Search form

Login - Register | FOLLOW US ON

Logo of Phnom Penh Post newspaper Phnom Penh Post - គម្រោង The Bridge បាន​បញ្ចប់​ការ​សាងសង់​ដល់​ជាន់​ទី​ ៤៥ តាម​ការ​គ្រោង​ទុក

Content image - Phnom Penh Post

គម្រោង The Bridge បាន​បញ្ចប់​ការ​សាងសង់​ដល់​ជាន់​ទី​ ៤៥ តាម​ការ​គ្រោង​ទុក

បន្ទាប់ពី​ចំណាយ​ពេល​សាងសង់​អស់​រយៈពេល​ជាង​ពីរ​ឆ្នាំ​កន្លង​មក​គម្រោង​អគារ​ភ្លោះ The Bridge ដ៏ខ្ពស់​ស្កឹមស្កៃ​បាន​សម្រេច​បាន​តាម​គោលដៅ​របស់​ខ្លួន​គឺ​ពិធី​ប្រក់​ព្រំ​ភ្ជិត​កំពូល​អគារ​នៅ​ជាន់​ទី​ ៤៥ ដោយ​ជោគជ័យ​តាំង​ពី​ថ្ងៃ​ទី​​ ១៨ ខែ​ធ្នូ ឆ្នាំ​ ២០១៦ កន្លង​មក​ម្ល៉េះ​។

កាលពី​រសៀល​ម្សិលមិញ​លោក​ឧកញ៉ា សៀ រិទ្ធី ប្រធាន​ក្រុម​ប្រឹក្សាភិបាល​ក្រុមហ៊ុន Oxley World Bridge បាន​បង្ហាញ​លទ្ធផល​គួរ​ជាទី​មោទនៈ​របស់​ខ្លួន​បន្ទាប់ពី​គម្រោង​អគារ​ភ្លោះ The Bridge បាន​បញ្ចប់​ការ​សាងសង់​ដល់​ចំណុច​កំពូល​ដោយ​ជោគជ័យ​តាម​ការ​គ្រោង​ទុក​។ អគារ The Bridge ដែល​មាន​កម្ពស់​ជាង ១៦០ ​ម៉ែត្រ​បច្ចុប្បន្ន​បាន​ក្លាយ​ជា​អគារ​ខ្ពស់​បំផុត​ស្ថិត​នៅ​លើ​តំបន់​ជ្រោយ​ទន្លេ​ចតុមុខ​ជា​បេះដូង​នៃ​រាជធានី​ភ្នំពេញ​។

លោក​ឧកញ៉ា​បាន​បញ្ជាក់​ថា​៖ «​យើង​មាន​ដំណឹង​រីករាយ​ចង់​ប្រាប់​ដល់​អតិថិជន និង​មហាជន​ទូទៅ​ថា​គម្រោង The Bridge ដែល​ជា​គម្រោង​ទី​ ១ របស់​ក្រុមហ៊ុន Oxley World Bridge បាន​បញ្ចប់​ការ​សាងសង់​ឡើង​ដល់​ជាន់​ទី​ ៤៥ ជា​ចំណុច​កំពូល​រួចរាល់​ដោយ​ជោគជ័យ​ហើយ​។ នេះ​គឺជា​មោទនភាព​គួរ​អបអរសាទរ​ក្នុង​នាម​វិនិយោគិន​ចម្រុះ​ជាតិសាសន៍ និង​ម្ចាស់​យូនីត​ទាំងអស់​»​។

លោក​ឧកញ៉ា​បន្ត​ថា​គម្រោង The Bridge គឺជា​គម្រោង​ទី​ ១ នៅ​ក្នុង​ប្រទេស​កម្ពុជា​ដែល​បាន​អភិវឌ្ឍ​ទៅ​តាម​ផែនការ និង​កាលបរិច្ឆេទ​ដ៏ត្រឹមត្រូវ​របស់​ខ្លួន​ទៅ​តាម​អ្វី​ដែល​បាន​ជម្រាប​ជូន​ដំណឹង​ដល់​មហាជន​កាលពី​ដំបូង​មក​ម្ល៉េះ។

