ភ្នំពេញៈ ពីរ​សប្ដាហ៍​បន្ទាប់​ពី​មាន​ការ​វាយ​ប្រហារ​ដោយ​គ្រាប់​បែក​នៅ​កណ្ដាល​ទីក្រុង​ភ្នំពេញ​ ធ្វើ​ឲ្យ​មនុស្ស​៤នាក់​រង​របួស​នោះ ត្រូវ​បាន​មន្រ្ដី​នគរបាល​បញ្ជាក់​ថា យ៉ាង​ហោចណាស់​មាន​ជន​សង្ស័យ ៨​នាក់​ត្រូវ​បាន​ឃាត់​ខ្លួន​ចាប់​តាំង​ពី​ថ្ងៃ​អង្គារ​មក បច្ចុប្បន្ន​ពួក​គេ​កំពុង​ត្រូវ​បាន​សាកសួរ​ដោយ​មន្រ្ដី​ជំនាញ​នៃ​ក្រសួង​មហាផ្ទៃ​ ហើយ​នឹង​បញ្ចូន​ទៅ​កាន់​តុលាការ​រាជធានី​ភ្នំពេញ​នៅ​ព្រឹក​នេះ​ ខណៈ​មន្រ្ដី​នគរបាល​កំពុង​តែ​ស្វាស​ស្វែង​រក​ជន​ពាក់​ព័ន្ធ​ដទៃ​ទៀត​។