ភ្នំពេញៈ កម្មការិនី​រោងចក្រ​កាត់ដេរ​បី​នាក់​ដែល​រងរបួស​ធ្ងន់​ស្ទើរ​ស្លាប់​ដោយសារ​អតីត​អភិបាល​ក្រុង​បាវិត លោក ឈូក បណ្ឌិត បាញ់​ប្រហារ​កាលពី​ក្នុង​ឆ្នាំ​ ២០១២ ក្នុង​ការ​តវ៉ា​មួយ​នៅ​ខេត្ត​ស្វាយរៀង​ទទូច​សុំ​អន្តរាគមន៍​ពី​​លោក​នាយករដ្ឋមន្ត្រី ហ៊ុន សែន ឲ្យ​ចេញ​បញ្ជា​ទៅ​សមត្ថកិច្ច​ឲ្យ​ធ្វើការ​ចាប់​ខ្លួន​ជនល្មើស​រូប​នេះ​យក​មក​ផ្តន្ទាទោស​តាម​ច្បាប់​ដូច​អ្វី​ដែល​បាន​ធ្វើ​ទៅលើ​ជនល្មើស​លោក សុខ ប៊ុន ដែល​វាយ​អតីត​ពិធីការិនី​ម្នាក់​ឲ្យ​រងរបួស​កាលពី​ពេល​ថ្មីៗ​នេះ​។