បើ​តាម​សម្ទុះ​នៃ​ក្រុម​ការងារ​សាងសង់​គឺ​ឈាន​ចូល​ដល់​ការ​រៀបចំ​សម្អាត តុបតែង និង​បំពាក់​គ្រឿង​បំពាក់​នៅ​ផ្នែក​ខាង​ក្នុង​នៃ​អគារ​នោះ​ដោយ​វា​នឹង​ចាប់ផ្តើម​ពី​ដើម​ឆ្នាំ​ ២០១៧ នេះ​តទៅ «​ហើយ​តាម​ការ​គ្រោង​ទុក​យើង​នឹង​បញ្ចប់​គម្រោង​ដោយ​បើក​ទ្វារ​ឲ្យ​អតិថិជន​ចូល​កាន់​កាប់​ទីតាំង​យូនីត​របស់​ពួកគាត់​នៅ​ក្នុង​ឆ្នាំ​ ២០១៨ ​ខាង​មុខ​តាម​ការ​គ្រោង​ទុក ឬ​ប្រហែល​ជា​អាច​លឿន​ជាង​នេះ​ផង​មើល​ទៅ​» នេះ​បើ​តាម​ប្រសាសន៍​របស់​លោក​ឧកញ៉ា រិទ្ធី​។

នៅ​ក្រោម​ដំបូល​អគារ​កម្ពស់​ជាង ១៦០ ​ម៉ែត្រ និង​មាន​ចំនួន ៤៥ ​ជាន់​រួម​ទាំង​ផ្សារ​ទំនើប ៥ ​ជាន់​ផង​នេះ The Bridge គឺជា​គម្រោង​អភិវឌ្ឍន៍​ចម្រុះ​មាន​ដូចជា ខុនដូ​ប្រណីត ការិយាល័យ​ធ្វើការ​ (​រហូត​ដល់​កម្រិត A) ចំនួន ៩៦៣ ​យូនីត និង​ផ្សារ​ទំនើប​ផង​ដែរ​។

លោក​ឧកញ៉ា​បញ្ជាក់​ថា​៖ «​ក្នុង​ចំណោម​ខុនដូ​ចំនួន ៧៤៦ ​យូនីត​គឺ​យើង​បាន​លក់​ជូន​អតិថិជន​រួចរាល់​អស់​ហើយ​»​។ លំនៅឋាន​ប្រណីត​ទាំង​នោះ​មាន​បន្ទប់​យូនីត​ខុសៗ​គ្នា និង​ទំហំ​ច្រើន​ប្រភេទ​ដើម្បី​ផ្តល់​ភាព​ងាយស្រួល​ដល់​ការ​រស់នៅ​ទៅ​តាម​តម្រូវការ​របស់​អតិថិជន​។

នៅ​ពេល​គេ​និយាយ​ពី​ការ​រស់នៅ​នៅ​តាម​ខុនដូ​វា​គឺជា​ជីវិត​រស់នៅ​តាម​បែប​ស៊ីវិល័យ​ទំនើប​ប្រកប​ដោយ​ទីតាំង​មាន​សក្តានុពល​ផ្តល់​ភាព​ងាយស្រួល​ផ្តល់​សុវត្ថិភាព​ខ្ពស់ និង​ផ្តល់​ផាសុកភាព​យ៉ាង​គាប់​ប្រសើរ​។ អ៊ីចឹង​ហើយ​បាន​ជា The Bridge ជ្រើសរើស​នៅ​លើ​ជ្រោយ​ទន្លេ​ចតុមុខ​នេះ​ដែល​ជា​បេះដូង​នៃ​រាជធានី​ភ្នំពេញ​។ គ្រប់ៗ​យូនីត​នៅលើ​អគារ The Bridge បាន​ផ្តល់​នៅ​ភាព​លំហែ​ប្រកប​ដោយ​ខ្យល់​ជំនោរ​ទន្លេ​យ៉ាង​បរិសុទ្ធ​ជា​កន្លែង​ផ្តល់​នូវ​ការ​គយគន់​ទស្សនា​ទេសភាព​ទីក្រុង និង​ទេសភាព​មាត់​ទន្លេ​យ៉ាង​ធំ​ទូលាយ​ និង​ឆ្ងាយ​សន្លឹម​។

