Search form

Login - Register | FOLLOW US ON

Logo of Phnom Penh Post newspaper Phnom Penh Post - ក្រុម​សហជីព​បារម្ភ​ច្បាប់​ប្រាក់​ឈ្នួល​ថ្មី

Content image - Phnom Penh Post
ក្រុម​មន្ត្រី​ពិភាក្សា​សេចក្ដី​ព្រាង​ច្បាប់​ប្រាក់​ឈ្នួល​ថ្មី។ រូបថត សហការី

ក្រុម​សហជីព​បារម្ភ​ច្បាប់​ប្រាក់​ឈ្នួល​ថ្មី

ភ្នំពេញ: ឃ្លា​នៅ​ក្នុង​សេចក្តី​ព្រាង​ដំបូង​នៃ​ច្បាប់​ថ្មី​ស្តីពី​ប្រាក់​ឈ្នួល​អប្បបរមា​ដែល​កាសែត​ភ្នំពេញ​ប៉ុស្តិ៍​ទទួល​បាន​ច្បាប់​ថត​ចម្លង​មួយ​ច្បាប់​កាលពី​ម្សិលមិញ​គឺ​វា​បាន​ធ្វើ​ឲ្យ​អ្នក​សង្កេតការណ៍ និង​ក្រុម​សហជីព​មាន​ការ​ព្រួយ​បារម្ភ​ដូច​គ្នា​ដែល​ពួកគេ​ទាំង​នោះ​បាន​លើក​ឡើង​ថា​វា​អាច​ជា​ការ​បង្ខាំង​ជា​ជាង​ការ​ផ្តល់​អំណាច​ដល់​កម្មករ។

«ដំណើរការ​ទាំង​មូល​ត្រូវ​បាន​រៀបចំ​ជា​ផ្លូវការ​ហើយ​អំណាច​ត្រូវ​បាន​គេ​ដក​ហូត​ពី​សហជីព» លោក អ៊ូ វីរៈ ប្រធាន​អង្គការ​វេទិការ​អនាគត (Future of Forum) បាន​អាន​សេចក្តី​ព្រាង​ច្បាប់​នេះ​កាលពី​ម្សិលមិញ។

«សហជីព​រឹងមាំ​ និង​ឯករាជ្យ​ពិត​ប្រាកដ​មិនមែន​ត្រូវ​ជ្រើស​តាំង​សមាជិក​ដោយ​ខ្លួនឯង​នោះ​ទេ​បើ​ធ្វើ​ដូច្នេះ​នោះ​ពួកគេ​នឹង​មិន​អាច​ធ្វើ​អ្វី​បាន​ទេ​ព្រោះ​ពួកគេ​នឹង​ខុស​ច្បាប់»។

ច្បាប់​នេះ​បាន​ក្លាយ​ជា​ការ​ពង្រីក​លើ​ប្រាក់​ឈ្នួល​អប្បបរមា​បច្ចុប្បន្ន​សម្រាប់​កម្មករ​កាត់ដេរ និង​ជា​ការ​កំណត់​គ្រឹះ​ប្រាក់​ឈ្នួល​អប្បបរមា​ជា​សកល​លើក​ដំបូង​របស់​ប្រទេស​កម្ពុជា​ដែល​វា​នឹង​ត្រូវ​សម្រេច​ជា​រៀងរាល់​ឆ្នាំ​ជាមួយ​នឹង​វិស័យ​កាត់ដេរ​ដោយ​កិច្ចប្រជុំ​ត្រី​ភាគី​ «ក្រុម​ប្រឹក្សា​ប្រាក់​ឈ្នួល​អប្បបរមា» ដែល​ត្រូវ​បង្កើត​ឡើង​នៅ​ក្នុង​ផ្នែក​ស្មើភាព​គ្នា​រវាង​តំណាង​សហជីព និយោជក និង​មន្ត្រី​រដ្ឋាភិបាល។

