ភ្នំពេញៈ តុលាការ​​កំពូល​កាលពី​ម្សិលមិញ​បាន​ផ្អាក​ជំនុំជម្រះ​ដោយ​មិន​កំណត់​ពេល​ករណី​បណ្តឹង​សុំ​នៅ​ក្រៅ​ឃុំ​របស់​មន្ត្រី​សមាគម​អាដហុក​​ ៤ ​​រូប​ និង​អគ្គលេខាធិការរង គ.ជ.ប​ ១ ​រូប​ពាក់ព័ន្ធ​នឹង​បទ​ចោទ​​សូកប៉ាន់​សាក្សី​​ និង​សមគំនិត​​ក្នុង​អំពើ​សូកប៉ាន់​សាក្សី​ទាក់ទង​​រឿង​នាង ខុម ចាន់តារាទី​ហៅ​ ស្រីមុំ និង​លោក​ កឹម សុខា ​ប្រធាន​ស្តីទី​គណបក្ស​​សង្គ្រោះ​ជាតិ​ជា​អ្វី​ដែល​តុលាការ​ថា​ធ្វើ​តាម​ការ​ស្នើ​របស់​មេធាវី​ការពារ​ក្ដី​ខណៈ​ជន​ត្រូវ​ចោទ​ហាក់​ដូច​​មិន​ខ្វល់​ចំពោះ​ការ​កោះ​ហៅ​ឲ្យ​ឡើង​​តុលាការ​​ និង​ការ​សម្រេច​ឲ្យ​ជាប់​ឃុំ​នោះ។