ភ្នំពេញៈ ក្រសួង​យុត្តិធម៌​បាន​ប្រតិកម្ម​នឹង​សេចក្តី​ថ្លែងការណ៍​របស់​ក្រុម​សមាជិកសភា គណបក្ស​សង្គ្រោះ​ជាតិ​ដែល​បាន​លើក​ឡើង​ថា​ការ​ចាប់​ខ្លួន​លោក កឹម សុខា ធ្វើ​ឡើង​ដោយ​បំពាន​ច្បាប់ ព្រោះ​មិនមែន​ជា​បទល្មើស​ជាក់ស្តែង​ស្រប​ពេល​ដែល​ចៅក្រម​ស៊ើបសួរ​បាន​បដិសេធ​មិន​ឲ្យ​ក្រុម​តំណាងរាស្ត្រ​សង្គ្រោះ​ជាតិ​ចូល​ជួប​លោក កឹម សុខា ហើយ​លោក​ សុខា ដែល​ត្រូវ​បាន​បញ្ចូល​ទៅ​ឃុំ​ខ្លួន​ក្នុង​បន្ទប់​ជាមួយ​អ្នក​ទោស​ផ្សេង​ទៀត​ដោយ​ឲ្យ​ស្លៀកពាក់​ខោអាវ​អ្នកទោស​បាន​បដិសេធ​ឆ្លើយ​សំណួរ​របស់​ចៅក្រម​ស៊ើបសួរ​។