Search form

Login - Register | FOLLOW US ON

Logo of Phnom Penh Post newspaper Phnom Penh Post - ចិន​គាំទ្រ​ CPP ​ខ្លាំង​ជាង​មុន​ ក្រោយ​មាន​ការ​ថ្កោលទោស​ពី​អន្តរជាតិ

Content image - Phnom Penh Post
មន្ត្រីជាន់ខ្ពស់​មក​ទទួល​លោក​នាយក​រដ្ឋ​មន្ត្រី ហ៊ុន សែន ត្រលប់​មក​ពី​ប្រទេស​ចិន​កាល​ពី​ម្សិលមិញ។ រូបថត ហ្វេសប៊ុក

ចិន​គាំទ្រ​ CPP ​ខ្លាំង​ជាង​មុន​ ក្រោយ​មាន​ការ​ថ្កោលទោស​ពី​អន្តរជាតិ

ភ្នំពេញ: លោក​នាយក​រដ្ឋមន្ត្រី ហ៊ុន សែន និង​គណៈប្រតិភូ​កាលពី​ម្សិលមិញ​បាន​ប្រឡប់​មកពី​ដំណើរ​ទស្សនកិច្ច​រយៈពេល​ ៣ ​ថ្ងៃ​ទៅ​ប្រទេស​ចិន​ សម្រាប់​ពិព័រណ៍​ចិន‑អាស៊ាន​លើក​ទី​ ១៤ ដែល​ក្នុង​នោះ​ចិន​បាន​ថ្លែង​ជា​ដដែល​អំពី​ការ​គាំទ្រ​គណបក្ស​ប្រជាជន​កម្ពុជា​ខ្លាំងក្លា​ជាង​មុន​បន្ទាប់ពី​មាន​ការ​​ប្រឈម​មុខ​នឹង​ការ​ថ្កោលទោស​ពី​អន្តរជាតិ​។

លោក ហ៊ុន សែន ដែល​បាន​ចូលរួម​កិច្ចប្រជុំ​កំពូល​ជាមួយ​រដ្ឋមន្ត្រី​ពាណិជ្ជកម្ម លោក ប៉ាន សូរស័ក្តិ បាន​សរសើរ​ចិន​នៅ​លើ​ហ្វេសប៊ុក​របស់​លោក​កាលពី​ម្សិលមិញ​ដោយ​សង្កត់ធ្ងន់​​អំពី​ទំនាក់ទំនង​សេដ្ឋកិច្ច​រវាង​ប្រទេស​ទាំង​ពីរ​។

លោក ហ៊ុន សែន បាន​ថ្លែង​ថា​៖ «​មិត្ត​ចិន​គឺជា​ខ្នង​បង្អែក​ដ៏រឹងមាំ​ដែល​បន្ត​ជួយ​កម្ពុជា​គ្រប់​កាលៈទេសៈ​ដែល​គ្មាន​​បរទេស​ណា​មក​បំបែក​បំបាក់​បាន​ឡើយ​»​។

អ្នក​នាំ​ពាក្យ​រដ្ឋាភិបាល​លោក ផៃ ស៊ីផាន បាន​ថ្លែង​ថា​ជំនួប​ជាមួយ​ចិន​នៅ​ចំពេល​មាន​ការ​រិះគន់​នយោបាយ​ពី​ប្រទេស​​មហាអំណាច​លោក​ខាង​លិច​​គឺ​គ្រាន់​តែ​ជា​ការ​កើតឡើង​ដំណាល​គ្នា​ប៉ុណ្ណោះ ប៉ុន្តែ​បាន​ថ្លែង​ថា​ប្រទេស​ទាំង​ពីរ​មាន​​ទំនាក់​ទំនង​ «​ដ៏​រឹងមាំ​»​។

ចំពោះ​ខាង​ចិន​វិញ​សេចក្តី​ថ្លែងការណ៍​មួយ​កាលពី​ថ្ងៃ​ចន្ទ​ពី​ក្រសួង​ការបរទេស​បាន​សង្ខេប​កិច្ច​ជំនួប​ជាច្រើន​ជាមួយ​មេដឹកនាំ​ផ្សេងៗ​ដោយ​ក្នុង​នោះ​បាន​លើក​ឡើង​ជាពិសេស​អំពី​ភាព​ស្និទ្ធស្នាល​ជាមួយ​កម្ពុជា​។

ឧបនាយក​រដ្ឋមន្ត្រី Zhang Gaoli បាន​លើក​ឡើង​ថា​ទំនាក់​ទំនង​ចិន‑កម្ពុជា​មាន​ការ​អភិវឌ្ឍ​ល្អ​នាពេល​​បច្ចុប្បន្ន​»​។ «​ចិន​សរសើរ​កម្ពុជា​ចំពោះ​ការ​រួម​ចំណែក​ខ្លាំង​ក្នុង​កិច្ចការ​រក្សា​ស្ថានភាព​ទាំង​មូល​នៃ​កិច្ចសហការ​រាក់ទាក់​រវាង​ចិន‑អាស៊ាន​»៕ PS

0

Comments

Please, login or register to post a comment

ព័ត៌មានពាក់ព័ន្ធ