Search form

Login - Register | FOLLOW US ON

Logo of Phnom Penh Post newspaper Phnom Penh Post - CMED នាំ​មក​នូវ​សេវា​ម៉ៅការ សាងសង់ និង​រចនា​មក​ដល់​ប្រទេស​កម្ពុជា

Content image - Phnom Penh Post
លោក Dai Inomata អ្នកគ្រប់គ្រង CMED Construction។

CMED នាំ​មក​នូវ​សេវា​ម៉ៅការ សាងសង់ និង​រចនា​មក​ដល់​ប្រទេស​កម្ពុជា

ក្រុម​ហ៊ុន​សំណង់ CMED ទើបតែ​បាន​ប្រារព្ធ​អបអរសាទរ​ខួប​លើក​​ទី​២​ឆ្នាំ របស់ខ្លួន​ចាប់តាំងពី​ការ​ស្ថាបនា​នៅ​ឆ្នាំ ​២០១៥​។

ចាប់​តាំងពី​ការបង្កើត​ដំបូង​មក​ក្រុមហ៊ុន​ដែល​គ្រប់គ្រង​ទាំងស្រុង​ដោយ​ជនជាតិ​កម្ពុជា​នេះ បាន​បញ្ចប់​ការសាងសង់​លើ​អគារ​ការិយាល័យ​មួយកន្លែង និង​កំពុង​តែ​ធ្វើ​ការ​សាងសង់​វីឡា​ស្នាក់នៅ​ដ៏​ល្អ​ប្រណីត​លំដាប់​ផ្កាយ​​ ៥ នៅ​តំបន់​ជ្រោយចង្វារ​។

ដោយ​មាន​ការ​អភិវឌ្ឍ​សំណង់​ពាណិជ្ជកម្ម និង​លំនៅដ្ឋាន​បន្ថែម​ទៀត​ជា​គម្រោង​ដែល​នឹង​ត្រូវ​ធ្វើ​ជា​បន្ត​បន្ទាប់ លោក Dai Inomata អ្នក​គ្រប់​គ្រង​ទូទៅ​នៅ CMED Construction បាន​ជួប​ជាមួយ​ភ្នំពេញ ​ប៉ុស្តិ៍​ អចលនទ្រព្យ ដើម្បី​ពិភាក្សា​អំពី​សេវា​ដែល​ក្រុមហ៊ុន​នេះ​អាច​ផ្តល់​ឲ្យ​បាន​។

១- ខណៈ​ពេល​ដែល CMED Construction គឺជា​ក្រុមហ៊ុន​ក្នុង​ស្រុក​ទាំងស្រុង ក្រុមហ៊ុន​នេះ​ក៏​នៅ​តែ​មាន អ្នក​ជំនាញ​ជនជាតិ​ជប៉ុន​ជាច្រើន​នាក់​នៅ​ក្នុង​ក្រុម​ការងារ​ដែរ​។ តើ​លោក​អាច​ប្រាប់​ពី​យុទ្ធសាស្ត្រ​ពិសេស​ណាមួយ​សម្រាប់​ការ​បង្កើត​រចនា​សម្ព័ន្ធ​ក្រុមហ៊ុន​នេះ​បាន​ដែរ​ឬ​ទេ?

នៅ​ពេល​ដែល​យើង​បាន​ចាប់​ផ្តើម​បង្កើត CMED Construction ដំបូង​ឡើង​យើង​មាន​គោល​ដៅ​តែ​មួយ​គត់​នៅ​ក្នុង​ចិត្ត ដែល​ជា​ការ​ផ្តល់​នូវ​ស្តង់ដារ​អន្តរជាតិ​នៅ​ក្នុង​វិស័យ​សំណង់​ជាមួយ​នឹង​តម្លៃ​សមរម្យ​នៅ​ក្នុង​ទីផ្សារ​កម្ពុជា​។

ខណៈ​ដែល​យើង​ទទួល​ស្គាល់​គុណភាព​ជប៉ុន ដូចជា​វិធីសាស្ត្រ​ក្នុង​ការ​គ្រប់គ្រង​ដ៏​ល្អ និង​ការ​អនុវត្តតាម​ស្ដង់ដារ​នោះ យើង​ក៏​សម្លឹង​រកមើល​ទេព​កោសល្យ​ថ្មីៗ​ផង​ដែរ គឺ​អ្នក​ពូកែ​នៅ​ក្នុង​ចំណោម​អ្នកខ្លាំងៗ ដើម្បី​មកជួយ​ពួក​យើង​ក្នុង​ការ​អភិវឌ្ឍ​អាជីវកម្ម​។

