ទន្ទឹម​គ្នា​នឹង​វិស័យ​អចលនទ្រព្យ​នៅ​ក្រុង​ព្រះសីនុ​កំពុង​មាន​ចំណាប់​អារម្មណ៍​ច្រើន​ពី​អ្នក​វិនិយោគទុន​ក្នុង​ស្រុក និង​មកពី​បរទេស គម្រោង​ស្ថាបនា​ផ្លូវ​ល្បឿន​លឿន​តភ្ជាប់​រាជធានី​ភ្នំពេញ និង​ក្រុង​ព្រះសីហនុ​បាន​និង​កំពុង​វិវត្ត​ឆ្ពោះ​ទៅ​រក​ការ​ចាប់ផ្តើម​បើក​ការដ្ឋាន​សាងសង់​នៅ​អំឡុង​ចុង​ឆ្នាំ​ខាង​មុខ​នេះ​ហើយ ប្រសិន​បើ​ការ​ចរចា​ចំណុច​សេសសល់​តិចតួច​ពាក់ព័ន្ធ​ទៅ​នឹង​គម្រោង​ចំណាយ​នឹង​ត្រូវ​បាន​សម្រេច​បញ្ចប់​នោះ​។ នេះ​បើ​តាម​ការ​អះអាង​របស់​មន្ត្រី​ជាន់ខ្ពស់​នៃ​ក្រសួង​សាធារណការ និង​ដឹកជញ្ជូន​។