ភ្នំពេញៈ ការ​ប្រឡង​សញ្ញាបត្រ​មធ្យមសិក្សា​ទុតិយភូមិ​ដែល​បាន​បញ្ចប់​ទៅ​កាលពី​ម្សិលមិញ​បើ​ទោះ​ជា​ក្រសួង​អប់រំ​ថា​មាន​ភាព​រលូន​ល្អ​ស្រប​ពេល​ជាមួយ​នឹង​បេក្ខជន​អវត្តមាន​ ១៣៦១ ​នាក់​មាន​បញ្ហា​សុខភាព​ ២៦ នាក់​ និង​ម្នាក់​សន្លប់​ក្ដី​ប៉ុន្តែ​មាន​បេក្ខជន​មួយ​ចំនួន​បាន​សម្តែង​ការ​សោកស្ដាយ​ចំពោះ​ដំណោះស្រាយ​វិញ្ញាសា​ដែល​ពួកគេ​ធ្វើ​មិន​បាន​ល្អ​ពិសេស​គឺ​ម៉ោង​គណិតវិទ្យា​ខណៈ​ដែល​អ្នក​ខ្លះ​ថា​មេប្រយោគ​មាន​ការ​យោគយល់​ដល់​ពួកគេ​នោះ​។