ដូច្នេះ​យើង​មិនមែន​នាំ​យក​មក​តែ​អ្នក​ជំនាញ​របស់​ប្រទេស​ជប៉ុន ប៉ុណ្ណោះ​ទេ ប៉ុន្តែ​យើង​ក៏​នាំយក​ក្រុម​អ្នក​ជំនាញ​ពី​បណ្តា​ប្រទេស​ផ្សេងៗ រួមមាន​ប្រទេស​សិង្ហ​បុរី ម៉ាឡេស៊ី ហ្វីលីពីន និង​ប្រទេស​មួយចំនួន​ផ្សេង​ទៀត ដើម្បី​ជួយ​ឲ្យ​យើង​សម្រេច​បាន​នូវ​គោលដៅ​នេះ​។

ក្នុង​នោះ​បេសកកម្ម​មួយ​របស់​យើង​ក្នុង​នាម​ជា​ក្រុមហ៊ុន​ដែល​គ្រប់​គ្រង​ទាំង​ស្រុង​ដោយ​ជនជាតិ​កម្ពុជា គឺ​ការ​អភិវឌ្ឍ​ធនធាន​មនុស្ស​នៅ​ប្រទេស​កម្ពុជា ក្នុង​វិស័យ​ស្ថាបត្យកម្ម និង​សំណង់​។ ជា​ការ​ពិត ភាគ​ច្រើន​នៃ​បុគ្គលិក​របស់​យើង​គឺជា​ជន​ជាតិ​ខ្មែរ​។

២- CMED Construction បាន​ផ្តល់​នូវ​សេវា​ជាច្រើន​ប្រភេទ​ដល់​អតិថិជន​របស់​ខ្លួន​។ តើ​វិសាល​ភាព​នៃ​ការងារ​ដែល​ក្រុមហ៊ុន​ផ្ដល់​ជូន​មាន​អ្វីខ្លះ​?

​នៅ CMED Construction យើង​ផ្តល់​ជូន​នូវ​សេវាកម្ម​រចនា និង​សាងសង់​។ ក្នុង​នោះ​ក៏​មាន​ភ្ជាប់​ជាមួយ​នឹង​ការ​ធ្វើ​ផែនការ​មេ គំនិត​រចនា គំរូ​សំណង់ និង​ការ​គ្រប់គ្រង​សំណង់​។

បន្ទាប់​ពីនេះ​គឺ​ការ​ផ្តល់​សេវា​គ្រប់គ្រង​ការ​សាងសង់​។ សេវា​នេះ​រួម​មាន​ការ​គ្រប់គ្រង​គម្រោង និង​ការ​ធ្វើ​ការ​របស់​អ្នក​ម៉ៅការ​ជា​ចម្បង​។ សេវា​មួយ​ដែល​មាន​លក្ខណៈ​ប្លែក​ពី​គេ​នៅ CMED Construction គឺ​សេវាកម្ម​បន្ទាប់​ពី​ការ​លក់​។

យើង​ជួយ​ដល់​អតិថិជន​របស់​យើង​នៅក្នុង​ការ​ថែរក្សា​គម្រោង ដែល​បាន​សាងសង់​បញ្ចប់​ហើយ​ត្រូវ​បាន​ប្រគល់​ទៅ​ឲ្យ​អតិថិជន​រួច​រាល់​ហើយ​។ យើង​ចង់​ធានា​ថា គុណភាព​ដ៏​ល្អ​ត្រូវ​បាន​រក្សា គឺ​មិន​ថា​អគារ ឬ​សំណង់​នោះ​មាន​អាយុ​ប៉ុន្មាន​នោះ​ទេ​។ វា​គឺជា​ការ​ទទួល​ខុសត្រូវ​មួយ​ដែល​យើង​ត្រូវ​តែមាន​មោទនភាព​ទៅ​លើ​វា​។

៣-​ សរុប​ទាំង​ការ​ម៉ៅការ​សេវាកម្ម​សាងសង់ និង​ការ​រចនា តើ​អតិថិជន​របស់​អ្នក​ទទួល​បាន​ផល​ប្រយោជន៍​យ៉ាង​ដូច​ម្តេច​ខ្លះ?

CMED Construction ផ្តល់​នូវ​សេវា​ម៉ៅការ​ទាំង​ស្រុង​ហើយ​មាន​ប្រភព​តែ​មួយ នេះ​មាន​ន័យ​ថា ពួក​យើង​ផ្តល់​សេវាកម្ម​សំណង់​សព្វ​គ្រប់​ទាំងអស់ ដែល​អតិថិជន​មិន​ចាំបាច់​ទៅ​ជួល​អ្នកម៉ៅការ​ផ្សេងគ្នា​ពីរ​បី ស្ថាបត្យករ ឬ​អ្នក​ពិគ្រោះ​យោបល់​ថែមទៀត​នោះ​​ទេ។

