់​លក់ The Peak នៅ​ប្រទេស​សិង្ហបុរី​នៅ​ពាក់​កណ្តាល​ខែ​ក្រោយ​នេះ​៕

0

Comments

Please, login or register to post a comment