ភ្នំពេញៈ ក្រុម​អ្នក​ភូមិ​ដែល​ត្រូវ​បាន​បណ្តេញ​ចេញ​ពី​ផ្ទះ​ដោយសារ​តែ​ការ​អភិវឌ្ឍ​នៅ​តំបន់​បឹង​កក់​បាន​មក​​ធ្វើ​ការ​តវ៉ា​នៅ​ទីស្នាក់​ការ​របស់​ធនាគារ​ពិភព​លោក​នៅ​រាជធានី​ភ្នំពេញ​កាល​ពី​ថ្ងៃ​ម្សិលមិញ ដោយ​បាន​ទាមទារ​សុំ​ជួប​ជាមួយ​នឹង​លោក Alassane Sow ជា​ប្រធាន​ធនាគារ​ពិភព​លោក​ប្រចាំ​នៅ​កម្ពុជា និង​ថែម​ទាំង​បាន​គប់​ពង​មាន់​​ជា​ច្រើន​ទៅ​លើ​អគារ​ទីស្នាក់​ការ​ បន្ទាប់​ពី​ការ​ទាម​ទារ​របស់​ពួកគេ​​ត្រូវ​បាន​ច្រាន​ចោល។