ភ្នំពេញៈ ​ក្រសួង​មហាផ្ទៃ​បាន​ណែនាំ​ឲ្យ​អភិបាល​រាជធានី ខេត្ត​ទូទាំង​ប្រទេស រៀបចំ​ក្រុម​ការងារ​ប្រចាំ​បញ្ជា​សម្រាប់​តាមដាន និង​ដោះស្រាយ​បញ្ហា​ពាក់ព័ន្ធ​ទៅ​នឹង​អ្វី​ដែល​ត្រូវ​បាន​អធិប្បាយ​ថា​ជា​ «​ឧបាយកល​ផ្តួលរំលំ​រដ្ឋាភិបាល​» ខណៈ​ពេល​ដែល​តុលាការ​កំពូល​កំពុង​ត្រៀម​បើក​សវនាការ​លើ​សំណុំ​រឿង​រំលាយ​គណបក្ស​សង្គ្រោះ​ជាតិ​នៅ​ថ្ងៃ​ព្រហស្បតិ៍​ខាន​ស្អែក​នេះ ខណៈ​ដែល​ក្រុម​មេធាវី​ក្រសួង​មហាផ្ទៃ​ក៏​បាន​ដាក់​ភ័ស្តុតាង​បន្ថែម​ទៅ​តុលាការ​ក្នុង​ការ​ប្តឹង​រំលាយ​គណបក្ស​ប្រឆាំង​ដែល​មាន​ប្រជាពលរដ្ឋ​បោះឆ្នោត​គាំទ្រ​ស្ទើរ​ពាក់កណ្តាល​ប្រទេស​នេះ​។