ការណែនាំ​អំពី​ដំណោះ​ស្រាយ​ដែល​ប្រភព​តែមួយ​ដល់​អតិថិជន​របស់​យើង យើង​អាច​ផ្តល់​សេវាកម្ម​ជាច្រើន ស្របៗ​គ្នា​ជា​មួយ​សេវា​ប្រឹក្សា​ពិគ្រោះ​យោបល់ សេវា​ស្ថាបត្យកម្ម និង​សេវា​សាង​សង់​។ ការ​ផ្តល់​ដំណោះ​ស្រាយ​ពី​ប្រភព​តែ​មួយ ដូចជា​ការផ្តល់​គំនិត និង​ការ​រចនា​បង្ហាញ​ពី​ជំនាញ និង​ចំណេះដឹង​ទូលំទូលាយ​របស់​យើង​នៅ​ក្នុង​បែបបទ និង​ការ​រចនា​ម៉ូដ​ខ្នាត​អន្ដរជាតិ​។

ការការពារ​ប្រឆាំងនឹង​ភាព​មិន​ប្រាកដ​ប្រជា កំហុសឆ្គង​ធំៗ និង​ការធ្វើការ​ទាន់​ពេល​វេលា​នៅ​ក្នុង​គម្រោង​នីមួយៗ សុទ្ធ​តែ​ជា​បញ្ហា​ប្រឈម​ធំៗ​នៅ​ក្នុង​ប្រទេស​កម្ពុជា​។ ដោយ​ប្រើប្រាស់​សេវា​ពី​ក្រុមហ៊ុន​តែមួយ​ដូច CMED Construction យើង​សង្ឃឹមថា យើង​នឹងធ្វើ​ឲ្យ​មាន​ការ​ផ្លាស់​ប្តូរ​យ៉ាងសំខាន់​នៅក្នុង​វិស័យ​សំណង់​។​

៤- ​តើ​អ្នកមាន​យោបល់​យ៉ាង​ដូច​ម្តេច​លើ​ស្ថានភាព​បច្ចុប្បន្ន និង​ភាព​ទុក​ចិត្ត​បាន នៃ​វិស័យ​សំណង់​នៅ​កម្ពុជា​? តើ CMED មាន​គម្រោង​ក្នុង​ការ​អភិវឌ្ឍ​ស្ដង់ដារ​នៃ​ការ​សាងសង់​នៅ​កម្ពុជា​បាន​យ៉ាង​ដូច​ម្តេច​?

​ខណៈ​ពេល​ដែល​ទីផ្សារ​អចលនទ្រព្យ និង​សំណង់​នៅ​ក្នុង​ប្រទេស​កម្ពុជា កាន់​តែមាន​ភាព​ចាស់ទុំ​ទៅៗ​មនុស្ស​ក៏​កាន់តែ​អភិវឌ្ឍ និង​ការ​ទាមទារ​ឲ្យ​មាន​គុណភាព​កាន់តែ​ល្អប្រសើរ​ជាង​មុន និង​ការ​យល់​ដឹង​ពី​ផលិតផល​ណា​ដែល​សមស្រប​ទៅនឹង​ប្រាក់​ដែល​ខ្លួន​បាន​ចំណាយ​។

​ឥឡូវ​នេះ​ក្រុមហ៊ុន​សាងសង់​មិន​អាច​គ្រាន់​តែ​សាងសង់​អគារ​មួយ ហើយ​បាន​ដាក់​វាល​ក់​តែ​ម្តង​នោះទេ​។ តាម​រយៈ​សេវាកម្ម​ដែល​ផ្តល់​ដោយ CMED យើង​ធានា​ថា គម្រោង​ទាំង​អស់ វា​នឹង​ត្រូវ​បាន​ប្រគល់​ទៅ​ឲ្យ​អតិថិជន​ឲ្យ​បាន​ទាន់​ពេល​វេលា ជាមួយ​នឹង​គុណភាព​ជោគជ័យ​ដោយ​ប្រព្រឹត្ត​ទៅ​តាម​ប្រព័ន្ធ​ដែល​មាន​ល្បឿន​លឿន ហ្មត់ចត់ មាន​គុណ​ភាព និង​សុវត្ថិភាព​របស់​យើង (FAQS)​។

ប្រព័ន្ធ FAQS ជួយ​ឲ្យ​យើង​គ្រប់គ្រង​គម្រោង​របស់​យើង​ឲ្យ​កាន់​តែ​មាន​ប្រសិទ្ធភាព​ដោយ​ដំណើរការ​ទាំងនេះ​អាច​ត្រូវ​បាន​គ្រប់គ្រង និង​កែប្រែ​យ៉ាង​ងាយ​ស្រួល​ស្រប​តាម តម្រូវ​ការ​របស់​អតិថិជន និង​តម្រូវ​ការ​ក្នុង​ការ​សម្រេច​បាន​នូវ​លទ្ធផល​ដែល​ល្អ​បំផុត​។

៥-​តើ​ក្រុមហ៊ុន​បាន​ផ្តួចផ្តើម​កម្ម​វីធី​បណ្តុះ​បណ្តាល​អ្វីខ្លះ ដើម្បី​ជួយ​ក្នុងការ​បង្កើន​ជំនាញ​កម្លាំង​ពលកម្ម​របស់​ខ្លួន​?

