ភ្នំពេញៈ បន្ទាប់ពី​បាន​ធ្វើការ​ជជែក​ពិភាក្សា​គ្នា​អស់​រយៈពេល​ជាច្រើន​ម៉ោង​កាលពី​យប់​មិញ​សមាជិក គជប នៅ​តែ​មិន​ទាន់​អាច​ចេញ​សេចក្តី​សម្រេច​ណា​មួយ​ចំពោះ​លទ្ធផល​ឆ្នោត​ដ៏ចម្រូង​ចម្រាស​នៅ​ក្នុង​ឃុំ​ដូង ស្រុក​រមាសហែក ខេត្ត​ស្វាយរៀង​បាន​នៅ​ឡើយ​ទេ បន្ទាប់ពី​ក្រុម​ការងារ​របស់ គជប ចំនួន​ ៥ ក្រុម​បាន​ធ្វើការ​រាប់​សន្លឹក​ឆ្នោត​ឡើង​វិញ​ទាំង​ ២៣ ​ការិយាល័យ​នៅ​ក្នុង​ឃុំ​ជាប់​ព្រំដែន​កម្ពុជា-វៀតណាម​មួយ​នេះ​ហើយ​បាន​រកឃើញ​ថា​គណបក្ស​ប្រជាជន​បាន​ឈ្នះ​គណបក្ស​សង្គ្រោះ​ជាតិ​ចំនួន​ ៥ ​សំឡេង​។ នេះ​បើ​តាម​មន្ត្រី​គណបក្ស​សង្គ្រោះ​ជាតិ និង​អ្នក​នាំពាក្យ គជប​។