ភ្នំពេញៈ បើ​ទោះ​បី​មាន​ការ​ជំទាស់​យ៉ាង​ខ្លាំង​ពី​រដ្ឋាភិបាល​ក៏​ដោយ ក៏​សាលា​ក្តី​ខ្មែរ​ក្រហម ​ដែល​គាំទ្រ​ដោយ​អង្គការ​សហ​ប្រជាជាតិ កាល​ពី​​ថ្ងៃ​ព្រហស្បតិ៍ បាន​សម្រេច​ធ្វើ​ការ​ចោទ​ប្រកាន់​ អតីត​មន្ត្រី​ខ្មែរ​ក្រហម​ម្នាក់​ទៀត​ ដែល​ជា​អតីត​អនុ​លេខា​ភូមិភាគ​កណ្តាល​លោក ​អោម អាន ដែល​គេ​ស្គាល់​ច្បាស់​ជាង​នេះ​ថា ​តា ​អាន ​ដែល​បាន​លេច​មុខ​នៅ​ក្នុង​បន្ទប់​តុលាការ ដើម្បី​ប្រឈម​មុខ​នឹង​ការ​ចោទ​ប្រកាន់​ពី​បទ​ឧក្រិដ្ឋកម្ម​ប្រឆាំង​នឹង​មនុស្ស​ជាតិ និង​ឃាតកម្ម​គិតទុក​ជា​មុន ​ក្នុង​សំណុំ​រឿង ០០៤។