កំណើន​ប្រជាសាស្ត្រ​នៅ​ទីក្រុង​ភ្នំពេញ​ពិត​ជា​ទាមទារ​ឲ្យ​មាន​ការ​អភិវឌ្ឍ​បន្ថែម​នូវ​សំណង់​លំនៅដ្ឋាន ហេដ្ឋារចនាសម្ព័ន្ធ​ទូទៅ ទីធ្លា និង​សួនច្បារ​សាធារណៈ​នានា​ទន្ទឹម​នឹង​ពេល​នេះ​ចំនួន​ប្រជាជន​កាន់តែ​ច្រើន​ក៏​មាន​ការ​យល់​ដឹង​អំពី​សុខភាព​ផ្ទាល់​ខ្លួន​ដោយ​ពួកគេ​តែងតែ​នាំ​គ្នា​ដើរ​ហាត់ប្រាណ​នៅ​តាម​សួនច្បារ​សំខាន់ៗ​ដូចជា សួនច្បារ​វិមានឯករាជ្យ សួនច្បារ​មាត់ទន្លេ ពហុកីឡដ្ឋាន​ជាតិ​អូឡាំពិក សួនច្បារ​មុខ​ក្រសួង​ការពារ​ជាតិ និង​នៅ​តាម​ទីធ្លា​សាលារៀន​ជាដើម​។