Search form

Login - Register | FOLLOW US ON

Logo of Phnom Penh Post newspaper Phnom Penh Post - ទីផ្សារ​អចលនទ្រព្យ​នៅ​ កម្ពុជា ​បន្ត​រីកចម្រើន និង​វិវឌ្ឍ​ទៅ​មុខ

Content image - Phnom Penh Post
Senior associate director for CBRE Cambodia, Simon Griffiths. SUPPLIED

ទីផ្សារ​អចលនទ្រព្យ​នៅ​ កម្ពុជា ​បន្ត​រីកចម្រើន និង​វិវឌ្ឍ​ទៅ​មុខ

កាលពី​ឆ្នាំ​ ២០១៥ គេ​បាន​សង្កេត​ឃើញ​មាន​ការ​កើនឡើង​នៃ​ការ​វិនិយោគ​បរទេស​ដោយ​ផ្ទាល់ (FDI) ហើយ​វិស័យ​អចលនទ្រព្យ​ជា​កត្តា​មួយ​ដែល​ជំរុញ​ដល់​ការ​វិនិយោគ​ទាំង​នេះ​ដោយ​រួមមាន​គម្រោង​វិនិយោគ​ថ្មីៗ​ក៏​ដូចជា​ការ​វិនិយោគ​បរទេស​ជា​បុគ្គល​តាមរយៈ​ខុនដូ​មួយ ឬ​ច្រើន​យូនីត SoHo ឬ​ការិយាល័យ​ជា​កម្មសិទ្ធិ​ដាច់​ដោយ​ឡែក​។

កាលពី​ឆ្នាំ​ ២០១៦ គេ​បាន​សង្កេត​ឃើញ​មាន​ការ​លេច​ឡើង​នូវ​ការវិនិយោគ​គម្រោង​អភិវឌ្ឍន៍​ជាច្រើន​ដែល​ចេញ​ជា​ទម្រង់​អគារ​ធំៗ​ផុស​ឡើង​ទូទាំង​ទីក្រុង​ភ្នំពេញ​។

ទោះ​ជា​យ៉ាង​ណា​ក៏ដោយ ក៏​មាន​ការ​ថយ​ចុះ​នៃ​ការ​លក់ និង​ការ​វិនិយោគ​បរទេស​បែប​បុគ្គល​ឯកជន​ផង​ដែរ​។ នេះ​នាំ​ឲ្យ​ម្ចាស់​គម្រោង​វិនិយោគ និង​អ្នក​វិនិយោគ​ជា​បុគ្គល​មាន​ការ​ព្រួយបារម្ភ និង​ប្រុងប្រយ័ត្ន​ដោយ​មាន​មនុស្ស​ជាច្រើន​បាន​ចាប់​យក​ឱកាស​ទីផ្សារ​នៅ​ឆ្នាំ​ ២០១៦ ​នេះ។

ទោះ​ជា​បែប​នេះ​ក៏ដោយ​ក៏​នៅ​តែ​មាន​ចំណង់​ក្នុង​ការ​អភិវឌ្ឍ​បន្ថែម​ដោយ​អ្នក​វិនិយោគ​គម្រោង​នៅ​តែ​ព្យាយាម​ស្វែងរក​ឱកាស​វិនិយោគ​ក្រៅ​ពី​គម្រោង​ខុនដូ ដូចជា រចនា​គម្រោង​ផ្ទះ​លំនៅឋាន​ថ្មី​ខុស​ប្លែក​ពី​គេ ឬ​សម្លឹង​មើល​ទៅ​វិស័យ​ផ្សេង ឬ​ទីតាំង​ផ្សេង​។

មាន​ភ័ស្តុតាង​ដែល​បាន​បង្ហាញ​​ថា​វិនិយោគិន​បរទេស​នៅ​តែ​បន្ត​ទិញ​អចលនទ្រព្យ​នៅ​ប្រទេស​កម្ពុជា​នៅ​ចុង​ឆ្នាំ​ ២០១៦ ​នេះ​ហើយ​វិនិយោគិន​ឯកជន​ទាំង​នោះ​ត្រូវ​បាន​ទាក់ទាញ​ដោយ​ការ​ទទួល​ផល​ដែល​មាន​ការ​ធានា វិនិយោគ​គម្រោង​ដែល​មាន​កេរ្តិ៍​ឈ្មោះ​រឹងមាំ និង​ផលិតផល ឬ​រចនាប័ទ្ម​ថ្មីៗ​។ ហេតុ​នេះ​ហើយ​ចំនួន​ការ​វិនិយោគ​បរទេស​ដោយ​ផ្ទាល់​ក្នុង​ផ្នែក​អចលនទ្រព្យ​នៅ​តែ​មាន​ភាព​រឹងមាំ​នៅ​ឆ្នាំ​ ២០១៦ ប៉ុន្តែ​មិន​រឹងមាំ​ដូច​កាល​ពី​ឆ្នាំ​ ២០១៥ ​នោះ​ទេ​។

