ភ្នំពេញៈ កាសែត​ ​ឌឹខេមបូឌា ដេលី ដែល​​បាន​ដំណើរ​ការ​នៅ​កម្ពុជា​អស់​រយៈពេល​ជាង ២៤ ឆ្នាំ​មក​ហើយ ហើយ​ដែល​ត្រូវ​បាន​មជ្ឈដ្ឋាន​ជា​ច្រើន​ចាត់​ទុក​ថា ជា​កាសែត​ដែល​​​ហ៊ាន​សរសេរ​​ព័ត៌មាន​ពិត​ពី​ភាព​អសកម្ម​នៅ​ក្នុង​សង្គម​កម្ពុជា បាន​ប្រកាស​បិទ​​ដំណើរ​ការ​បោះ​ពុម្ព​ផ្សាយ​របស់​ខ្លួន​ បន្ទាប់​ពី​រដ្ឋាភិបាល​​ទើប​តែ​បាន​​តម្រូវ​ឲ្យ​បង់​ពន្ធ​ជាង​ ៦ លាន​ដុល្លារ ​ដែល​​កាសែត​នេះ​ ​មិន​បាន​បង់​អស់​រយៈពេល​ ១០ ​ឆ្នាំ​មក​ហើយ ខណៈ​ក្រសួង​ព័ត៌មាន​បាន​​ប្រាប់​ឲ្យ​វិទ្យុ​ស្ត្រី​ និង​វិទ្យុសំបុក​ឃ្មុំ​ បញ្ឈប់​ការ​ផ្សាយ​របស់​កម្មវិធី​វិទ្យុ​អាស៊ីសេរី និង​សំឡេង​សហរដ្ឋ​អាមេរិក។