ភ្នំពេញៈ កិច្ច​ចរចា​ថ្នាក់​កំពូល កាល​ពី​ម្សិល​មិញ ត្រូវ​បាន​គណបក្ស​ទាំង​ពីរ​អធិប្បាយ​ថា «ទទួល​បាន​ជោគ​ជ័យ» អាច​ទម្លុះ​ទម្លាយ​វិបត្តិ​នយោបាយ ដែល​បាន​អូស​បន្លាយ​អស់​រយៈ​ពេល​ជិត​មួយ​ឆ្នាំ​មក​នេះ ខណៈ​ដែល​គណបក្ស​ទាំង​ពីរ​បាន​ព្រម​ព្រៀង​គ្នា​លើ ៧ ចំណុច ក្នុង​នោះ​ក៏​មាន​ការ​កែ​ទម្រង់​ស្ថាប័ន​រៀបចំ​ការ​បោះ​ឆ្នោត ដែល​បើ​ទោះ​បី​មិន​ទទួល​បាន​នូវ​អ្វី​ដូច​ដែល​បក្ស​សង្គ្រោះ​ជាតិ បាន​ទាមទារ​តាំង​ពី​យូរ​ណាស់​មក​ហើយ​នោះ​ក៏​ដោយ។