Search form

Login - Register | FOLLOW US ON

Logo of Phnom Penh Post newspaper Phnom Penh Post - ចំនួន​អ្នក​ចុះ​ឈ្មោះ​បោះឆ្នោត​ធ្លាក់​ចុះ​ខ្លាំង

Content image - Phnom Penh Post
ស្ត្រី​ម្នាក់​កំពុង​ចុះ​ឈ្មោះ​បោះឆ្នោត​នៅ​សង្កាត់​បឹងកេងកង​ ៣ ​កន្លង​មក​។ ហេង ជីវ័ន

ចំនួន​អ្នក​ចុះ​ឈ្មោះ​បោះឆ្នោត​ធ្លាក់​ចុះ​ខ្លាំង

ភ្នំពេញៈ ចំនួន​អ្នក​ចុះ​ឈ្មោះ​បោះឆ្នោត​បាន​ធ្លាក់​ចុះ​យ៉ាង​ខ្លាំង​នា​ប៉ុន្មាន​ថ្ងៃ​កន្លង​មក​នេះ​ដែល​ស្ថិតិ​បាន​បង្ហាញ​ហើយ​អង្គការ​ឃ្លាំ​មើល​ការ​បោះឆ្នោត​មួយ​អំពាវនាវ​ឲ្យ​គណៈកម្មាធិការ​ជាតិ​រៀបចំ​ការ​បោះឆ្នោត​បង្កើន​កិច្ចការងារ​​របស់​ខ្លួន​ថែម​ទៀត​។

នៅក្នុង​កិច្ចខិតខំ​ប្រឹងប្រែង​ដើម្បី​សម្រេច​ឲ្យ​បាន​ការ​ចុះ​ឈ្មោះ​បោះឆ្នោត​ដល់​អ្នក​ដែល​មាន​សិទ្ធិ​បោះឆ្នោត​ចំនួន ៩,៦ លាន​នាក់​នៅ​ក្នុង​ប្រទេស​កម្ពុជា​មុន​ដំណាច់​ខែ​វិច្ឆិកា​ខាង​មុខ​​នេះ​គណៈកម្មាធិការ​ជាតិ​រៀបចំ​ការ​បោះឆ្នោត​មាន​គោលដៅ​ធ្វើការ​ចុះ​ឈ្មោះ​ឲ្យ​បាន​ប្រហែល ១០ ម៉ឺន​នាក់​ក្នុង​មួយ​ថ្ងៃៗ​សម្រាប់​រយៈពេល​បី​ខែ​នៃ​ការ​ចុះ​ឈ្មោះ​ប៉ុន្តែ​នៅ​ពេល​នេះ​ត្រូវ​បាន​គេ​មើល​ឃើញ​ថា​អ្នក​ចុះ​ឈ្មោះ​មាន​ការ​ថយ​ចុះ។

ចាប់ពី​ថ្ងៃ​ពុធ​រហូត​ដល់​ថ្ងៃ​សៅរ៍​សប្តាហ៍​មុន​ការិយាល័យ​​ចុះ​ឈ្មោះ​បោះឆ្នោត​របស់ ​គជប នៅ​តាម​ឃុំ​ សង្កាត់​ទូទាំង​ប្រទេស​បាន​រាប់​ឃើញ​ថា​ជា​មធ្យម​គឺ​មាន​អ្នក​ចុះ​ឈ្មោះ​ក្រោម ៤៩-០០០ នាក់​ប៉ុណ្ណោះ​​ក្នុង​មួយ​ថ្ងៃ​គឺ​មាន​តែ​ពាក់​កណ្តាល​នៃ​ចំនួន​គោលដៅ​របស់​ខ្លួន។ អ្នក​ដែល​មាន​សិទ្ធិ​បោះឆ្នោត​ប្រមាណ ៣ លាន​នាក់​ទៀត​នៅ​មិន​ទាន់​ចុះ​​ឈ្មោះ​នៅ​ឡើយ។

លោក​ គល់​ បញ្ញា នាយក​អង្គការ​ឃ្លាំមើល​ការ​បោះឆ្នោត​ខុមហ្វ្រែល​បាន​ជំរុញ​ឲ្យ​ គជប​ ធ្វើការ​ជាមួយ​អង្គការ​ក្រៅ​រដ្ឋាភិបាល និង​គណបក្ស​នយោបាយ​ផ្សេងៗ​ដើម្បី​បង្កើន​កិច្ចខិតខំ​ប្រឹងប្រែង​ដោយ​ត្រូវ​ជូន​ដំណឹង​​បន្ត​ទៀត​ដល់​ប្រជាពលរដ្ឋ​អំពី​កិច្ចការ​របស់​ខ្លួន​ដែល​កំពុង​បន្ត​ធ្វើ។

លោក​ថ្លែង​ថា៖ «កាលពី​ចាប់​ផ្តើម​ដំបូង​មាន​ការ​ផ្សព្វផ្សាយ​ព័ត៌មាន​ជាច្រើន​ប៉ុន្តែ​នៅ​ពាក់​កណ្តាល​នៃ​យុទ្ធនាការ​នេះ​ព័ត៌មាន​ត្រូវ​បាន​គេ​កាត់​បន្ថយ​ដូច្នេះ​យើង​ត្រូវ​ធ្វើ​ការ​ផ្សព្វផ្សាយ​បន្ថែម​ទៀត​អំពី​ការ​ចុះ​ឈ្មោះ​បោះឆ្នោត​នេះ»​។

អ្នក​នាំ​ពាក្យ​ គជប លោក​ ហង្ស​ ពុទ្ធា​ មិន​អាច​ទាក់ទង​សុំ​អធិប្បាយ​បាន​ទេ​កាលពី​ថ្ងៃ​ម្សិលមិញ​៕ NS

0

Comments

Please, login or register to post a comment