ជាច្រើន​ឆ្នាំ​ចុងក្រោយ​នេះ​មាន​ការ​ជជែក​ពិភាក្សា ការ​ផ្សព្វផ្សាយ​ក៏​ដូចជា​ការ​ទិញ​លក់​ខុនដូ​យ៉ាង​ច្រើន​នៅក្នុង​រាជធានី-ភ្នំពេញ ខណៈ​មាន​ប្រជាជន​កម្ពុជា​តិចតួច​ប៉ុណ្ណោះ​បាន​ភ្លក្ស​រសជាតិ​ជីវិត​ពិត​នៅ​ក្នុង​ខុនដូ​ទំនើប​តាមរយៈ​ការ​រស់នៅ ឬ​ទៅ​សិក្សា​នៅ​បរទេស ប៉ុន្តែ​ចាប់​ពី​ឆមាស​ទី​ ១ ឆ្នាំ​ ២០១៧ ​នេះ​មក​ម្ល៉េះ​គឺ​ចាប់ផ្តើម​មាន​តួលេខ​កើនឡើង​នៃ​ជនជាតិ​ខ្មែរ​មួយ​ចំនួន​បាន​ក្លាយ​ជា​ម្ចាស់​ខុនដូ ហើយ​បាន​សាកល្បង​រសជាតិ​ជីវិត​ខុនដូ​ដោយ​ផ្ទាល់​របស់​ពួកគេ​ពិតៗ​នៅ​កណ្តាល​រាជធានី​ចំណាស់​កន្លះ​សហសវត្សរ៍​នេះ​តែ​ម្តង​។