ភ្នំពេញៈ ខណៈ​គណៈកម្មការ​ជំនាញ​រដ្ឋសភា​កំពុង​ធ្វើការ​ពិភាក្សា​លើ​សំណើ​វិសោធនកម្ម​ច្បាប់​បោះឆ្នោត ដែល​ស្នើ​ឡើង​ដោយ​ក្រុម​តំណាងរាស្ត្រ​របស់​គណបក្ស​ប្រជាជន ដើម្បី​យក​អាសនៈ​ចំនួន ៥៥ របស់​គណបក្ស​សង្គ្រោះ​ជាតិ​ទៅ​បែងចែក​ឲ្យ​គណបក្ស​ផ្សេង​ដែល​ពុំ​មាន​អាសនៈ​នៅ​ក្នុង​រដ្ឋសភា តែ​មាន​គណបក្ស​ចំនួន​ ២ បាន​បដិសេធ​ទទួល​យក​អាសនៈ​នេះ​ដោយ​ថ្លែង​ថា​វា​ជា​រឿង​ «​អយុត្តិធម៌​អត់​ត្រឹមត្រូវ​តាម​ឆន្ទៈ​របស់​ប្រជាពលរដ្ឋ​» «​គ្មាន​ន័យ​» ដែល​យក​អាសនៈ​ស្រប​ច្បាប់​របស់​គណបក្ស​មួយ​មក​ចែក​គ្នា​បែប​នេះ​។