Search form

Login - Register | FOLLOW US ON

Logo of Phnom Penh Post newspaper Phnom Penh Post - កម្ពុជា​បោស​សម្អាត​មីន​បាន​ច្រើន ជាង​ប្រទេស​ដទៃ​ទៀត

Content image - Phnom Penh Post
អ្នក​ដោះ​មីនមួយ​រូប​កំពុង​តែ​បំពេញការងារ​របស់​ខ្លួន។ Scott Howe

កម្ពុជា​បោស​សម្អាត​មីន​បាន​ច្រើន ជាង​ប្រទេស​ដទៃ​ទៀត

ភ្នំពេញៈ យោង​តាម​របាយការណ៍​របស់​យុទ្ធនាការ​ដើម្បី​បំបាត់​គ្រាប់មីន​អន្តរជាតិ កម្ពុជា​បាន​បោស​សម្អាត​ផ្ទៃ​ដី​ដែល​មាន​មីន​ច្រើន​ជាង​ប្រទេស​ដទៃ​ទៀត​កាល​ពី​ឆ្នាំ​​មុន ក៏ប៉ុន្តែ​ប្រទេស​នេះ​នៅ​តែមិនទំនង​ជា​អាច​បំពេញ​តាម​គោលដៅ​របស់​ខ្លួន​នៅ​បណ្តាឆ្នាំ​ខាងមុខ​បាន​ឡើយ។

ជាមួយ​​ទំហំ​ដី​ដែល​ត្រូវ​បាន​បោស​សម្អាត​រួច ៤៦,៥ គីឡូម៉ែត្រ​ការេ ការ​ខិត​ខំប្រឹង​ប្រែង​របស់​កម្ពុជា​រួម​ចំណែក​បានជាង ២៥ ភាគរយ​នៃការ​បោស​សម្អាត​មីន​ទាំង​អស់ គិត​ចាប់​ពី​ខែ​តុលា ឆ្នាំ ២០១៥។ កម្ពុជា​ក៏​ស្ថិត​នៅ​ក្នុង​ក្រុម​ប្រទេស​ទទួលជំនួយ​បោះសម្អាត​មីន​កំពូល​ទាំង​ប្រាំ​ផង​ដែរ ពោល​គឺ​ស្ថិត​នៅជាមួយ​ប្រទេស​អាហ្វហ្គានីស្ថាន អ៊ីរ៉ាក់ ឡាវ និង​ស៊ីរី។

របាយការណ៍​នេះ​បាន​ចាត់​ទុក​ស្ថានភាពមីន​នៅប្រទេស​កម្ពុជាថា «ពោរពេញ​ទៅ​ដោយ​គ្រាប់​មីន​ប្រឆាំង​នឹង​មនុស្ស​យ៉ាង​ច្រើន​សម្បើម» ដែល​ត្រូវ​បាន​កំណត់​ឡើង​ដោយ​សារ​តែ​ប្រទេស​នេះ​មានតំបន់​ផ្ទៃ​ដី​ដែល​មាន​មីនសរុប​ទំហំ ១០០ គីឡូម៉ែត្រ​ការេ ក្នុង​ប្រទេស​ទាំង​មូល។

ទោះ​បីជា​ប្រទេស​កម្ពុជា​ស្ថិត​នៅ​លើ​លំដាប់​កំពូល​នៃ​ការ​បោសសម្អាត​មីន​កាល​ពី​ឆ្នាំ​មុន អង្គការ​ដែល​ចេញ​របាយការណ៍​បាន​ឯកភាពជាមួយ​នឹង​ការ​ពិនិត្យឡើង​វិញរបស់​អង្គការ Geneva International ដែល​រក​ឃើញ​ថា កម្ពុជា​នឹង​មិន​អាច​បំពេញ​ទៅ​តាម​គោលដៅ​កាល​បរិច្ឆេទ​របស់​ខ្លួន​តាម​ការ​កំណត់​នៅពេល​ខាង​មុខ​នោះ​ឡើយ។

Content image - Phnom Penh Post
ទិន្នន័យ​បង្ហាញ​ពី​ទំហំ​នៃ​ការ​បោស​សម្អាត់​មីន​របស់​ប្រទេស​នានាក្នុង​ឆ្នាំ ២០១៥ ដែល​កម្ពុជា​ស្ថិត​នី​កំពូល។ Landmine Monitor 2016

លោក​ស្រី Jennifer Reeves ទីប្រឹក្សា​សកម្មភា​ព​កម្ចាត់​មីន​ប្រចាំ​នៅ យុទ្ធនាការ​ដើម្បី​បំបាត់​គ្រាប់មីន​អន្តរជាតិ​បាន​ឲ្យដឹង​ថា៖ «កាល​បរិច្ឆេទកំណត់​ក្នុង​មាត្រា​ ៥ ​នៃកិច្ច​ព្រមព្រៀង​ស្តី​ពី​ការ​កម្ចាត់​មីនគឺ​ថ្ងៃ​ទី ១ ខែ​មករា ឆ្នាំ ២០២០ ហើយការ​អនុវត្តនេះ​មិន​ស្រប​ទៅ​តាម​ការ​កំណត់​ឡើយ»។

លោក​ស្រី​ក៏​បាន​បង្ហាញ​មន្ទិល​សង្ស័យ​ដែរ​ថា ប្រទេស​កម្ពុជា​នឹង​សម្រេច​គោលដៅ​ឆ្នាំ ២០២៥ ដែល​ត្រូវ​បាន​កំណត់​ឡើង​ក្នុង​កិច្ច​ព្រមព្រៀងទីក្រុង​ម៉ាពូតូ នៅ​ឆ្នាំ ២០១៤។

ចំណុច​នេះ​ត្រូវ​បាន​កត់​សម្គាល់​នៅ​ក្នុង​របាយការណ៍ ដែល​អះអាងថា ប្រទេស​កម្ពុជា​កំពុង​តែ​ជួប​ប្រទះ​នឹង «កំណើន​​ល្បឿន​»យ៉ាងខ្លាំង ដែល​មិន​ទំនង​ជា​មាន​បន្ត​នៅពេល​ខាង​មុខ។

របាយការណ៍​បាន​ឲ្យដឹងថា៖ «ក្រុមប្រតិបត្តិករ​នឹង​​ដោះមីន​លើដី​ដែល​ត្រូវការ​ការ​បោស​សម្អាត​ទាំង​ស្រុង ដែល​អាច​នឹង​ពន្យឹត​ល្បឿន​នៃ​ប្រតិបត្តិការ​ទាំង​មូល... ការ​បោសសម្អាត​ដី​ដែល​មាន​គ្រាប់​មីន​ច្រើន​ជាមធ្យម​ធ្វើ​បាន ២ គីឡូម៉ែត្រ​ការេ​ក្នុង​មួយ​ឆ្នាំ​ សម្រាប់​រយៈ​ពេល​ប្រាំ​ឆ្នាំ​កន្លង​មក ធៀប​ទៅនឹង ១០ គីឡូម៉ែត្រ​ដែល​ត្រូវ​ការ​ [ដើម្បី​បំពេញ​តាម​គោលដៅ​កាល​បរិច្ឆេទ]៕ TN

0

Comments

Please, login or register to post a comment