យោង​តាម​ឯកសារ​ជា​ផ្លូវការ​របស់​គម្រោង The Bridge បាន​បង្ហាញ​ថា​គម្រោង​នេះ​បាន​វិនិយោគ​ក្នុង​ទំហំ​ទឹកប្រាក់ ៣០០ ​លាន​ដុល្លារ​អាមេរិក​ដោយ​វិនិយោគិន​ក្នុង​ស្រុក​សហការ​​ជាមួយ​អ្នក​អភិវឌ្ឍន៍​មកពី​សិង្ហបុរី​។ គម្រោង​នេះ​នឹង​ផ្តល់​កម្មសិទ្ធិ​ស្រប​ច្បាប់​ត្រឹមត្រូវ និង​មាន​ការ​ធានា​ជួល​ត្រឡប់​មក​វិញ​ជា​ទៀង​ទាត់​ដល់​អ្នក​វិនិយោគ​។

ជាធម្មតា​នៅក្នុង​ប្រទេស​កម្ពុជា​មាន​គម្រោង​វិនិយោគ​អចលនទ្រព្យ​ធំៗ​មួយ​ចំនួន​បាន​ជួប​ភាព​យឺតយ៉ាវ និង​មាន​ការ​កាំរកូស​នៅ​ក្នុង​ដំណើរការ​សាងសង់​។ នៅ​ពេល​សួរ​ថា តើ​លោក​ឧកញ៉ា និង​ក្រុមហ៊ុន​របស់​លោក​ឧកញ៉ា​មាន​ចំណុច​ខ្លាំង​ពិសេស​អ្វី​ខ្លះ​ទើប​អាច​ជំរុញ​ឲ្យ​ដំណើរការ​សាងសង់​បាន​ប្រព្រឹត្ត​ទៅ​ដោយ​រលូន និង​ជោគជ័យ​ដូច្នេះ​?

លោក​ឧកញ៉ា រិទ្ធី បាន​ថ្លែង​ទាំង​មុខ​ញញឹម​ថា​៖ «​ខ្ញុំ និង​ក្រុមហ៊ុន​របស់​ខ្ញុំ​គឺជា​អ្នក​អភិវឌ្ឍន៍​គឺ​យើង​ពុំ​អាច​ធ្វើការ​សាងសង់​ដោយ​ខ្លួនឯង​ទេ ប៉ុន្តែ​យើង​មាន​ក្រុម​ជំនាញ​ខាង​គ្រប់គ្រង ត្រួតពិនិត្យ និង​តាមដាន​រាល់​ដំណើរការ​សាងសង់​យ៉ាង​ត្រឹមត្រូវ​។ បន្ថែម​លើស​ពី​នោះ​យើង​ក៏​សូម​ថ្លែង​អំណរគុណ​ដល់​ក្រុមហ៊ុន Sino Greatwall ដែល​ជា​ក្រុមហ៊ុន​ដៃគូ​សាងសង់​ប្រកប​ដោយ​វិជ្ជាជីវៈ និង​គួរ​ជា​ទី​ទុកចិត្ត​ដែល​ធ្វើ​ឲ្យ​សម្រេច​សមិទ្ធផល​គម្រោង The Bridge ដ៏​គួ​ឲ្យ​មោទនៈ​នេះ​»៕

ព័ត៌មាន​បន្ថែម​ទំនាក់ទំនង​៖ ផ្ទះ​គំរូ ផ្លូវ​ឧបាសក សបិត​, ភូមិ​ ១៤ សង្កាត់​ទន្លេបាសាក់ ខណ្ឌ​ចំការមន​។

ទូរស័ព្ទ​លេខ​៖ ខែ្មរ-អង់គ្លេស

092 777 925 / 092 777 927

ភាសា​ចិន 010 777 800

អ៊ីមែល៖ sales@oxleyworldbridge.com.kh

គេហទំព័រ​៖ www.oxleyworldbridge.com.kh

0

Comments

Please, login or register to post a comment