ភ្នំពេញៈ តំណាងរាស្ត្រ​គណបក្ស​ប្រជាជន​កម្ពុជា ៦៨ រូប បាន​ចំណាយ​ពេល​ត្រឹម​តែ​មួយ​ព្រឹក​ប៉ុណ្ណោះ ក្នុង​ការ​អនុម័ត​ដោយ​បោះ​ឆ្នោត​ជា​ឯកច្ឆន្ទ លើ​សេចក្តី​ព្រាង​ច្បាប់​សមាគម និង​អង្គការ​ក្រៅ​រដ្ឋា​ភិបាល ខណៈ​ដែល​តំណាងរាស្ត្រ​គណបក្ស​ប្រឆាំង​ទាំង ៥៥ រូប​បាន​ធ្វើ​ពហិការ​ចូល​ប្រជុំ ដោយ​ហៅ​សេចក្តី​ព្រាង​ច្បាប់​នេះ​ថា មាន​លក្ខណៈ​គាប​សង្កត់ រឹត​ត្បិត​សេរីភាព​បុគ្គល ព្រម​ទាំង​ផ្ទុយ​នឹង​រដ្ឋ​ធម្មនុញ្ញ​កម្ពុជា និង​អនុសញ្ញា កតិកា​សញ្ញា​អន្តរជាតិ។