ភ្នំពេញៈ តុលាការ​កំពូល​កាលពី​ម្សិលមិញ​បាន​ប្រកាស​សាលដីកា​កំបាំង​មុខ​អតីត​ឧកញ៉ា តាន់ សេងហាក់ ​និង​ គូកន​ ៣ ​នាក់​ទៀត​ឲ្យ​ជាប់​គុក​ម្នាក់​ពី​ ៦ ​ទៅ​ ៨ ​ឆ្នាំ​ដដែល​ ខណៈ​ដែល​ម្នាក់​ទៀត​ជាប់​ពន្ធនាគារ​រយៈពេល ១ ឆ្នាំ បន្ទាប់ពី​បើក​សវនាការ​ជំនុំជម្រះ​សំណុំ​រឿង​កាលពី​ថ្ងៃ​ទី​​ ២២ ខែ​ មីនា ពាក់ព័ន្ធ​បទ​ចោទ​ជួញដូរ​​គ្រឿងញៀន​​មេតំហ្វេតាមីន​ជាង​ ១០០ ​​ក្រាម​ និង​ម្សៅ​​កូកាអ៊ីន​​ ១១៥ ​​ក្រាម​ដែល​បាន​ប្រព្រឹត្ត​នៅក្នុង​ភូមិ​ពោងពាយ​ សង្កាត់​ភ្នំពេញ​ថ្មី ខណ្ឌ​សែនសុខ​កាលពី​ឆ្នាំ​​ ២០១២ ​កន្លង​ទៅ​។