Search form

Login - Register | FOLLOW US ON

Logo of Phnom Penh Post newspaper Phnom Penh Post - ដំណាក់​កាល​ធ្វើ​ផែនការ​នៃ​គម្រោង REDD+ ត្រូវ​បាន​ចាប់​ផ្តើម

Content image - Phnom Penh Post
ឈើ​ហុប​នៅ​តំបន់​ដី​សម្បទាន​នៅ​ព្រៃឡង់​ពី​ខែ​កុម្ភៈ​ឆ្នាំ​ ២០១៦ ​។ រូបថត VANNRITH RONG

ដំណាក់​កាល​ធ្វើ​ផែនការ​នៃ​គម្រោង REDD+ ត្រូវ​បាន​ចាប់​ផ្តើម

ភ្នំពេញៈ ក្រសួង​បរិស្ថានបាន​ចុះ​កិច្ច​ព្រមព្រៀង​មួយ​ជាមួយ​នឹង​អង្គការអភិរក្ស​អន្តរជាតិ និង​សាជីវកម្ម​ធនាគារ Mitsui កាល​ពី​ម្សិលមិញ ដើម្បី​ចាប់​ផ្តើម​ដំណាក់​កាល​ធ្វើ​ផែន​ការ​នៃ​កម្មវិធី​ REDD+ ថ្មី​មួយ​សម្រាប់ ​ព្រៃឡង់។ ​ក្រុម​មន្រ្តី​​​បាន​ធ្វើ​ការ​បញ្ជាក់​ពី​ការ​ចុះ​ហត្ថលេខា​នេះ​ផង​ដែរ។

លោក សៅ សុភាព មន្រ្តី​នាំពាក្យ​ក្រសួង​បរិស្ថាន​បាន​ឲ្យដឹងថា ដំណាក់​កាល​ធ្វើ​ផែនការនេះ​នឹងមាន​រយៈ​ពេល​បី​ឆ្នាំ ដោយ​ការ​អនុវត្ត​គម្រោង​នឹង​ត្រូវ​បាន​ចាប់​ផ្តើម​នៅ​ឆ្នាំ ២០២០។

លោក​និយាយថា៖ «គោលដៅ​គឺ ដើម្បី​បង្កើត​ឡើង​នូវ​យន្តការ​ហិរញ្ញវត្ថុ​ប្រកប​ដោយ​ចីវភាព។ យើង​ចង់​បាន​ឥណទាន​កាបូន និង​កាត់​បន្ថយ​ការ​កាប់​ព្រៃឈើ។ នេះ​គឺ​ដើម្បី​ពង្រឹង​ការ​ការពារ​ព្រៃ​ដែល​នៅ​សេសសល់»។

REDD+ គឺ​ជា​កម្មវិធី​គាំទ្រ​ដោយ​អង្គការ​សហប្រជាជាតិ ដែល​សំដៅ​ជំរុញ​ឲ្យ​បណ្តារដ្ឋាភិបាល និង​ក្រុមហ៊ុន​ឯកជន​​ការពារ ព្រៃឈើ។ ថវិការ​នឹង​ត្រូវ​បាន​ផ្តល់​ឲ្យ​ជា​ថ្នូរ ​នឹង​ការ​កាត់​បន្ថយ​ការ​បញ្ចេញឧស្ម័ន​កាបូន​ ដែល​ធ្វើ​ឲ្យ​ផែន​ដី​កើន​កម្តៅ និង​ត្រូវ​បាន​បង្ក​ឡើង​ដោយ​ការ​កាប់​ព្រៃឈើ។ ក៏ប៉ុន្តែ អ្នក​ជំនាញ​មួយ​ចំនួន​មាន​មន្ទិល​សង្ស័យ​ចំពោះ​ប្រសិទ្ធភាព​របស់​កម្មវិធី​នេះ។

លោក Timothy Fewer ​អ្នក​ស្រាវជ្រាវ​មួយ​រូប​បាន​លើក​ឡើង​ថា៖ «កម្មវិធី REDD+ បាន​ដាក់​ជំនឿទុក​ចិត្ត​ជា​ខ្លាំង​ទៅ​លើ​អ្នក​ជំនាញការ និង​ទីផ្សារ។ ក៏ប៉ុន្តែ​ កម្មវិធី​នេះ​បាន​បង្ហាញ​នូវ​អសមត្ថភាព​របស់​ខ្លួនក្នុង​ការ​ដោះ​ស្រាយ​​បញ្ហា​នយោបាយ​ដែល​លេច​ឡើង​នៅ​ពេល​កំពុង​ដោះស្រាយ​ជាមួយ​នឹង​ការ​គ្រប់​គ្រង​ព្រៃ​ឈើ​នៅ​កម្ពុជា»។

លោក​បន្ថែម​ថា កម្មវិធី​នេះ​ប្រើប្រាស់ថវិកា និង​កម្លាំង​ជា​ច្រើន ក៏ប៉ុន្តែ «បាន​ហុច​ផល​តិច​តួច​តែ​ប៉ុណ្ណោះ»៕ TN

0

Comments

Please, login or register to post a comment