មួយ​ផ្នែក​ធំ​នៃ​កម្មវិធី​បណ្តុះ​បណ្តាល​ជំនាញ​របស់​យើង គឺ​នៅ​លើ​ការ​បណ្តុះ​បណ្តាល​នៅ​ពេល​​ធ្វើ​ការងារ​(OJT)​។ យើង​ផ្តល់​ជូន​នូវ OJT ទៅ​ដល់​វិស្វករ និង​កម្មករ​របស់​យើង​ទាំងអស់​នៅ​ពេល​ធ្វើ​ការងារ​ផ្ទាល់​តែ​ម្តង ដើម្បី​កាត់​បន្ថយ​គ្រោះថ្នាក់ និង​កំហុស​ឆ្គង​ក៏​ដូច​ជា​បង្កើន​ជំនាញ​របស់​ពួក​គេ​សម្រាប់​ការ​អនុវត្ត​ឲ្យ​កាន់តែ​ល្អ​ប្រសើរ​ជាង​មុន​ដែរ​។

យើង​ក៏​មាន​មោទនភាព​ក្នុង​ការ​ជម្រាប​ឲ្យ​ដឹងថា ចាប់តាំងពី​ការ​ចាប់ផ្តើម​យើង​មិន​ដែល​មាន​កើត​គ្រោះថ្នាក់​នៅលើ​ការ​ដ្ឋាន​សំណង់​ទេ​។ ការ​ថែរក្សា​សុខុមាលភាព​របស់​កម្មករ និង​ជំរុញ​ឲ្យ​មាន​សុខភាព​សាធារណៈ​ល្អ និង​ប្រកប​ដោយ​សុវត្ថិភាព​គឺជា​គោលការណ៍​ដែល​សំខាន់​បំផុត​នៅ CMED Construction​។ យើង​នឹង​ព្យាយាម​ដើម្បី​មិន​ឲ្យ​មានការ​ចរចា​ណា​មួយ​តែ​ម្តង នៅ​ពេល​ដែល​យើង​និយាយ​ពី​បញ្ហា​សុវត្ថិភាព​។

ទស្សន​វិស័យ​មួយ​របស់​ក្រុមហ៊ុន​របស់​យើង គឺ​ការ​រួម​ចំណែក​ក្នុង​ការ​អភិវឌ្ឍ​សង្គម​ជាតិ នេះ​ក៏​ជា​មូលហេតុ​មួយ​ទៀត​ដែរ ដែល​យើង​សង្កត់ធ្ងន់​ទៅ​លើ​កម្មវីធី​ការ​ទទួល​ខុស​ត្រូវ​សង្គម​របស់​ក្រុមហ៊ុន​។

ជា​ផ្នែក​មួយ​នៃ​ការ​ទទួល​ខុស​ត្រូវ​សង្គម ការ​តាំង​បង្ហាញ​ការិយាល័យ​សំណង់​របស់ CMED Construction ដែល​បាន​បើក​ទ្វារ​របស់​ខ្លួន​ជា​សាធារណៈ​នៅ​ខែ​ឧសភា​ឆ្នាំ​២០១៧ បាន​បម្រើ​ក្នុង​ការ បង្ហាញ​ពី​ជំនាញ​របស់​យើង​នៅក្នុង​ការសាងសង់ និង​វិធីសាស្ត្រ​គ្រប់គ្រង​។

គោល​ដៅ​របស់​យើង​គឺ​ដើម្បី​ណែនាំ​ពី​គោលការណ៍​ជា​មូលដ្ឋាន​ជា​សាធារណៈ​ដែល​ទាក់ទង​ទៅ​នឹង​សុវត្ថិភាព តំហែ​រក្សា​បរិស្ថាន និង​គុណភាព​នៃ​ការ​សាងសង់​ស្តង់ដារ​អន្ដរជាតិ​។

យើង​ស្វាគមន៍​អ្នក​គ្រប់​គ្នា​ឲ្យ​ចុះ​ឈ្មោះ​ដើម្បី​ធ្វើ​ដំណើរ​ទស្សនកិច្ច​មើល​ការិយាល័យ​តាំង​បង្ហាញ​របស់​យើង​៕

0

Comments

Please, login or register to post a comment