ភ្នំពេញៈ កម្ពុជា​គ្រោង​សាងសង់​ផ្លូវ​ល្បឿន​លឿន​​មួយ​ខែ្ស​ពី​ភ្នំពេញ​ទៅ​ក្រុង​បាវិត​ដែល​នឹង​ចំណាយ​ទឹក​ប្រាក់​រហូត​ដល់ ២៥០០ លាន​ដុល្លារ​ដែល​ជា​ការ​ផ្តល់​ជំនួយ​ហិរញ្ញប្បទាន​របស់​រដ្ឋាភិបាល​ជប៉ុន​ដើម្បី​ឆ្លើយតប​ទៅ​នឹង​កំណើន​នៃ​តម្រូវការ​ចាំបាច់​របស់​វិស័យ​ដឹក​ជញ្ជូន​ពាណិជ្ជកម្ម និង​ឧស្សាហកម្ម​នៅ​កម្ពុជា និង​នៅក្នុង​តំបន់​អាស៊ាន​។ នេះ​បើ​យោង​តាម​ការ​ថ្លែង​​របស់​លោក ត្រាំ អ៊ីវតឹក រដ្ឋមន្ត្រី​ក្រសួង​សាធារណការ និង​ដឹកជញ្ជូន​កាលពី​ព្រឹក​ថ្ងៃ​ពុធ​។