ទោះ​ជា​យ៉ាង​ណា​ ខណៈ​ដែល​មេដឹកនាំ​សហជីព​ដូចជា​ប្រធាន​សម្ព័ន្ធ​សហជីព​ប្រជាធិបតេយ្យ​កម្មករ​កាត់ដេរ​កម្ពុជា​លោក អាត់ ធន់ កាលពី​ម្សិលមិញ​បាន​ស្វាគមន៍​ចំពោះ​ដំណឹង​ដែល​ថា​ពួកគេ​នឹង​ត្រូវ​ផ្តល់​ឲ្យ​មាន​សំឡេង​ស្មើគ្នា​នៅ​លើ​ក្រុម​ប្រឹក្សា​ប្រាក់​ឈ្នួល​អប្បបរមា​តែ​ពួកគេ​មាន​ការ​ព្រួយបារម្ភ​អំពី​ការ​ផាក​ពិន័យ​យ៉ាង​ធ្ងន់ធ្ងរ​ដែល​មាន​ចែង​នៅ​ក្នុង​មាត្រា ២៥ និង ២៦។

លោក ធន់ ថ្លែង​ថា៖ «ការ​ពិន័យ​នេះ​គឺ​មាន​ទំហំ​ធំ​ហើយ​យើង​មិន​សប្បាយ​ចិត្ត​ជាមួយ​នឹង​ការ​ពិន័យ​នេះ​ទេ។ អ្វី​ដែល​យើង​សប្បាយ​ចិត្ត​នោះ​គឺ​ការ​ចូលរួម​ពី​ក្រុម​ប្រឹក្សា​ត្រីភាគី​ដោយសារ​តែ​យើង​ចង់​ឱ្យ​ស្មើភាព​គ្នា»។

នៅ​ក្រោម​មាត្រា ២៥ បាន​បញ្ជាក់​ថា៖ «ត្រូវ​ព្រមាន​ជា​លាយលក្ខណ៍​អក្សរ​ចំពោះ​បុគ្គល​ដែល​ធ្វើ​សកម្មភាព​បង្ក​ជា​ឧបសគ្គ ឬ​ដាក់​សម្ពាធ​ដោយ​ខុស​ច្បាប់​ដល់​ការ​ពិភាក្សា​កំណត់​ប្រាក់​ឈ្នួល​អប្បបរមា​ដែល​ជនល្មើស​អាច​ត្រូវ​ពិន័យ​ជា​ប្រាក់​មិន​លើស​ពី ៥ លាន​រៀល ($១ ២៥០)»។

សេចក្តី​ព្រាង​ច្បាប់​នេះ​មិន​បាន​កំណត់ «ឧបសគ្គ» ឬ «ការ​ដាក់​សម្ពាធ​ដោយ​ខុស​ច្បាប់» ទេ ហើយ​អ្នក​នាំ​ពាក្យ​ក្រសួង​ការងារ​លោក​ ហេង សួរ​មិន​បាន​ឆ្លើយ​តប​នៅ​ពេល​ដែល​អ្នក​កាសែត​បាន​ទូរស័ព្ទ​ទៅ​ដើម្បី​សុំ​ការ​ស្រាយ​បំភ្លឺ​នោះ​ទេ។

មាត្រា ២៦ បាន​អនុញ្ញាត​ឱ្យ​មាន​ការ​ផាក​ពិន័យ​ជា​ប្រាក់​ចំនួន ១០ លាន​រៀល «ចំពោះ​បុគ្គល​ដែល​ញុះញង់​ ឬ​បំផុស​ឲ្យ​មាន​សកម្មភាព​ផ្សេងៗ​ប្រឆាំង​នឹង​ប្រកាស​ស្តីពី​ការ​កំណត់​ប្រាក់​ឈ្នួល​អប្បបរមា»។

