ភ្នំពេញៈ នៅ​ពេល​គិត​ដល់​ការ​ចាកចេញ​ទៅ​រស់នៅ​ផ្ទះ​ផ្សេង​មួយ​ទៀត​បាន​ធ្វើ​ឲ្យ​លោកស្រី​ ឈិត ​សាវឿន មាន​អារម្មណ៍​ថា​អន្ទះសា​យ៉ាង​ខ្លាំង ខណៈ​គ្រួសារ​អ្នក​ផ្សេង​បាន​សម្ដែង​នូវ​ការ​អាឡោះ​អាល័យ​ និង​កណ្ដោចកណ្ដែង​នឹក​គិត​ពី​ទីតាំង​ដែល​ធ្លាប់​រស់នៅ​ដ៏យូរ​របស់​ពួកគេ​។ ម្តាយ​កូន​ ៤ ​នាក់​រូប​នេះ​កំពុង​ឈរ​នៅ​ទ្វារ​ផ្ទះ​របស់​គាត់​ដែល​មាន​ពីរ​បន្ទប់​ក្នុង​សំណង់​អគារ​ស​មុន​ឃ្លាត​ចេញ​ពី​កន្លែង​ដែល​គេ​ស្គាល់​ជាទូទៅ​ថា​ជា​អគារ​ប៊ុលឌិង​។