ភ្នំពេញៈ បន្ទាប់ពី​សារព័ត៌មាន​​កូរ៉េ​ខាង​ត្បូង​បាន​ចុះ​ផ្សាយ​ពី​រឿង​អាស្រូវ​របស់​មន្ត្រី​កម្ពុជា​លោក គ្រី ស៊ាងឡុង ដែល​បាន​បៀតបៀន​កេរ្តិ៍​ភេទ​ទៅ​លើ​នារី​កូរ៉េ​ម្នាក់​ក្នុង​ដំណើរ​ទៅ​បំពេញ​ទស្សនកិច្ច​នៅ​ទី​នោះ​ហើយ​កាសែត​ក្នុង​ស្រុក​មួយ​បាន​ដក​ស្រង់​យក​មក​ចុះ​ផ្សាយ​កាលពី​ម្សិលមិញ​ ក្រសួង​អប់រំ​យុវជន និង​កីឡា​បាន​សម្រេច​ដក​តួនាទី​មន្ត្រី​រូប​នេះ​ចេញ​ពី​ប្រធាន​នាយកដ្ឋាន​តម្រង់​ទិស​វិជ្ជាជីវៈ​ខណៈ​ដែល​រឿង​នេះ​បាន​កើត​ឡើង​អស់​រយៈពេល​ជិត​ ១ ខែ​មក​ហើយ​។