Search form

Login - Register | FOLLOW US ON

Logo of Phnom Penh Post newspaper Phnom Penh Post - PropertyGuru បាន​ចាប់​យក​ទីផ្សារ​ចំនួន ១៤

Content image - Phnom Penh Post
ទិដ្ឋភាព​ដ៏រីករាយ​របស់​ភ្ញៀវ​កិត្តិយស​ដែល​បាន​ចូលរួម​នៅ​ក្នុង​ពិធី​រាត្រី​សមោសរ និង​ប្រកាស​ពាន​រង្វាន់​អចលនទ្រព្យ​របស់ PropertyGuru កាលពី​ពេល​កន្លង​មក។ រូបថត សហការី

PropertyGuru បាន​ចាប់​យក​ទីផ្សារ​ចំនួន ១៤

ភាព​ផ្លាស់ប្តូរ​ដ៏ធំ​នឹង​ឆ្ពោះ​មក​ដល់ ស៊េរី​ពាន​រង្វាន់​អចលនទ្រព្យ​អាស៊ី PropertyGuru ដែល​ត្រូវ​បាន​ពង្រីក​នៅក្នុង​ឆ្នាំ ២០១៧ ដោយ​រួម​បញ្ចូល​ការ​ផ្តល់​ពាន​រង្វាន់​ទៅ​ដល់​ទីផ្សារ​ជោគជ័យ​ដូចជា​ប្រទេស​ម៉ុងហ្គោលី ប្រទេស​ឡាវ ប្រទេស​ស្រីលង្កា ឥណ្ឌា និង​ម៉ាល់ឌីវ​។

កម្មវិធី​ប្រគល់​ពាន​រង្វាន់​ប្រចាំ​ឆ្នាំ​នៅក្នុង​ប្រទេស​សិង្ហបុរី​នា​ពេល​នេះ​នឹង​រួម​បញ្ចូល​ផង​ដែរ​នូវ​ប្រទេស​ចិន ហុងកុង​ និង​ម៉ាកាវ​។

លោក Terry Blackburn ជា​ស្ថាបនិក និង​នាយក​គ្រប់គ្រង​កម្មវីធី​ពាន​រង្វាន់​នេះ​បាន​ថ្លែង​ថា​នេះ​ជា​បទពិសោធន៍​មួយ​ដ៏​គួរ​ឲ្យ​រំភើប​សម្រាប់​ការ​ធ្វើ​កម្មវីធី​ផ្តល់​ពាន​រង្វាន់​នេះ​ចាប់​តាំងពី​លោក​បាន​ចូលរួម PropertyGuru កាលពី​ឆ្នាំ​មុន​។

«​គម្រោង​ពាន​រង្វាន់​ដែល​បាន​ពង្រីក​យ៉ាង​ធំធេង​នេះ​គឺជា​ការ​ធ្វើការ​គោរព​ដល់​កម្លាំង​ដ៏ខ្លាំងក្លា​នៃ​វិស័យ​អចលនទ្រព្យ​នៅ​អាស៊ី​» នេះ​បើ​តាម​សម្តី​របស់​លោក Terry​។

«​ការ​វិនិច្ឆ័យ​ដោយ​យុត្តិធម៌ និង​ដំណើរការ​ដែល​ប្រកប​ដោយ​តម្លាភាព​គឺជា​ចក្ខុវិស័យ​នៃ​ពាន​រង្វាន់​នេះ​ហើយ​យើង​មាន​សេចក្តី​សោមនស្ស​រីករាយ​ក្នុង​ការ​ណែនាំ​បង្ហាញ​ប្រព័ន្ធ​ផ្តល់​ពានរង្វាន់​ទៅ​ដល់​ទីផ្សារ​អចលនទ្រព្យ​ដែល​កំពុង​រីក​លូតលាស់​យ៉ាង​ឆាប់​រហ័ស​នៅ​តំបន់​អាស៊ី​»​។

ការងារ​ដ៏ស្វិតស្វាញ​ក្នុង​ការ​រៀបចំ​ចែក​ពាន​រង្វាន់​នៃ PropertyGuru បាន​បើក​ដំណើរការ​ជា​លើក​ដំបូង​ក្នុង​ឆ្នាំ​ ២០០៥ ដោយ Ensign Media របស់​ប្រទេស​ថៃ​។

ពាន​រង្វាន់​នេះ​ក៏​បាន​រៀបចំ​ពិធី​ជប់លៀង​រាត្រី​សមោសរ​ជា​ផ្លូវការ​ដែល​ជា​ព្រឹត្តិការណ៍​ប្រចាំ​ឆ្នាំ​នៅក្នុង​ប្រទេស​កម្ពុជា ប្រទេស​ហ្វីលីពីន ប្រទេស​វៀតណាម ប្រទេស​មីយ៉ាន់ម៉ា ប្រទេស​ម៉ាឡេស៊ី និង​ឥណ្ឌូនេស៊ី​ដែល​ធ្វើ​ជា​ម្ចាស់​ផ្ទះ​បាន​ស្វាគមន៍​នាយក​ប្រតិបត្តិ​ថ្នាក់ C រហូត​ទៅ​ដល់ ៦០០ ​នាក់ បុគ្គល​ជើង​ចាស់​នៅក្នុង​វិស័យ​អចលនទ្រព្យ និង​ភ្ញៀវកិត្តិយស​សំខាន់ៗ​ជាច្រើន​នៅក្នុង​ពិធី​នីមួយៗ​។

អ្នក​ឈ្នះ​ពាន​រង្វាន់​ប្រចាំ​ប្រទេស​ពី​ទីផ្សារ​ចំនួន ១៤ នឹង​ឆ្ពោះ​ទៅ​កាន់​កម្មវីធី​ពាន​រង្វាន់​អចលនទ្រព្យ​អាស៊ី​ប្រចាំ​ឆ្នាំ​របស់ PropertyGuru ទី​ប្រាំពីរ នៅ​ក្នុង​វគ្គ​ផ្តាច់ព្រ័ត្រ​នៅ​ក្នុង​ប្រទេស​សិង្ហបុរី​នៅ​ថ្ងៃ​ទី ៧-៨ ខែ​វិច្ឆិកា ឆ្នាំ​ ២០១៧ ខាង​មុខ​នេះ​ដែល​នឹង​ប្រារព្ធ​ធ្វើ​ឡើង​នៅ​មជ្ឈមណ្ឌល​ពិព័រណ៍ Sands (Sands Expo)៕

0

Comments

Please, login or register to post a comment