Search form

Login - Register | FOLLOW US ON

Logo of Phnom Penh Post newspaper Phnom Penh Post - គជប: ចំ​នួន​អ្នក​ចុះ​ឈ្មោះ​បោះ​ឆ្នោត​ថយ​ចុះ​គឺជា​ក្ដី​បារម្ភ​

Content image - Phnom Penh Post
ចំនួន​អ្នក​ចុះឈ្មោះ​បោះ​ឆ្នោត​តាម​ការិ​យាល័យ​ថយ​ចុះ។ ផា លីណា

គជប: ចំ​នួន​អ្នក​ចុះ​ឈ្មោះ​បោះ​ឆ្នោត​ថយ​ចុះ​គឺជា​ក្ដី​បារម្ភ​

ភ្នំ​ពេញ: ការ​ចុះ​ឈ្មោះ​បោះ​ឆ្នោត​​បាន​ធ្លាក់​ចុះ​ឆ្ងាយ​ខ្លាំង​ពី​គម្រោង​កាល​វិភាគ​ក្នុង​រយៈ​កាល​ពី​រ​សប្តាហ៍​កន្លង​ទៅ​ ខណៈ​​មន្រ្តី​បោះ​ឆ្នោត​បាន​ចុះ​ឈ្មោះ​បាន​ត្រឹម​តែ​ប្រ​ហែល​៣០០០០​នាក់​​នៃ​គោល​ដៅ​ត្រូវ​ចុះ​ឈ្មោះ​​អ្នក​បោះ​ឆ្នោត​ចំនួន​១០០​០០០​នាក់​​ក្នុង​មួយ​​ថ្ងៃ​ៗ​។​ នេះ​បើ​តាម​តួលេខ​ផ្លូវ​ការ​ ហើយ​ឥ​ឡូវ​នេះ​ប្រជាជន​ជាង​២​លាន​នាក់​អាច​នឹង​មិន​បាន​ទៅ​ចុះ​ឈ្មោះ​បោះ​ឆ្នោត​ទាន់​ពេល​វេ​លា​។

អ្នក​នាំពាក្យ​​គ​.ជ​.ប​ លោក​ ហង់​ ពុ​ទ្ធា ​បាន​ថ្លែង​ថា ​ការ​ធ្លាក់​ចុះ​ចំ​នួន​អ្នក​ទៅ​ចុះ​ឈ្មោះ​បោះ​ឆ្នោត​​គឺ​ជា​ក្តីបារម្ភ​ធំ​មួយ​។

លោក​ ពុ​ទ្ធា ​បាន​ថ្លែង​​បន្ត​ថា​៖ «​ភ្លៀង​ធ្លាក់​មិន​ទាន់​បាន​បញ្ចប់​ ​​ដែល​ប៉ះ​ពាល់​ដល់​ការ​ធ្វើ​ដំ​ណើរ​របស់​ប្រ​ជា​ជន​[​ហើយ​]​គ្រួ​សារ​មួយ​ចំ​នួន​​មិន​ទាន់​ធ្វើ​ឲ្យ​ងាយ​ស្រួល​​សម្រាប់​សមា​ជិក​​របស់​ខ្លួន​ទៅ​ចុះ​ឈ្មោះ​នៅ​ឡើយ​ទេ​។ ​មាន​តែ​មេ​គ្រួ​សារ​បាន​ចុះ​បញ្ជី​»​។ ​លោក​បាន​ពន្យល់​ថា​ ​ពិ​ធី​បុណ្យ​អុំទូក​នា​ខែ​នេះ​នឹង​មិន​ជួយ​បុព្វហេតុ​នេះ​ទេ​។

លោក​បន្ថែម​ថា​ ឥឡូវ​នេះ​ គ​.ជ​.ប​.កំ​​ពុង​ព្យាយាម​​ឲ្យ​ប្រ​ជា​ជន​ដឹង​​។​ «​យើង​បាន​ជួល​វិទ្យុ​ឯក​ជន​ជា​ច្រើន​នៅ​តាម​ខេត្ត​​នា​នា​ហើយ​ហើយ​​យើង​កំ​ពុង​ទៅ​ផ្សព្វ​ផ្សាយ​នៅ​តាម​មជ្ឈ​មណ្ឌល​បណ្តុះ​បណ្តាល​របស់​គ្រូ​ដើ​ម្បី​ឲ្យ​មាន​ការ​ផ្សព្វ​ផ្សាយ​បន្ត​​»​។​

ចំ​នួន​អ្នក​ចុះឈ្មោះ​គឺ​មាន​​ការ​ធ្លាក់​ចុះ​យ៉ាង​ខ្លាំង​នា​ពេល​ថ្មី​​ៗ​នេះ​។ ​ក្នុង​រយៈ​ពេល​ពីរ​សប្តាហ៍​ពី​ថ្ងៃ​ទី​២៤ ​ខែ​តុ​លា​ រហូត​ដល់​ថ្ងៃ​អា​ទិត្យ​ ​ចំ​នួន​ប្រ​ជា​ជន​ជា​មធ្យម​ប្រ​ហែល​ ៤៣៥០០​ នាក់​​បាន​ចុះ​ឈ្មោះ​ក្នុង​មួយ​ថ្ងៃ​ៗ​។ ​ប៉ុន្តែ​សម្រាប់​រយៈ​ពេល​៦​ថ្ងៃ​ដំ​បូង​នៃ​ខែ​នេះ​ ​ចំ​នួន​មធ្យម​នេះ​បាន​ធ្លាក់​ចុះ​ដល់​ ៣១៨០០ ​ ​ហើយ​ចំ​នួន​ធ្លាក់​ចុះ​តិច​បំ​ផុត​មិន​ធ្លាប់​មាន​​គឺ​ ២៧៣២២ ​នាក់​​ដែល​បាន​ចុះ​ឈ្មោះ​កាល​ពី​ថ្ងៃ​អា​ទិត្យ​។

ខណៈ​ប្រ​ហែល​ជា​ប្រ​ហែល​៦,៨​លាន​នាក់​​បាន​ចុះ​ឈ្មោះ​បោះ​ឆ្នោត​ ​ហើយ​​នៅ​សល់​តែ​២៣​ថ្ងៃ​ទៀត​ ​ចំ​នួន​មធ្យម​​ប្រ​ហែល​តែ​៣០​០០០​នាក់​​ក្នុង​មួយ​ថ្ងៃ​ ​នឹង​ធ្វើ​ឲ្យ​គ​.ជ​.ប.​អាច​ចុះ​ឈ្មោះ​​​ប្រ​ជា​ជន​បាន​តែ​ប្រ​ហែល​ ៧,៥​ លាន​នាក់​​​ត្រឹម​ថ្ងៃ​​ទី​២៩​ វិច្ឆិ​កា​ គឺ​ខ្វះ​ឆ្ងាយ​ពី​ចំនួន​គោល​ដៅ​ ៩,៦ ​លាន​នាក់។​ ​លោក​ ព្រាប​ កុល នាយក​នៃ​អង្គ​ការ​តម្លា​ភាព​កម្ពុជា​ កាល​ពី​ម្សិល​មិញ​បាន​សុំ​ឲ្យ​បង្កើន​ល្បឿននៃ​ការ​ចុះឈ្មោះ៕​ ​P​S

0

Comments

Please, login or register to post a comment

ព័ត៌មានពាក់ព័ន្ធ