បន្ត​សម្លឹង​ទៅ​មុខ​នៅ​ឆ្នាំ​ ២០១៧ ការ​វិនិយោគ​បរទេស​ដោយ​ផ្ទាល់​នឹង​នៅ​តែ​មាន​កម្រិត​ខ្ពស់​ប៉ុន្តែ​មិន​នៅក្នុង​វិស័យ ឬ​ទីតាំង​ដដែល​ដូច​នឹង​ឆ្នាំ​ ២០១៥ ឬ​ឆ្នាំ​ ២០១៦ ​នោះ​ទេ​។

ប្រសិន​ទីក្រុង​ភ្នំពេញ​គឺជា​ពែង​មួយ​នោះ​ពែង​នោះ​កំពុង​តែ​ពោរពេញ​ទៅ​ដោយ​គម្រោង​អភិវឌ្ឍន៍​ទៅ​ហើយ​។ តែ​នេះ​មិនមែន​មាន​ន័យ​ថា​នឹង​មាន​គម្រោង​វិនិយោគ​បរទេស​បន្ថែម​ទៀត​នៅ​ក្នុង​ទីក្រុង​ភ្នំពេញ​ក្នុង​ឆ្នាំ​ ២០១៧ ​នោះ​ទេ​ប៉ុន្តែ​ត្រូវ​រំពឹង​ថា​នឹង​មាន​គម្រោង​វិនិយោគ​បរទេស​នៅ​ខាង​ផ្នែក​កម្សាន្ត សណ្ឋាគារ ខុនដូ​បែប​សណ្ឋាគារ និង​ផ្សារ​លក់​ទំនិញ​នៅ​ឆ្នាំ​ ២០១៧ ច្រើន​ជាង​ឆ្នាំ​ ២០១៥ និង​ ២០១៦ ដែល​បាន​ផ្តោត​សំខាន់​ទៅ​លើ​ផ្នែក​លំនៅឋាន​។

សម្រាប់​ឆ្នាំ​ ២០១៧ ក្នុង​នាម​ជា​វិនិយោគិន​ឯកជន​បរទេស​វា​នឹង​ជា​ពេល​ដែល​គួរ​ឲ្យ​ចាប់​អារម្មណ៍​មួយ​។

ជាមួយ​នឹង​ការ​ប្រកួតប្រជែង​កាន់តែ​ខ្លាំង​ឡើង​វិនិយោគិន​គួរ​តែ​ផ្តល់​ការ​យក​ផលចំណេញ​ដែល​មាន​ការ​ធានា និង​ការ​ផ្តល់​ឲ្យ​ផ្សេងៗ​ទៅ​ដល់​អតិថិ​ជនបរទេស និង​អ្នក​ក្នុង​ស្រុក​។ ផ្ទុយ​ពី​អត្រា​ការប្រាក់​ទាប ដែល​មាន​នៅ​ក្នុង​ប្រទេស​ដែល​បាន​អភិវឌ្ឍន៍ ការ​ធានា​ផលចំណេញ​ចំនួន ៥ ​ភាគរយ ឬ​លើស​ពី​នេះ​គឺជា​វិធីសាស្ត្រ​ក្នុង​ការ​ទទួល​បាន​ប្រាក់​ជា​ជាង​ខាត​ប្រាក់​ដោយ​ទុក​វា​ចោល​នៅក្នុង​ធនាគារ​ប៉ុន្តែ​វា​សំខាន់​តែ​ក្នុង​ករណី​ដែល​វិនិយោគិន​ឯកជន​បរទេស​នោះ​ទុក​ចិត្ត​អ្នក​អភិវឌ្ឍន៍​គម្រោង​ហើយ​ការ​វិនិយោគ​នោះ​នឹង​មាន​តម្លៃ​។

ទាំង​នេះ​ខ្ញុំ​នឹង​និយាយ​អំពី​វិស័យ និង​ទីតាំង​ភូមិសាស្ត្រ​មួយ​ទៀត​ដែល​នឹង​មាន​ការ​កើនឡើង​នូវ​ការ​វិនិយោគ​បរទេស​ដោយ​ផ្ទាល់​ក្នុង​កំណើន​ខ្ពស់​នៅ​ខេត្ត​ព្រះសីហនុ​។