លោក សុខ គីន ប្រធាន​សហព័ន្ធ​សហជីព​កម្មករ​សំណង់ និង​ជាង​ឈើ​កម្ពុជា​បាន​ឱ្យ​ដឹង​ថា​សេចក្តី​ព្រាង​ច្បាប់​ទាំង​ពីរ​នេះ​បាន​គំរាម​កំហែង​នឹង​ដក​អំណាច​ពី​សហជីព។ «នៅ​ពេល​ដែល​ប្រាក់​ឈ្នួល​មាន​កម្រិត​ទាប​នោះ​កម្មករ​នឹង​តវ៉ា»។

លោក គីន បាន​ថ្លែង​បន្ត​ថា៖ «[រដ្ឋាភិបាល] អាច​ប្រើ​មាត្រា ២៥ ដើម្បី​ដាក់​សម្ពាធ​លើ​ពួកយើង​ដើម្បី​ឲ្យ​បញ្ឈប់​ការ​ទាមទារ​ឱ្យ​មាន​ការ​ [ដំឡើង​ប្រាក់​ឈ្នួល]»។ «ច្បាប់​នេះ​ត្រូវ​បាន​រចនា​ឡើង​ដើម្បី​ដាក់​កម្រិត​លើ​សកម្មភាព​របស់​សហជីព​ឯករាជ្យ»។

លោក​ យ៉ាង ​សុភ័ណ្ឌ ប្រធាន​សម្ព័ន្ធ​សហជីព​កម្ពុជា​បាន​ឯកភាព​លើ​ការ​លើក​ឡើង​នេះ​ប៉ុន្តែ​លោក​បាន​បន្ថែម​ថា​មាត្រា ២៦ គឺ​កាន់​តែ​ធ្វើ​ឲ្យ​មាន​ការ​ព្រួយបារម្ភ​ជាង​មាត្រា ២៥ ទៀត។

លោក​ថា៖ «ជាធម្មតា​អ្នក​កាសែត​នឹង​សាកសួរ​សហជីព​ដើម្បី​សុំ​ការ​បកស្រាយ​ថា​តើ​ពួកគេ​មាន​ការ​សប្បាយ​ចិត្ត​ជាមួយ​នឹង​ការ​ពិភាក្សា​ពី​ [ប្រាក់​ខែ] ដែរ​ឬ​ទេ «ប្រសិន​បើ​ច្បាប់​ស្តី​ពី​ប្រាក់​ឈ្នួល​អប្បបរមា​ត្រូវ​បាន​អនុម័ត​ហើយ​ខ្ញុំ​បាន​ធ្វើ​យ៉ាង​ដូច្នេះ​នោះ​ខ្ញុំ​អាច​ប្រឈម​នឹង​ការ​ផ្តន្ទាទោស»។

លោក William Conklin នាយក​អង្គការ​សិទ្ធិ​ការងារ NGO Solidarity Centre មិន​បាន​អាន​សេចក្តី​ព្រាង​ច្បាប់​នេះ​ទេ​កាលពី​ម្សិលមិញ​ប៉ុន្តែ​បាន​ថ្លែង​ថា​មាត្រា ២៥ និង ២៦ នឹង​បង្ក​ឲ្យ​មាន​ផលប៉ះពាល់​ខ្លាំង។ អ្នក​មាន​សក្តានុពល​ក្នុង​ការ​ចរចា​ពិត​ជា​បាក់​ទឹក​ចិត្ត​ពីព្រោះ​អ្នក​កំពុង​និយាយ​ថា​គ្រប់​គ្នា​ដែល​មាន​ទស្សនៈ​ខុស​គ្នា​នឹង​មិន​អាច​បន្ត​លើក​ឡើង​ពី​វា​បាន​ទៀត​ទេ​ប៉ុន្តែ​ការ​ពិគ្រោះ​គឺជា​កូន​សោ​គន្លឹះ​ដើម្បី​ទទួល​បាន​ភាព​ជោគជ័យ៕ NS

0

Comments

Please, login or register to post a comment

ព័ត៌មានពាក់ព័ន្ធ