កំពង់ធំៈ សំឡេង​ម៉ាស៊ីន​អារ​ឈើ​ឮ​រំពង​ព្រៃ​ជំនួស​ឲ្យ​សំឡេង​សត្វ​បក្សា​បក្សី ដើម​ឈើ​ដ៏​ខ្ពស់​សន្លឹម​ឈរ​ទ្រឹង​ប្រឆាំង​នឹង​កំដៅ​ព្រះអាទិត្យ​ដើម្បី​ជា​ម្លប់​នៃ​សត្វ​ទាំង​ពួង ជំនួស​ដោយ​គល់​ឈើ​និង​ស្នាម​ផេះ ដែល​ប្រជា​សហគមន៍​ព្រៃ​ឈើ នៅ​ព្រៃ​ឡង់ ខេត្ត​កំពង់ធំ បាន​នាំ​គ្នា​អះអាង​ថា ដំណើរ​ឆ្ពោះ​ទៅ​រក​ការ​វិនាស​ហិន​ហោច​នៃ​ព្រៃ​ឡង់​និង​ដើម​ច្បោះ​ក្នុង​រយៈ​ពេល ១ ឆ្នាំ​ទៀត​យ៉ាង​យូរ​បំផុត​ដោយ​សារ​តែ​ការ​ព្រួត​ដៃ​គ្នា​បំផ្លាញ​ពី​សំណាក់​សមត្ថកិច្ច​ដែល​បាន​លើក​ទឹក​ចិត្ត​ឲ្យ​ពលរដ្ឋ​កាប់​ឈើ​ដោយ​សេរី​ដើម្បី​លក់​ឲ្យ​បក្ខពួក​របស់​គេ។