ខណៈ​ពេល​ដែល​នៅ​ទីក្រុង​ធំៗ​មួយ​ចំនួន​ដូចជា​ទីក្រុង​បាងកក​ប្រទេស​ថៃ និង​រ៉ង់ហ្គូន​ប្រទេស​មីយ៉ាន់ម៉ា​បាន​និង​កំពុង​សម្លឹង​មើល​ពី​លទ្ធភាព​ពង្រីក​ផ្លូវ​ខ្សែ​រថភ្លើង​នៅ​ក្នុង​ក្រុង​ ដើម្បី​បម្រើ​សេវាកម្ម​ដឹក​ជញ្ជូន​សាធារណៈ​ប្រយោជន៍​កាត់​បន្ថយ​ភាព​កកស្ទះ​ចរាចរណ៍​នៅ​ក្នុង​ទីក្រុង​នោះ​ ដោយ​ឡែក​អាជ្ញាធរ​រាជធានី​ភ្នំពេញ​ប្រហែល​ជា​ពុំ​មាន​ចំណាប់​អារម្មណ៍​បែប​នេះ​ទេ​ជាក់ស្តែង​កំណាត់​ផ្លូវ​រថភ្លើង​ចេញ​ពី​ស្ថានីយ​ធំ​នៅ​កណ្តាល​ទីក្រុង​ឆ្ពោះ​ទៅ​ជាយ​​ក្រុង​ភាគ​ខាង​ជើង​នា​តំបន់​គីឡូម៉ែត្រ​ ៦ កំពុង​ស្ថិត​ក្នុង​គម្រោង​អភិវឌ្ឍន៍​ប្រៀប​បាន​នឹង​លុប​បំបាត់​​កេរ​ដំណែល​បន្សល់​ទុក​ជា​ច្រើន​ទសវត្សរ៍​មក​ហើយ​នោះ​។