ភ្នំពេញៈ ខណៈ​នៅ​រាជធានី​ភ្នំពេញ​ត្រូវ​ទឹក​ជន់​លិច​ផ្លូវ​ និង​ផ្ទះ​សម្បែង​ប្រជាពលរដ្ឋ​ជាច្រើន​ នៅពេល​ដែល​មាន​ភ្លៀង​យ៉ាង​ខ្លាំង​ ក្នុង​រយៈពេល​ពីរ​ថ្ងៃ​ជាប់ៗ​គ្នា​កន្លង​មក​នេះ ​ក្រសួង​ធនធាន​ទឹក​ កាលពី​ម្សិលមិញ ​បាន​ចេញ​សេចក្ដី​ជូន​ដំណឹង​ស្ដី​ពី​ស្ថានភាព​ទូទៅ​នៃ​កម្ពស់​ទឹក​ទន្លេ​ ដោយ​បាន​អំពាវនាវ​ដល់​ប្រជាពលរដ្ឋ​ ​ដែល​រស់នៅ​តាម​ដង​ទន្លេ​មេគង្គ ​ផ្នែក​ខាង​លើ​ប្រញាប់​រួសរាន់​ប្រមូល​កសិផល​របស់​ខ្លួន​ឲ្យ​បាន​ទាន់​ពេលវេលា​ ដើម្បី​ចៀសវាង​ការ​លិចលង់​ និង​ខូចខាត​ដោយ​ទឹកជំនន់​ព្រោះ​ ខណៈ​ពេល​នេះ​ កម្ពស់​ទឹក​តាម​ដង​ទន្លេ​មេគង្គ​កំពុង​ហក់​ឡើង​ជា​បន្តបន្ទាប់។