ជាទូទៅ​ នៅ​ទី​នោះ​មាន​តែ​តំបន់​ទេសចរណ៍​ដែល​មាន​ខ្នាត​តូច និង​ចំនួន​ទេសចរ​​កើនឡើង និង​ថយ​ចុះ​តាម​រដូវ​​តែ​ប៉ុណ្ណោះ​ដោយ​រំពឹង​ថា​នឹង​មាន​ការ​ប្រកាស​ពី​គម្រោង​រមណីយដ្ឋាន​យក្ស​លើ​ដី​ជាង​ ១ ​ពាន់​ហិកតា និង​ការ​កើន​ឡើង​នូវ​ការ​វិនិយោគ​បរទេស​ដោយ​ផ្ទាល់​ក្នុង​ចំនួន​ខ្ពស់​នៅ​ក្នុង​ខេត្ត​នេះ​។

វា​ជា​រឿង​មួយ​ពិបាក​នឹង​ទស្សន៍​ទាយ​ណាស់​ថា​តើ​ការ​វិនិយោគ​បរទេស​ដោយ​ផ្ទាល់​ទាំងអស់​​នឹង​មាន​នៅ​ឆ្នាំ​ ២០១៧ ឬ​យ៉ាង​ណា? ប៉ុន្តែ​បើ​តាម​មើល​ទៅ​មាន​ឱកាស​ច្រើន​ដែល​​ការ​រីក​លូតលាស់​ខ្លាំង​​នៅ​ផ្នែក​អចលនទ្រព្យ​វា​នឹង​កើតឡើង​នៅ​ខេត្ត​ព្រះសីហនុ​។ វា​គួរ​តែ​រំពឹង​ថា​នឹង​មាន​គម្រោង​វិនិយោគ​ផ្នែក​ទេសចរណ៍ បដិសណ្ឋារកិច្ច និង​កម្សាន្ត​បន្ថែម​ជាច្រើន​ទៀត​ប៉ុន្តែ​ក៏​នឹង​មាន​គម្រោង​វិនិយោគ​ផ្នែក​លំនៅឋាន​ហើយ​គម្រោង​វិនិយោគ​​បរទេស​នៅ​លើ​ផ្នែក​លំនៅឋាន​ទាំង​នេះ​មិន​ត្រឹម​តែ​ជា​ប្រភេទ​ខុនដូ​នោះ​ទេ​ប៉ុន្តែ​ក៏​នៅ​ផ្ទាល់​នឹង​ដី​ផង​ដែរ​។

រហូត​មក​ទល់​ពេល​នេះ​នៅ​មិន​ទាន់​មាន​ព័ត៌មាន​លម្អិត​នៅ​ឡើយ​ទេ ប៉ុន្តែ​ខេត្ត​ព្រះសីហនុ​អាច​នឹង​ទទួល​បាន «​ឋានៈ​ពិសេស​» ដែល​ឋានៈ​ពិសេស​នេះ​នឹង​អនុញ្ញាត​ឲ្យ​ជនបរទេស​មាន​សិទ្ធិ​ទិញ​ដី​នៅ​ក្នុង​តំបន់​ដែល​មាន​អាជ្ញាប័ណ្ណ​ពិសេស​ជាក់លាក់​នៅក្នុង​ខេត្ត​នេះ​។

តើ​ការ​ប្រមើល​មើល​នេះ​នឹង​ដូច​គ្នា​ទៅ​លើ​យូនីត​ឧស្សាហកម្ម​ដូចជា​គំរូ​តំបន់​សេដ្ឋកិច្ច​ពិសេស​នៅ​ថៃ ឬ​ក៏​រួម​មាន​ផ្ទះ​សម្រាក​លំហែកាយ​សម្រាប់​ជនបរទេស ឬ​យ៉ាង​ណា​គឺ​នៅ​មិន​ទាន់​ច្បាស់​នៅ​ឡើយ​នោះ​ទេ​ប៉ុន្តែ​គំរូ​តំបន់​សេដ្ឋកិច្ច​ពិសេស​ថៃ ឬ​ផ្ទះ​សម្រាក​លំហែ​កាយ​សម្រាប់​ជនបរទេស​នេះ​នឹង​នាំ​ឲ្យ​មាន​ការ​កើនឡើង​ខ្ពស់​នូវ​ការ​វិនិយោគ​បរទេស​ដោយ​ផ្ទាល់​នៅ​ក្នុង​ខេត្ត​នេះ​ហើយ​អាច​ដើរ​តួ​ជា​ម៉ាស៊ីន​សម្រាប់​ជំរុញ​ការ​រីក​លូតលាស់ និង​ការ​វិនិយោគ​ប្រសិន​បើ​ស្ថានភាព​បែប​នេះ​ដំណើរការ​ដោយ​បាន​ជោគជ័យ។

ដោយ Simon Griffiths ​ជា​នាយករង​ជាន់​ខ្ពស់​នៅ​ក្រុមហ៊ុន CBRE Cambodia Senior associate director for CBRE Cambodia, Simon Griffiths. SUPPLIED

0

Comments

Please, login or register to post a comment

ព័ត៌មានពាក់ព័ន្ធ